لو كنتي مكانها وش تسوين ؟؟

السلام عليكم

انا يا بنات بستشيركم بموضوع اختي لانها امس كانت تسولف لي و فكرت استشيركم لان ما ادري وش اقول 00 الموضوع غريب و يخوف

يا بنات ابيكم تقولون لي لو كنتو مكانها وش تسون


انا اختي ساكنه مع اهل رجلها في الدور الثاني لها شقه و قبالها شقه حماها

مرت حماها ما تجيب عيال متزوجه من 6 سنين ما الله رزقها الله يرزق كل محروم و اكيد انتو عارفين لما يكونون هم الاخوان الوحيدين فالاهل اكيد بتعليقاتهم و كلامهم قهروها فهي صارت ما تحب اختي و تغار بشكل جنوني 00 خاصه لما حملت من اول شهر من زواجهم

صارت تفتعل المشاكل مع اختي و تعلق عليهاا و تجرحها بالكلام و المسكينه ما ترد تقول مقدره نفسيتها و ان شي طبيعي بتغار الين في يوم لمحت لاختي انهاااااا حامل قبل الزواج تخيلوووووووو
يعني تقولها بطنك وشكبره شكلك خالصه من ايام الملكه 00 اختي هنا عصبت و شدت معاها بالكلام قامت هذيك و ظربتهاااا لدرجة انهااا كانت تظربها على بطنها يا بنات 00 يعني متعمده مو لحظه غضب
اختي بغت تموت دخلوها العنايه و الله ستر عليها بس طبعا سقطت

مر على هالسالفه ست شهور و مشى الحال و هي و اختي ما يكلمون بعض 00

و رجلها يقول ما اقدر اطلع عن اهلي
المشكله ان اختي الحين توها حامل توها قبل يومين محلله 00 و خايفه
تقول تفكر تجي عندنااااا البيت و انا اقولها مو بكيفها تخافين منها بس اختي تعقدت من الموقف شكلهااا

وش المفروض تسوي؟؟ هي مو مرتاحه تقول ما اقدر اجلس عند وحده كل همها انها تأذيني و حتى لو ما سوت لي شي كافي كلامها الي مثل السم

وشرايكم لو كنتو مكانها وش تسوون ؟؟

الله يهون عليكم و يتمم لكم على خير ياااااا رب