مع انه أمر باذن الله مستبعد بس اذا لا سمح الله حصل بيكون هذا تصرفي أنا شخصيا وبدون أسف

بكل بساطة اذا اراد يتزوج ماراح اعترض له ولا راح أبين له اني بموت أو بتنتهي حياتي من غيره دام أهو اللي ابتدى ونسى عشرتي وفضل يحط على راسي وحدة آنا بعد بكل بساطة بنسى ان عندي زوج وبقول له انت حط لي بيت باسمي وعطني معاشي وخل لي عيالي بربيهم وبتم على ذمتك عشان عيالي فقط وتقدر تجي تشوفهم في أي وقت والبيت بيكون مفتوح لك في أي وقت بس انسى اني أرد لك مثل أول او أعطيك حقك الشرعي اللي هو ( الجنس) أو الكلام اللطيف ولا يفكر اني حتى أشوفه وأجلس معاه كل هذا بتوفره لك و بتعطيك اياه زوجتك الجديدة أما أنا بقوم بنحو بيتي وعيالي على أكمل وجه وانت روح تزوج وعليك بالعافية والله يهنيك وانت من اليوم وصاعد وجودك وعدم وجود واااااااااااحد عندي .

لأني بصراحة جدا وفية لزوجي ويكون جزاء الاحسان والصبر الزواج علي ؟ شسوي له أقول روح تزوج وبرافو وأصفق له ؟ فلازم أحرمه مني وأبين له اني راح اعيش بدونه مرتاحة مع عيالي وببقى على ذمته وش يبي أكثر من جذي ؟

آسفة طولت عليكم

اذا كان هناك سبب يجبره على الزواج 000واقنعني به فلن امانع 00صحيح انه بالنسبه لي موت بطئ لكن اهون من ان يفكر بالحرام والله مع الصابرين

الله لايجيب ذاك اليوم يارب

كيف حالكم يا الربع وكيف كان العيد
بصراحه أنا معاكم الله لا يجيب هذا اليوم:41:
بس أوافق البسكوته في موقفها