الجده -- تعال يا خالد اقرب افطر معنا وين نوره

خالد -- نوره بعدها نايمه

موضي -- اييييه ناااايمه مو غريبه بنت العجوز المريضه اكيد تعودت كل هالنوم

خالد بعد ما كان بيمد يده وياكل من الخبز يرجع يقوم من السفره

الجده -- خالد ارجع اجلس وكل وخل عنك كلام الحريم

خالد -- شبعان يا جدتي


موضي -- اييه بالله شبعان شكلك انت واخواتك ما عرفتوا الاكل الا عندنا والا فضيض وش بتوكلكم غير الشابور والماي

الله يرحمها بس


يسارع خالد خطواته راجع لحجرته وهو معصب

يتعثر بطرف السجاده ويطيح على ركبته


تضححححك موضي --- مسكين يا خلوووود حتى مشي ما تعرف تمشي بعذرك من الضعفه والرخامه



يلملم خالد نفسه الجريحه ويقوم لغرفته يلاقي نوره واقفه على الباب تشوف وتسمع كل اللي صار

وهي تاكل شفايفها

وتتمتم في نفسها ---- موضي المجنوننننه

تمر الاياااااااام ثقيله على خالد واخواته وخاصة بوجود العمه موضي


جالس خالد جنب جده يسمعون للرادو

والجده تلاعب ساره

ونوره تلعب لوحدها في وسط الحجره



الجد-- يا وليدي يا خالد لك عندي بشاره

خالد يكلم نفسه -- عساها مو بشاره مثل خبر جية عمتي موضي

خالد -- ايييه يا جده وش هي البشاره

الجد-- ابوك بيجي عقب كم يوم ان شاء الله

تجي نوره تركض لجدها

نوره -- ابوي بيجي متى يا جدي متى

الجد-- ايييه بيجي يا حبي لك يا نوره تحبين ابوك




نوره الطفله الجميله الحساسه ولكنها اخذت من ابوها نوعا ما من القساوه

والعصبيه


خالد -- يعني يا جدي خلاص بنرجع بيتنا

الجده -- افا يا خالد بتتركنا كذا بهالسرعه

خالد-- لا يا جده بس انا ابيي بيتنا ومدرستنا وجيراننا


الجد -- اييييه يا خالد ان كان ابوك مو راجع يسافر بترجعون معه بيتكم




هالخبر كااااااااااان فرررحه لخالد ونوره اخيرا بيردون لبيتهم القديم المتواضع بس بيركضون على كيفهم

وبيلعبون من اولاد الحي والجيران الطيبين



كان هالخبر مثل المااااااااااااي البااااااااااااارد

للعطشااااااااااان في صحرااااااااااااااء




تدخل موضي الحجره ---الا صح يمه اخوي ابو خالد بيرجع من السفر

الجده-- ايييه بيرجع

موضي -- زين والله جاء في وقته كنت ابيه في سالفه قبل ما اسافر

الجده-- خير ان شاء الله وش هالسالفه المهمه

موضي وبنظره حااااااااده لخالد واخواته --- لا ابدا موضوع يهمه هو وبزرانه هاليتام الضعوف



خالد يشوف هالنظره على عمته ويحس ان وراها شي كااااااااااااااايد


وان هالعمه ما راح تتركهم بحالهم حتى لو سافرت لاااااخر الدنيا

بتكون نار حقدها واااالعه عليه وعلى اخوااااااااته

اب

كان هاليوم غير بعد كم ساعة بيوصل ابو خالد من السفر

خالد -- نوره بسم الله عليك وش تسوين

نوره -- اجمع اغراضنا في شنطتنا

خالد يضحك -- مررره مستعجله يا نوره لا تجمعين شي الحين يمكن ابونا بيجلس هنا كم يوم

نوره -- لا يا خالد بنروح بيتنا انا بقول لابوي عشان نروح بسررررعه


يضحك خالد ويساعد نوره في تجميع اغراضهم القليييله بس عشان ما يزعلها ويعصبها





يوصل ابو خالد ويلاقي كل اخوانه واخته موضي في استقباله


وخالد واخواته الدنيا مو سايعتهم من الفرررحه

وعلى سفرة العشا

الجد -- بشر يا ابو خالد عساك لقيت شغل زين

ابو خالد -- ايييه يبه الحمد لله اشتغلت وجمعتلي كم قرش بشتغل فيهم

الجده -- ايييه الحمد لله اجل ما عاد فيه سفر

ابو خالد -- لا يا يمه ما فيه سفر


خالد يلتفت على نوره وهي ضحكتها مااااليه وجهها

وخالد يقول في نفه -- الحمد لله بنرجع بيتنا ولحياتنا اللي قبل








موضي -- يا ابو خالد عقب العشا ابيك بسالفه مهمه

ابو خالد -- سمي وانا اخوك




بعد العشاء الجد والجده والاعمام كلن يروح ينام وراهم قومه من الفجر

تبقى موضي وابو خالد

ابو خالد -- ها يا موضي وش بغيتيني فيه

موضى-- اسمعني زين يا اخوي

انت رجال مشغول وعندك هالبزران وترا يا ابو خالد امي وابوي ما يقدرون عليهم

بزرانك صعبين وعصبييين وما يحبون الناس وامي وابوي كبااار في السن

وانا بسافر واخوانكم مو يم احد

وحريم اخوانك عقااارب ما يتئمنون على هاليتامى



ابو خالد --- اييييه اعرف قصدك يا موضي الزواااااااااااااااااج

موضي --وليه لا وانا اختك تزوج بنت الحلال تداريك وتداري هاليتامى

ابو خالد -- وانا مين بترضى فيني ارمل وببزوره وحالتي على قدي وبيتي صغير وقديم

موضي -- ما عليك انت بس عزم والعروسه عندي وبترضى فيك وبتحب يدينها وجه وقفا بعد

ابو خالد -- اجل بعتمد عليك يا موضي تراني رجال ما ابيي المشاكل ابيي وحده هاديه وفي حالها

مثل فضه الله يرحمها


تخفي موضي ابتسامة اللئااامه -- ايييه طبعا يا اخوي مثل فضه بالضبببببط









بدت موضي تدور على العروس المناسبه لابو خالد وتتعجل في الموضوع لان ما بقي على سفرها الا كم يوم

وتقرر انها تزور ام يوسف الخطابه عشان تلاقي العروسه بسرررعه



ام يوسف -- هلا بموضي وشلونك وشلون امك

موضي -- زينه يا عساك بخير اسمعيني يا ام يوسف انا ابيك تدوريلنا بنت الحلال لاخوي ابو خالد

وترانا مستعجلين

ام يوسف -- خير ان شاء الله بس ما قلتيلي كيف تبون البنت

موضي -- ويييه يا ام يوسف ابو خالد طيب وحنييين بس بزورته شياطين شاقين الارض وطالعين

ما يبلهم الا وحده قوووويه وباسها قوي عساها تقدر عليهم


ام يوسف وهي مستغربه -- اول مره احد يطلب مني عروس قويييه


موضي وهي تضحك -- صادقه يا ام يوسف بس ايش بنسوي لو كانت العروس طيبه تراها بتتعذب معاهم وبيبهذلونها


وغير ناكل ذنبها بس الحرمه القويييه بيخافون منها وبتهجدهم


وانا عمتهم احببببهم وابيي مصلحتهم ومصلحة اخوي


ولو كان ما وراي سفر كنت ربيتهم بنفسي ولا وليتهم على وحده ثانيه



ام يوسف -- ايييه صادقه بعض البزران ما يبيلهم الا العيون الحمرا


اجل امهليني كم يوم وبرد عليك عقبها


موضي -- تكفين بسرررعه ولا تتاخرين علينا


ام يوسف -- ابشري

الحمد لله

لا اله الا الله