مرت الايام والشهور على خالد واخواته وهم مثل الاغراب وسط اعمامهم

واولاد العم كانوا الكبار بس هوشات ومضارابات

والصغار بس لعب وركض

ويوم من الايام حاولت نوره تلعب مع الصغار وصارت تركض معاهم في البيت الوسيييع

وتلعب وتضضضضحك وخالد يراقبها فرحان


الا وحده من زوجات الاعمام

--- انتي هيييه يا بنت ليه تتراكضين في البيت لا يكون على بالك بيتكم

روحي انثبري بحجرتك مو نا قصنا ازعاااج



توقف نوره مكانها وهي معصبه وكالعاده تاكل في شفايفها

خالد اسرع لنوره واخذها بيدها لغرفتهم

نوره -- هذي الحورمه مجنونه يا خالد

خالد -- لا ما هي مجنونه بس خليك هنا في الغرفه والعبي معاي ومع ساره

نوره -- بس انا ابيي اركككض بيتهم وسييييع ابييي العب مثل مها وحنان وطلول

خالد -- نوره افردي يدينك وحركيهم مثل العصفور فوق وتحت

نوره -- طيب

وتفرد يدينها وتحركهم بكل كسل مره فوق ومره تحت

خالد -- نوره قومي اوقفي وغمضي عيونك وكملي حركي يدينك و

مسكها خالد وصار يدور فيها في الغرفه

خالد-- نوره انتي الحين عصفور وتطييرين فوق فوووق

حركت نوره يدينها بحماس وصارت تدووور وتدووور بالحجره وهي تتخيل نفسها عصفور ويطير


يراقبها خالد وهو مبسسسوووط


ونوره تضحك وتدور وتطيير ويا خذها الخياااااال لبعيد بعيد


كبرت الدنيا بعيون نوره من هاللعبه

بس ظل خالد يضيق فيه الكون وجدار الحجره يكتم على انفاسه

يتنهد ويلتفت لساره وهي تضحك على نوره اللي ما زالت تدووور

وتحاول تلحقها وتسوي مثلها


امتلئت الحجره الكئيبه بضحكاتهم

وعرف وقتها خالد على صغر سنه ان هالضحكات هي الوعد

هي الوعد اللي وعده لنفسه و لخواته

وان هالضحات هي شباكهم الوحيد لهالدنيا الوسييييعه

يسمع خالد ان بعد كم يوم بتجي العمه موضي من ديرتها البعيده هي وزوجها وبزرانهم

العمه موضي هي العمه الوحيده وكان خالد ما يتذكرها ولا يعرف شكلها

لانها تزوجت وسافرت وهو كان صغير ما يتذكرها


الجده -- خالد يا وليدي يمكن بكره والا بعده بتجي عمتك ابيكتكون يمي انت وخواتك

خالد -- سمي يا جده


ونوره تسمع وهي فرحانه انها بتكون لها عمه

نوره -- خالد ان جات عمتي بجلس في حظنها وبخليها تضرب عواطف ومريم الحريم المجنونات

خالد يضحك على نوره --- اييييه خلاص ان جات العمه الموضي بقولها تخرجنا برا ويمكن نروح السوق

نوره---يارب متى تجي العمه الموضي وانام بجنبها






يوم الجمعه يصحى خالد واصوااااااات جديده في البيت وريحة البخور والقهوه


خالد -- نوره قومي قوومي شكل العمه موضي جات

نوره تصحى وبكل حماس وتركض تفتح باب الغرفه

وابتسامتها مع غمازاتها منووووره

وخالد وراها فرحان ويترقب العمه موضي









العمه موضي --- بسم الله الرحمن الرحيم وش هالوجيه والشعور المنكوشه على هالصبح

اكيد انت خالد وهذي نوير وين البلشه الثالثه سويره



نوره تاكل شفايفها وواقفه مذهولللله

وخالد مركز نظره على هالعمه موضي

كانت موضي تشبببه كثير ابوها

وطويله وعريضه وملامحها مثا ابوها بشكل كبير



خالد اول مره يشوف حرمه تشبه جده بهالشكل

موضي -- خييير خللووود متنح شكلك رخمه مثل امك

اييه اكيد الرفله وش بتجيب يعني اكيد مثلكم







نوره -- تصرخ على عمتها مجنوووووونه

موضي -- اعوذ بالله وش هالجنيه


يا خذ خالد نوره بقوه من يدها ويرجعون الغرفه

نوره رمت نفسها على فراشها وتبكييييي


خالد معصب اول مره يسمع احد يتكلم كذا على امه

امه المحبوبه الطيبه الحنونه

خالد صح صغير بس نظرة الكره والحقد اللي شافها في عيون عمته موضي

حركت مشاعر الغضب داخله

يوقف بكاء نوره وتستسلم للنوووووم

وخالد في فراشه لاول مره في حياته يكرررره

لاول مره في حياااااااااته يخاااااااااف

يسلموووووووووووووووو

كملي الله يسعدك

الجده --- حرام عليك يا موضي كسرتي بخاطرهم وهم فرحانين فيك

موضي -- وووع والخاطر عاد من زينهم عيال الرفللله

الجده -- اعوذ بالله منك يا موضي انتي ما نسيتي بعدك حاقده على فضه

موضي -- وش هو يمه ما نسيت ايييه انا ما ادري عن ايش تتكلمين الله يهديك

الجده -- الا تعرفين انتي بعدك ما نسيتي اللي صار مع فضه واخوها يا بنيتي ما يصير كذا

انا لو اني دريت انه بعدك حاقده ما كان عشمتهم بجيتك هاليتامى الضعوف



موضي -- اقول يمه تكفين قفلي هالموضوع ولا تفتحين علينا الابواب المقفله

تتكي موضي على المسند وتشرب القهوه وبراسها موااااااااااااال من كررره لخالد واخواته