السلام عليكم حوائيات...
موضوع للفضفضة...
خلال خمس سنوات ماضيه والى ثلاثة اشهر ماضيه تطلقوا( 8 )بنات اعرفهم ..
وحده تطلقت بسبب خيانه زوجية.
وحدة تطلقت بسبب غنى زوجهاوتنويعه في الحريم.
وحدة تطلقت بسبب صديقه طلق اختهافهو بدوره طلقها.
وحدة تطلقت بسبب عدم تحمله للمسؤلية ومصاريفها هي وولدها.
وحدة تطلقت بسبب انه مبحبح الحال على زوجاته وهي معيشها في الفقر.
وحدة تطلقت بسبب انه حب يتزوجهابدون أي تكاليف بعد كذا ومصاريف(رغم انه تاجر)وكمان حب يطلقها مزاج.
وحدة تطلقت بسبب انه عنده حاله نفسية وبين فترة وفترة يهددها بالقتل والوسواس مايفارقه.
وحدة تطلقت بسبب ايضا بسبب انه فصل من عمله وماعاد يصرف على البيت وعياله فترة..
هذاالي اعرفهم شخصيا غير الي يحكون لي زميلاتي بسبب الخيانه الزوجيه اما مع الشغاله او غيرها..واكيد فيه كثثثثثثير ما اعرفهم
لاحظوا عزيزاتي ان الطلاق هنا تم وفيه ظلم للزوجه واكيد له اثره النفسي عليها...بس مو هذا موضوعنا .....
نجي للارامل الي اختار الله لهم ان يفقدوا ازواجهم اما بمرض او حادث وما يتركه الفراق من الم في نفسها لكن كمان ماراح نتكلم في اثر فراق الزوج..
كمان العانس الي فاتها القطارحالتها النفسيه صعبه لانها تشوف زميلاتها واخواتها عندهم بيوت وعيال..مع ان بعضهم يجونها العرسان بس ترفض ليه؟لانهم غير كفؤ ومو قد مسؤوليه الزواج او عاطلين او سمعتهم غير جيده او انهم ما يصلون او كباااااااار بالسن...الخ فترفض رغما عنها ولسان حالها يقول نار العنوسه ولا نار زوج يعذبني بكرة....
موضوعناهو نظرة المجتمع للمطلقه او الارمله او العانس انها بضاعة غير مرغوب فيها يعني خلاص المطلقة والارمله سمح لها بالزواج مرة وحده وهي وحضها ياتصيب ياتخيب..لمااااااااااااااااااذا؟؟
لمن يخطب(بعض) الشيبان والشباب لا وبعد المعددين يدورون على البكر الصغيرة وما يرغب في المطلقة او الارملة او العانس
يعني الكل يدور على البنت الصغيرة الامورة ام 17سنه طيب حلو وما اختلفنا...والباقي؟؟؟بنات كلهم حيويه وجمال ونظرة للمستقبل بنات حظهم انهم يكونون اما مطلقات او ارامل او عوانس ليه المجتمع يركنهم على الرف وكأنها انسانه مالها مشاعر واحاسيس وتبغى تعيش حياتها تبغى اولاد تربيهم تبغى تسافر تبغى الدلع والحنان تبغى تبعد عنها نظرة الشفقه..
ليه؟؟والمشكله ان الي تعدي (25)يبدأ يكثر الكلام انها بدأـ تعنس وهي بعز شبابها حتى ان بعضهم توافق على أي احد بس عشان تهرب من شبح العنوسه وكلام الناس..المشكله ياجماعة ان النظرة هذه بس عند نايعني في دوله عربيه البنت ب30باقي صغيرة وعادي لو ماتزوجت..هذا غير الهمز واللمز وقله الادب والتلمحيات في بعض المجالس الي ممكن تسمعها الوحدة...بل اني اعرف وحده عانس تزوجت ووالله باقي يقولون(يالله لقت لهازوج زي العالم)...
على النقيض الرجال في المجتمع مآخذكل حقوقه يعني ممكن يطلق ويتزوج في نفس اليوم بدون أي التزامات لطليقته واولاده.............ومايتحدد بسن للزواج يعني يتزوج وهو بعمرال80!!!وممكن يكون غير مقبول الشكل كمان..وممكن يكون راعي بنات وسمعته زفت ومع ذلك يتنازلون البعض عن عيوبه.....فاليت تتحسن نظرة المجتمع لبناتناوكفايه تحطيم تحت شعار العيب والمجتمع وتكون المعامله حسب شرع ربي الي شرع للرجال انه يتزوج اربع ...وكمان شرع للمرأة في حاله الطلاق او موت الزوج او تأخر العريس المناسب ان تتزوج بالزوج المناسب الي يسعدها في الدين والدنيايعني الي تتطلق او تطلب الطلاق غصبا عنها والارمله غصب عنها والعانس غصبا عنها فليش نحاسبهم على شئ مو بيدهم....هذا غير انه فيه ظلم من بعض الازواج انه اذا طلق يمنع زوجته من الزواج ويهددها ان اذا تزوجت يسحب الاولاد..مع انه يتزوج ويخلف ويعدد وينبسط!!!!
اللهم ارزق بنات المسلمين والمؤمنين بالازواج الصالحين الاتقياء الي يسعدونهم دنيا ودين وارزقهم العفة وغض البصر ...ويعوضهم خير:39:
..
زهرةزهرية @zhrzhry
محررة برونزية
يلزم عليك تسجيل الدخول أولًا لكتابة تعليق.
زهرةزهرية
•
8وماعندكم رد؟؟؟
8وماعندكم رد؟؟؟8وماعندكم رد؟؟؟
صادقه بكل كلمه قلتيها
اللهم ارزق جميع بنات المسلمين الازواج الاتقياء الصالحين
اللهم ارزق جميع بنات المسلمين الازواج الاتقياء الصالحين
كلامك صح وخلاصة القول ان المراه مظلومه ولو نتكلم من اليوم الى ميت سنه قدام
ماراح تنحل مشكلة المراه والله المستعا ن
ماراح تنحل مشكلة المراه والله المستعا ن
صادقه بكل كلمه قلتيها اللهم ارزق جميع بنات المسلمين الازواج الاتقياء الصالحينصادقه بكل كلمه قلتيها اللهم ارزق جميع بنات المسلمين الازواج الاتقياء الصالحين
جزاك الله خيرا غاليتي
الصفحة الأخيرة