تخيلى انك اول يوم رمضان او حتى فى اى يوم
جالك عزومة
كبيرة ياترى حتعملى اية حتتوترى
وتبقى مش عارفة تعملى
اية ولا حتطلبى المساعدة من حد
تعالى معى وخطوة خطوة
ان شاء الله حتعملى
احلى عزومة تشرفك وتشرف زوجك
اليوم هانناقش الصعوبات اللي
بتواجهنا كلنا في عزومات رمضان
ونحاول نتغلب عليها ان شاء الله
نبدأ بسم الله
وعلى بركة الله
اكيد كل بيت دلوقتي فيه ديب فريزر
او حتى ثلاجة كبيرة
1- حفظ الثوم والبصل
قشري التوم والبصل بكميات كبيره
وافرميهم عادي في الكبه
ولكن اياكي تحطيه كده زي ماهو
لازم يتغطي تماما بالزيت علشان
لونه مايسود وطعمه مايتغير
طبعا ممكن نجيب الثوم في
اول الموسم بيكون طري ونفرمه في الكبه
وبرضه نغطيه تماما بالزيت
2- احلي طريقه لاحلي صلصه
الطريقه دي جميله
في حفظ الطماطم
مش بس كده
كمان اسهل من السهوله
حطيها زي ما هي سليمه في
درج من ادراج الفريزر
وعند الاستعمال طلعي الكميه المطلوبه
وسيبيها تفك خااااااااااااالص
هاتلاقي القشره
انفصلت لوحدها
شيلي القشر كله وحطيها في طبق
بعد ثواني معدوده
هاتلاقيها نزلت ميه صفرا
الميه دي بقي فيها كل المراره والحموضه
اللي بتبقي في الطماطم
نرمي الميه طبعا
ونضرب الطماطم في الخلاط
ونحطها دقايق
قليله تتسبك مش بتاخد
وقت
اولا : لانها شبه مستويه في الفريزر
ثانيا : لان الميه اللي نزلت دي وفرت
الوقت اللي بتقعده علي النار علشان تتركز
وكمان مش فيها اي حموضه
وبتبقي مسكره وجميله جدا جدا جدا
بجد احلي طريقه جربتها للطماطم
ده غير انها سهله جدا ولا تضربي وبعدين
تصفي وبعدين تسبكي ووجع القلب ده
ولكن لو مافى وقت
ومافيش طماطم
واضطريتي تستخدمي الصلصه الجاهزه
اوكي بس حاولى تستخدمى الصلصة
فى علب زجاج لانها صحيحيا افضل
3-حفظ المشمش لعمل قمر الدين
والمهلبيه والعصير
ويمكن حفظ فراوله وخوخ
وعنب علشان العصاير
طبعا ده بقي بيختلف
من بيت للتاني حسب ذوقك