لو قال لج زوجج هالكلام شو تسوين......؟؟!!!

السلام عليكم ورحمة الله وبركاته

شحالكم خواتي
ابغي اسألكم عن موقف حصلي شخصيا وكان السبب في ان نفسيتي تصير:44:

لو قال لج زوجج انا مرتاح معاج لكن تمنيت لو انج كنتي مثل اختي فلانه في شخصيتها .. ولما سألته ليش ما خليتها تدور لك وحده مثلها يقول ما فيه مثلها

انتي شو يكون موقفج مع انه صدق مستانس عليج ويحس ان فيج مميزات انتي بعد ومب مقصر معاج لكنه يشوف ان شخصية اخته افضل لدرجه انه كان يتمنى وحده مثلها

مع اني قبل ما اترتبط معاه كان فيه ناس غيره يبوني وانا في نظرهم كنت احسن من كل البنات يعني يشوفوني فوق البنات في كل شي ويقولونها بصراحه تعجبني شخصيه فلانه اكثر من اي احد ثاني ..

والله انه فتح لي مجال اذكرهم واقول محد يمكن كان بيقدرني غيرهم لكني اعرف ان هالشي غلط وكل شي قسمه ونصيب والحمدلله انا مرتاحه الا هالشي منغص عليه راحتي من يوم ما قاله لي وانا اذكره واحس بالفشل في اني اقدر اكون اللي تمناها زوجي وانا متأكده اني مهما سويت ما بيشوفني مثلها لان اخته هاذي لها مكانه خاصه عنده وانا والله احبها وايد واشوف فيها كل خير بعد بس انه يقارني فيها كزوجه والله احس بأن هالشي جارح وااايد لأن محد يعرف كيف تعامل اخته مع زوجها .. والحرمه مع زوجها غير لما تكون مع اهلها ..

انتوا شو بيكون موقفكم لو قالوا لكم ازواجكم هالكلام

انتظركم لا تهملوني:(