ليزر الجسم 😍

صبحهم بالخير يارب 💛

تخيلو أنا أكثر وحده كنت أقول مستحيل اسوي ليزر لجسمي لو اييييييش😁 مقتنعه ومتأكده أنو الحلاوه مافي مثلها على كثر المدح اللي كان ينقال عن الليزر وكيف ينعم الجسم وكيف يفتح إلا أني كنت مره رافضه الفكره ومستمره على الحلاوه من عرفت عمري 😂
خواتي كلهم مسويين حتى أختي القعده مسويته ومازلت راسي يابس أقول مابي ومستحيل المشكلة كان السبب أنو بنت خالي اللي يصلحها قالت لي مره أنو جسمي صار خشن وعندي مناطق سمرت أكثر وخلاص علق كلامها في بالي ، والمشكلة أشوف قدام عيوني خواتي ما شاء الله كيف مره يجنن عليهم وكيف الشعر خف بشكل مهول ماشاء الله 😭😂

المهم كنت طالعه لبيت أخت زوجي مجتمعين عندها ونتقهوى ونسولف وجاء طاري الليزر وقلت بكل ثقه لاااااااا مستحيييل والحلاوه والحلاوه ومدح فيها😂
المهم قالت أخته يمكن عمرها 40 الله يحفظها أنا أروح لعيادة تجنن انا وبنتي وبنتها بالثانوي وأنها مره نظيفه ويهبلون وعندهم عروض وش رايك تجربينهم وماجاك علي 😁
قلت وشو العيادة قالت أسمها ( درة ديماس ) ، مادري وش لون أقنعتني المهم كلمتهم وحنا جالسين ماأمداني اقول مستحيل ههههههههههههههههه وحجزت وقالو تقدرين تحولين المبلغ عشان يتأكد الحجز ، وكان العرض ثلاث جلسات جسم كامل مع ثلاث جلسات رتوش ب799 ريال ، حجزت ورحت ودخلت أول شي على دكتورة الجلدية عشان تعلمني وش الجهاز اللي أستخدمه ، يوم دخلت قالت لي فيك حساسية قلت لا ، قالت أكزيما قلت لا وسألتني طبيعة الشعر ثقيلة أو وبر وقلت لها لا عادي خفيف وفيه وبر قالت أجل ظهرك وبطنك ووجهك لاتسوينهم عشان مايكثرون قلت توكلت علىى الله ، طبعاُ بلغتني أخت زوجي إذا جيت أروح ماأحط عطور على جسمي أو ديودرانت ، وبرضو الدكتورة قالت لي نفس المعلومه قلت أيه تمام ، ودايم حطي الكريم ( نسيت أسمه🙈 ) على جسمك بعد الليزر عشان مايتحسس ، وإذا تحممتي لاتحطين شي بعد مدة يومين ، عاد سويته الحمدلله والجهاز كان ( جنتل برو ) ، اللحين لي 9 شهور مستمره عليه يججججننننن خلص الباكج الاول وأخذت باكج ثاني واللحين بيخلص الباكج الثاني الأسبوع الجاي أخر جلسه وباخذ ثالث مستحيل أقطعه مع العلم أنو خففففف اللي بجسمي مرررره ما شاء الله بنسبة 70 بالميه ،التعامل يجنن الأستقبال يجننون حتى النيرس تشتغل بذمة وضمير لطيفين مره مو تشتغل ونفسها بخشمها .
أهم شي لاتستغنين عن العناية حقتك لجسمك من ترطيب وتقشير عشان تشوفين النتايج اللي تهبل ، وصدق في مناطق عندي فتحت مره انصحكم بالليزر يابنات والله خصوصاً اللي مقبله على الزواج بترتاحين مره💖