لو عندك صديقة تثقين فيها وتخاف ربها هل تزوجيها لزوجك في سبيل السترة للبنات !!

السلام عليكم جمعا
اكيد في بنات داخلين ومعصبين او قايلين خلينا نشوف مين هي اللي ضاربة معها وبدها تزوج زوجها
على كل انا رح اقول اللي عندي وانتو قولوا اللي عندكن
ومن غير مايصير مناقشات حادة لو سمحتوا ,لانو سبق وانفتح موضوع بهاد الشبيه وصار في خلافات بين بعض العضوات الله يهدينا جميعا
المهم كلنا نعرف الدنيا زايلة مو باقي غير عملنا الصالح اللي ندعو الله ان يدخلنا الفردوس الاعلى ان شاء الله , ونعرف ايضا انو الرجل يحقله اربع نساء شرعا احيانا بفكر لو كل وحدة فينا كبرت عقلها , وانا اولكم واختارت بنت تعجبها في اخلاقها وظاهر عليها خوف الله وزوجتها لزوجها شو كان رح يصير , ومتل ما بنعرف مازال الدنيا زائلة ليش نزعل ونحتكر ازواجنا
انا مرة قعدت احكي مع زوجي وقلتله طبعا بدي اشوف ردة فعله قلت له نحن الان بغربة ولسى باول الطريق لا في بيت ببلدنا ولا خالصين دراسة ولا شي- الحمد لله على كل حال - اذا الله عطانا عمر وصار عنا بيت ملكنا ببلدنا وخلصنا دراسة واستقرينا ممكن افكر اخطبلك وحدة انا بعرفها واحبها ونكون نقصنا من البنات اللي مو متزوجات وحدة ولا ابو الشباب نط وفرح قال انت من جد عبتحكي ولا بس حكي قلتله ليش قال لو من جد هاد كلام خطير قلتله كيف ؟ قال هاد دليل على انك نضجت وبتفكري صح وماعندك الغيرة النسوانية وانا بعجبني تكوني هيك!!
وبدينا نحكي انو لو كل وحدة فكرت متل تفكيري كان تمام :42: انا كملت معاه وماخليته يحس انو كلامي مو جد والله انو بلش يضحك وفرح وصار يقلي انو لما الرجل يتزوج عن طريق زوجته الالى رح تكبر بعينه ويحبها اكتر ويحترمها !!! فشو رايكم انا الصراحة اغار بشكل مو طبيعي وقلتله لو انك تتزوج وحدة بس ما تنام معها ابدا انا موافقة :42: -عبقرية زماني - ماعجبه الكلام طبعا ولا رح يعجبها هو ليش متزوجها لكن :42: المهم مرت فترة وحصل موقف انا انزعجت شوي منه وقلي لا تحكي شي انا بحقلي اربعة انا ممكن اي وحدة اتزوجها ولا صاحبنا قوت عينه وفتحتها انا على الموضوع فقلتله ليكون صدقت كلامي عن تزويجك قال اي انت قلت قلت لا لا انا وقت حكيتلك كان الليل وانت مابتعرف انو كلام الليل يمحوه النهار :angry2: قال تراجعتي قلتله اي وصرنا نضحك وبس انتهت القصة بس انا الفكرة ببالي لسى بس غلطتي انو حكيت معه والخطة اصلا مارح تتنفذ الى بعد سنوات اذا الله عطانا عمر :) والله اعلم لما نصير بهداك الوقت
بس مجرد فكرة وحبيت اعمل استفتاء بينكم وبدي اشوف كم نسبة اللي بتعجبهم الفكرة وخاصة انا اجتني الفكرة لما شفت وحدة بالتلفزيون رئيسة جميعة خاصة بالهموضوع بس ما بتذكر شو اسم هالجمعية وقال هي كل يوم بتعرض لزوجها وحدة من صاحباتها وتترجاه يتزوجها بس هو بيرفض ؟؟؟؟ :42: والله اعلم بكلامها , المهم البنوتات الحلوين اللي لسى نصيبهم ما وصل والله يبعت نصيب كل وحدة ان شاء الله لو سمحتوا بس اقرأوا الموضوع بدون ردود منكم :26: وبدون زعل ولاتفكروا انتو شي ونحن شي لأ واحتكرت الموضوع بس للمتزوجات بس لحاجة في نفس يعقوب
واسفة طولت عليكن بس هذا ماجال في خاطري :26:
والسلام عليكم
واعذروني يمكن ما اقدر ارد على كل وحدة :26: