لو ,,شسمه هذا ,, الشغالة ادخلو وانتو تعرفون

مراحبــــــــــــــــــــــــــــــــــــــــ
كيفكم حوائيات
سيف من يعز عليكم
بدرعم بالموضوع علطول وبلاش مقدمة وتمهيد وحركات دروس
هذا الله يسلمكم وشسمه ذاك :twirl:
كنت أمس بالليل مسوية لي كاس كبير شاهي ودردبته كله,
,يوم جاء تالي بالليل بدت المواد المنبهه تدهر وتقول للنوم رووح رووح:icon29:
التفت ذات اليميم وذات الشمال الكل غاط في نوم عميق, ناظرت زوجي قلت اقومه نتناقر يصير فيه أكشن على الاقل بدال هالملل:pinklove:
تذكرت اننا قبل يومين متناقرين أنبني ضميري وقلت خله يرفرف بسلام في عالم الاحلام (حلوه هذي شرايكم:biggthump

بدا بليس ينتهز الفرصة مايفوته شيء الله يخزيه وبدا يفتح علي مواضيع
تذكرين هذيك وش قالت
هذيك وش سوت وانا اتعوذ منه اتعوذ منه
الين جاني من اليد اللي توجعني (اخ حسبي الله عليك ياابليس متى احج واطلع حرتي فيك :024:)
تذكرت ورقه صغيرة قريتها آخر مره فتشت شغالتي رسالة حب مكتوب فيها رقم وانا احبك ومن هالخرابيط
وقتها مااهتميت فيها
بس رجعت أفكر لاتكون الله يستر مشبكة لي مع أحد فرقاعين ,,والأ تجيبلي بلا وإلا جلا
وينط إبليس بكل حماس يوم شافني اقلب عييناتي من التفكير:blink:

قال ونسيتي يالمهبولة (ابليس ذا شين وقوة عين:ohwe:) بعد يوم ولدتس يقولتس ماما الشغالة عطتني كف

قلت يابنت يامشمشة لازم تحطين حد لهالحيرة والقلق وتركبين كاميرات وترتاحين
بعدين في لحظة تأمل وإنسجام مع العقل الباطن ,, قال عقلي الباطن الكاميرات يامشمشة لها سلبيات ماسمعتيهم بالقناة الأولى يحذرون منها ( اتابع القناة الأولى منذو فترة , اكتشفت ان فيها برامج حليله أهم شيء انهم بطلوا يقولون لما ينسجم الواحد مع المسلسل ويفغر فمه من الاندماج نكتفي بهذا القدر خخخخ:biggrin:)
المهم ويجي عقلي الباطن ماقصر ويولعلي شمعة على فكرة ,,قلت ليه ماأحط كاميرات تمويه عشان تخاف وتحس انها مراقبة.
قلت الله ينور عليك ياعقلي الباطن.
وهو يطفي الشمعة من هنا عشان ماتحترق جمجمتي الله يستر ويجي عقلبي لواعي يرتاح ويستعد للنوم.:humm:

وش رايكم بهالهواجيس الفراغ شين صح.
المهم لاعاد تشربون شاهي بالليل اكتشفت انه اوب ينفع ابد :icon35: