انا عن نفسي

اروح كل اسبوع واشتري على قطعه قطعه لين انسقها مع بعض بكذا ماراح يحس بان المبلغ غالي

وبصراحه بالنسبة لي الحمد لله تركت المناسبات الا المواجيب مرة مرة

والله يسخر لها ولنا

تسلمووا لي على المرور وابداااء الاراء ........


تشكراااات للجميع ....

والله العظيم كثير منكم يجيبون الاحباط ومعذورين الازواج يوم يستغلونا ويستوطون حيطنا اجل الاخت جوري تقول الموظفه مجبوره تنفق على نفسها احنا ليش ندخل الدين بكل شي يخص المرأه الا الامور اللي بصالحها يا اختي انتي منتي افهم من العلماء والمشايخ اللي قالوا ان المرأه لو تملك مليار وزوجها دخله 50 ريال مجبور ينفق عليها ثانياً موضوع صرف المرأه الموظفه على البيت او مساعدتها للزوج هذا المفروض يكون نابع عن قناعه منها وبكامل رضاها ماتجين تقولين المفروض تنفق بعدين ياحلوه هالساعات اللي تقولين من حق الزوج اسمحيلي اقولك من افتى وقال ان المرأه المتزوجه المفروض تلغي نفسها وتدفن نفسها بالبيت مافي ايه او حديث يلزم المره بعدم الخروج من البيت للعمل او مافي ايه بالاحرى تعتبر ان خروج المرأه للعمل يعتبر افراط في حق الزوج او ان البقاء في البيت للمرأه المتزوجه من الحقوق الشرعيه الاساسيه للزوج الا اذا انتي تعتبرين ان المرأه اذا تزوجت المفروض تتحول الى راهبه في محراب البيت والزوج والاولاد ليش المرأه ماهي بشر كامل له حقوق وله طموحات وله مطالب في الحياه تدرين ان ملايين البنات يدرسون عشان يحققون ذاتهم وينتجون في الحياه لأنه ماهو شرط كل مره يشبع طموحها الحمل والولاده وقعدة البيت لوحدهم يعني تحب تشتغل وتحب تثبت ذاتها وتطبق اللي تعلمته وتخدم دينها ووطنها وبالنسبه للزوج اللي يتزوج موظفه المفروض هو عارف وضعها وخاطبها وهي تشتغل وراضي بشرط الوظيفه يعني ماحد طقه على ايده الا اذا نيته الطمع يكون وقع في شر اعماله وبعدين تقولين المره تغيب عن بيتها بسألك سؤال صريح اذا غابت عن البيت هو بيتحمل شي من مسؤوليتها يعني يحمل ويولد ويطبخ ويرضع اكيد ماتفرق معه هو يكون بدوامه وبعدها يدور بهالاستراحات واكثر الرجال الا من رحم ربي مكملين حقوق زوجاتهم من قضاء مشاوير وتدريس ابناء وترويح عن الاولاد بنزهات وغيره والا بهذي نسكت ونعتبر الزوج وسيلة للتلقيح ودور المره تشيل مسؤولية البيت والعيال من الالف للياء واللي حط براسك ان المره تقابل العيال وتدرسهم وتربيهم لحالها والزوج ينفق وبس اسمحيلي اقولك انه غلطان وتفكيره قاصر يعني وين الزوجه اللي تنادي زوجها وتقوله درس ولدك او امسك بنتك لحد مااخلص من شغل المطبخ اكيد مافي رغم ان هالمسؤليات المفروض تكون بالنص بينهم لان الجهل بالحقوق يسوي اكثر من كذا وبنعكس الايه لو الزوج مفرط في حق كبير من حقوق زوجته بتجي تطالب والا بتتغاضى وتسكت يعني انا اعرف وحده زوجها متغرب وتاركها هي وعيالها بالسنين هي اللي تربي وتدرس وتصرف وتقوم بمسؤولية البيت كامله رغم انه موظف بس عنده طموح يوصل لمنصب عالي ويشهر نفسه على حساب زوجته وعياله ولاشفت احد من المجتمع او النساء قام وقال المره هذي المفروض ماتطبخ ولاتهتم بالبيت ولا العيال مقابل ان زوجها مفرط في كثير من حقوقها فالرجل اللي يقول زوجتي تترك البيت وتستقطع من وقتي اسمحيلي اقوله كذاب لان اكثر الرجال يفطرون بداومهم ويرجعون يحطون روسهم للمغرب يعني حتى في البيت مايتغدون لدرجة ان حتى غير الموظفات طول الصبح تلاقينهم نايمين للظهر والاطفال غالباً يافي المدارس يانايمين الصبح يعني المره اذا داومت يكون ماحد محتاج لها ولعلملك بس واتمنى تركزين على هالنقطه انا اللي سمعته بأذني من مفتي المملكه ان الزواج عقد يلزم المرأه بطاعة الزوج وبتمكين الزوج من علاقة الفراش مقابل ان الرجل يدفع مهر وينفق على المرأه وطبعاً مثل اي علاقه لابد فيها من الاحترام والتفاهم والمرأه لعلملك ماهي ملزمه حتى برضاعة الطفل اللي تضعه من زوجها شفتي ويحق لها اذا ماحبت ترضع يجيب مرضعه وتجين انتي وتحطين كرفها وتعبها وراتبها ومالها الشخصي حق من حقوق الرجل شفتوا يابنات حواء كيف الاسلام والدين منصفنا واحنا ظالمين انفسنا وساجنين نفسنا في هالعادات والتقاليد الباليه اللي تعامل الرجل كأنه عنتر زمانه سامحيني لاني تحمست بس ترى قهرتوني بسلبيتكم وجهلكم بحقوقكم انا والله ماني ضد مساعدة الرجل لزوجها انا نفسي موظفه وزوجي من يوم اخذته مارحت للسوق ودفعته ريال واحد على اغراضي الشخصيه الا الهدايا اللي يجيبها بالمناسبات يعني كافيته مصاريفي من الالف للياء وانا متعوده ببيت اهلي على المصروف الكبير ولو كنت ماني موظفه يابعيش بمستوى اقل واحس ان الزواج رجعني لورا يا اني برهقه بطلباتي وبتقوم الحرب بيني وبينه خصوصاً ان الدين وياليت تسجلين هذي بعد يجعل من حقوق المرأه على زوجها انه يحضر لها خادمه اذا كانت من اللي تعودوا على الخدم في بيت اهلها يعني ياشاطره حتى الطبخ والنفخ هذي تطوع من المره عندنا والا هم في الاساس من شغل الخدم عشان تعرفين كيف بس ان الاسلام اعزنا وكرمنا واعتبر ان الطبخ والتنظيف ماهو من مسؤليات الزواج ويا ليت اي وحده عندها خلفيه دينيه تعطين رأيها بهالموضوع وتفيدنا لأن هالكلام سمعته من مدرسة الدين عندنا لدرجة ان بعض المدرسات انصدمو من كثر جهلهم بحقوقهم اللي كفلها لهم الاسلام وللعلم انا ماني ضد المره تشتغل ببيتها لعيالها ولزوجها كنوع من التعاون وليس الالزام بس بعد ماتنسى نفسها وحياتها الخاصه والا اذا كنا بنقصر حياة الزوجه على البيت والزوج المفروض بعد الزوج نقصر حياته على العمل من اجل الانفاق وبعد كذا يرجع سيده لبيته زي الشاطر ولا يطلع لأصدقاء واستراحات وخرابيط
وبالنسبه للمشكله اللي عارضتها الاخت احب اقولها جوهر المشكله ماهو كيف تتصرف وهي مو موظفه وكيف تروح للسوق لان اذا هذا تفكيرها الله يرحم حالها المفروض بدال ماتشيل هم السوق والخلاقين تفكر بالمشكله الاساسيه وهي اهانة زوجها لها وتقليل شأنها امام الناس وليش ماعمل لها اعتبار وهي زوجته وشريكته

غلطتهم ثنينهم
كان سالته قبل بحدود كم اشتري واذا مابغت تسالها اكيد بتكون عندها خلفيه عن زوجها
بهالموقف
وهو مفروض انه مارمي اغراضها فشلها بالمحل واذا انه ماشرالها وفشلها ليش هالمحاضره الطويله الله يهديهم لبعض

مدمنة قهوة

الله يرضالي عليج انحولت عيوني وانا اقرأ وسعي على الجمل الله يوسع عليج مره ثانيه :)

تقولين الرجال ملزوم شرعا ان يصرف على زوجته لو كانت تملك مليار وهو 50

شي طيب ان الشرع ينصفنا .. طيب هم في فتوه لايجوز خروج المرآه للعمل دام الزوج قادر ..

شنو الحل علميني؟

اما تقولين ان حتى شرعا لو ماتبين ترضعين طفله ويجيب مرضعه .. هني صار فوق راسي ست وخمسين علامة تعجب !!! مو أعتراضي على شرع الله لا والله لكن اقول الله يخلف على بناتنا اذا وصل الامر كذا

ياعمري .. ترا الحياة تعاون ..

والغريب ردك بعد كل ماكتبته وفهمج لحقوقج والي شرعه لنا الاسلام .. ترجعين تقولين من تزوجتي ماعمرى صرف علي ومتكفله بمصاريفي غير الهدايه الي طلعت منه

طيب قولي لزوجج هالكلام الي انتي مقتنعه فيه وأنه حق من حقوقج شرعا.... برد عليج بإختصار وقولج اجل ياعمري يانظر عيوني يادنيتي انثبري في البيت وانا اصرف عليج :) وهم ترا حق من حقوقه والشرع معاه

اما كلامك ان حق من حقوقها يجيب خدامه وانه الطبخ ونفخ تطوع منها؟

أجل هي وش شغلتها حق شنو؟ ...

خوفي تقولين بعد تستأجر رحم علشان تحمل بطفله دام وصل الامر ان ترفض رضع طفله وهو طفلها ؟

أدري في عادات وتقاليد سيئه لكن نقدر ناخذ الصالح ونترك الطالح فيها

لو تبين أطبقين شرع الله .. طبقيه في حياتك العامه والخاصه ..

تدرين بكلامج هذا حسيت خذيتي من الشرع الي ينصفج ولتغذين نفسج وتتركين الي ينصف الرجل ...

هذا التصرف يذكرني بعذر الرجال لين يتزوج على زوجته ويقول الشرع حلل لي اربع