بصراحه الموضوع يقهرررررررررر :30:

بس لو صار لاقدر الله .. لاقدر الله

ماتوقع انه حيكون لي اي ردة فعل غير الدعــــاء البكاااااااء وبس

ازعل اكيد .. اتضايق واموووووت قهر ,, بس اخرتها راح اتحمل عشان عيالي

اما الطلاااااق مستحيييييل افكر فيه بسبب ان زوجي تزوج ..

لأني اتوقع ان الطلاق حل لمشاكل اكبر من كذا .. يعني لو كان مايصلي ,,

مدمن .. سكورجي .. اخلاقه سيئه .. ممكن الوحده تفكر بالطلاق

لكن اذا كان الرجال صايم مصلي وقايم بحقوق زوجته وبيته وعياله ..

وحب انه يتزوج ماللوحده الا الصبر .. والدعــــــــــــــــــاء

وبصراحه المفروض ان الحرمه تحاول تملى على زوجها حياته وماتخليه يفكر انه يتزوج عليها من البدايه ..

اما اذا كان اقشر ومايملى عينه شي .. احس انه لو يتزوج احسن
عشان يشوف ان حرمته ماكانت مقصره بس هو عينه فارغه

احس اني من ذحين ماني قادره اجمع .. مره اتفلسف :11:
ومره اعصصصب :30: والله مدري ايش يصير بالظبط

عموما الله لايجعلنا نذوق قهر ذاك اليوم :44:

ياربييييييييييييييييييييييييه ليش تفتحون هالسيرة ماعند رجاجيلنا من يعرسون اذا بغيناهم يسولفون الا هالسيرة تلاقين الحرمة هالضعيفه تدهر علشان اذا جاء ابو الشباب يلاقي البيت ويلاقيها على سنقة عشرة تعد وتمد متى يجي
ثمن يجي المملوح ينجطل على الكنبة<========ينجطل لغير الناطقين بالعربيه اي ينسدحوووو باسترخاء وهو بفنيلة ام عسكري وصراول الاصيل الطويل
ايه نرجع لموضوعنا ينجطل ويقعد يغرد الا مير وش رايتس اعرس ثمن عاد يبدا يدخل في احلام اليقظة وانتي ماغير فاقتن خشتس قاعدتن تستوعبين سواليفه
وجهتس كن مذرور عليه رماد
اما هو وجهه يسفر وينور تقولين كبووووووووووس استاد الملك فهد

لاوالعله اذا قالتس ترى اذا اعرست انتي على غلاتس اتني ام عيالي وابعدل<==========انا الي والله ابعدل لك هالخشه بمخمس:11:
وش بتعدل اعنبو شيطانكم ماعدلتوا وماعندكم الا وحدة اجل لو ثنتين ماغير مطايرن للستراحات وين بتبد على بيتين والا بس هو عرس وبس ليه ماتفكرون في غير اللذة الجسديه الى ماهو اكبر واوسع الى بيت بينهدم حياة بتتكسر يكفي ان الزوجة ماراح يصفى قلبها لزوجها يكفي ان العيال بيضيعون من بيربي عيال الحرمتين والا بيجدعون في تسبود الحريم لان بدل ما تكون معاهم كل السنه بتكون معاهم ستة شهور؟؟

<=======الي راح بس مقدمة برد تسبد والباقي اعظم

<=========فيها شر:30:

الشرع حلل التعدد لاسباب معينه اما لمرض الزوجة او لعدم قدرتها على الانجاب او لعدم قدرتها على اعطاء الزوج حقوقة الزوجية ..
لكن الفسقه في بعض الرجاجيل تسوي اكثر موشرط ان الرجال اعرس على حرمته ان حرمته مقصرة بالعكس انا تيقنت ان الي متزوجين من حريم قشر وقويات ما يفكر يعرس ثانيه لانه يقول مهبول انا اجيب لي علة ثانيه على قلبي يييييزي وحدة..ولان الرجال الي حرمته حلوة وتحشمه ومدلعته يحسب كل الحريم كذا ما يشكر نعمة ربه الا يتبطر وهذا طبعا ما اعممه على كل الرجاجيل
هذا بس ينطبق على نوعية ان الكريم اذا اكرمته ملكته وان اللئيم اذا اكرمته تمرد..

بس تدرون وين القهر اذا كان رجلك عله وغثيث ولا يعرف يسوي شئ للبيت لامقاضي لافواتير ولاتدريس عيال حتى ثيابه ما يجيبها من الخياط الا انتي...!!! وانتي متحملته علشان عيالك وتقولين نصيبك كذا ..
ثمن يجي يرز خشته ويعرس يحسب ان كل المعرسين مرتاحين زيه ..
هينا وش يكون الموقف ؟؟


لو انا بجدع عياله في تسبده لو شهر ادري ان قلبي بيتقطع بس علشان يعرف ان الله حق ويحس بالمسؤليه وخلينا نشوووف عروس الغفلة هي بتصاليهم ولا لا وبطلب الطلاق وبقوله: وع مابي فضلة..

بصراحه..

دايم اذا قال بعرس اقول مع السلامه والقلب داعي لك ولاكني جايبه خبر وانا من جواء اقوول الله يكفيني شرك واغلي غلي
واذا قال يعني عادي عندتس عرسي اقول ايه اذا انت هانت عليك عشرتي وهان عليك استقرار بيتنا الاسري
<=======ايه يالبيت الابيض:23:
فانت برضو بتهون علي اذا قلت لي سبب واحد تقولي فيه انا مقصرة انا اخطب لك بنفسي
بس فسق ومن باب التجديد لا عيوني انت من طريق وانا من طريق
عاد يرد علي وانتي وش تبين بطلاق اقعدي عند عيالك وش بتستفيدي اذا طلقتس..؟؟ اقعدي في بيتس واعقلي وخليتس سبير وقت العوزة
اجي انا التفت عليه بدلع واسلهم بعيوني واقول لاحبيبي اذا تزوجت انا كمان بتزوج خليني اجرب احد يدلعني يكفيني من عمري الي راح بس ادلعك..

هناااااااااااااااا<========موسيقااااااااا تصويريه بليزززززز

ينقلب وجهه ويغدي بسم الله الرحمن الرحيم شين ماينذكر ويلقط ثوبه ومفاتيح سيارته ويطير للاستراحة<==ماجازله اخر السالفه ياحيل الله وراه من خذتك وانت مغثيني ابعرس ابعرس وانا مسبطه... ادر ان الله حق وان ربي موب يطق بعصى..

في الختام اقول الله لايجيب هاليووووم وياليت كل رجال يحفظ هالمثل ويخليه حكمته الي يعمل فيها طول عمره:




( امسك قردك لايجيك الي اقرد منه )

الله لايبلانا ولا يكتبها على مسلمه

الله لايجعلني اسمعها

































ولا يوريني ذاك اليوم

غادة الغيد

هههههههههههههههههههههههههههه
ردك روووووووووووعه والله فعلاً هذا اللي صاير

الله يعين الحريم