ليش انا مو خايفة من العنوسة؟!!

ما شاء الله عليك ....
ياليت نكون مثلك .... وش أحسن من الانسان يعلق قلبه بخالقه ....
الله يزيدك من فضله...... و لا يحرمنا بذنوبنا

الحمدلله اختي عشان ماتعيشين بهم وقلق
توكلي على الله

بس برضو مافيها كلافة لو دعيتي بالزوج الصالح اثناء بقية الدعاء

الله يوفقك يارب

وعليكم السلام ورحمة الله وبركاته

اللهم صلي على نبينا محمد على آله وصحبه اجمعين

حياج الله اختي .. مااااااااا شاء الله عليج اختي .. الله يثبتج يااااااارب على طاعته
ولا تخافين انتي طبيعية 100 % .. مدام الواحد عايش مرتاح في بيت أهله ما عليه شر :22:

:42: عاد انا خاطري اعرف شو هي طقوسج الدينية :22: وداعواتج لي خيتو فصلاتج :hahaha: << بدينا الشحاته لوول

والله الصراحة أنا محتاجة آخذ عندك دروس خصوصية ..

ماشاء الله عليكي ..شاله هم الاخرة وناسية الدنيا ..

ياعسى ربي يرزقج ويسعدج في الدنيا والاخرة ..

ما شاء الله تبارك الله

حبيبتي هذي قناعة شخصية ومب غلط

عندج رابعة العدوية وكثير من الصالحات زمان ما كانن يفكرن في الزواج لأنهن ما يبن شيئ يشغلهن عن عبادة الله وما شاء الله إيمانهن كان كبير

أشوف إنها مسألة قناعات وأهداف

إنتي تشوفين الزواج ممكن يشغلج عن العبادة ويلهيج ويخرب عليج جدولج

عندج أنا مثلاً ما أخاف من العنوسه مب لانه ما يهمني أتزوج ولكن لأن عندي يقين ربي راح يرزقني بالزوج الصالح وأشوف الزواج بيحقق لي أهدافي اللي أبيها ومنها:

أني أعف نفسي وألقى شخص الله يسخره لي عون في حياتي

أني ألقى شخص يعيني وأعينه على طاعة الله .. مثلاً مرات تفوتني صلاة الفجر .. أقول لو زوجي معاي وراحت علي نومة بيهاوشني لأني ما صحيته للصلاة فبصير أصحى وأصحيه ونصلي

لأن الزوج تذكرة لدخولي للجنة فعن الرسول صلى الله عليه وسلم: أيما امرأة ماتت وزوجها عنها راض دخلت الجنة

والأهم لأني أبي الله يرزقني بذريه صالحه معافاه أربيهم على طاعة الله وأساعدهم بفضل من الله يكونون من حفظة القرآن الكريم الفاهمين للدين ونكون أنا وزوجي وعيالي أسره صالحه تعبد الله وتذكره.. ونحشر مع بعض لأن المتحابين في الله يحشرون مع بعض .. وعند الحساب أتمنى ألقى ربي وهو راضي علي وعلى أسرتي .. وأقوله يا رب أنا كنت وحده أعبدك لكن بفضل منك كونت أسره من عدة أشخاص كلنا نحبك وكان همنا رضاك وطاعتك.. ويا رب لا صار لي هالشيئ ربي يغفر لي ذنوبي ويكفر عني سيئاتي .. اللهم آمين

هذا طموحي في الحياه .. أنا موظفه وراتبي ولله الحمد كبير ولكن لا جا الزوج والعيال بخلي الوظيفه عشان زوجي وعيالي هم شغلي الأساسي وهم مشروعي الحقيقي اللي لازم أوظف فيه كل طاقاتي وقدراتي وهذا نوع من العباده في جدولي أبي أحققه لأن نيتي دايماً مرتبطه بربي سبحانه وتعالى


عشان كذا الزواج عندي مهم.. لو ما حصل بارضى لكن عندي يقين بربي وربي إن شاء الله ما راح يخيب ظني وراح يرزقني

بنااات أدعو لي الله يبلغني حلمي ويصبح حقيقه وأحقق طموحي

إختي شيخه كل شخص وله أهدافه وعليه يبي الزواج أو ما يبيه وما شاء الله عليج أحسبج والله حسيبج إن إيمانج بربنا قوي.. الله يقربج له أكثر ويجعلج ممن يحب ويحبون ويرزقج كل خير ويرزقج بزوج صالح يعينج ع طاعة الله ويتشارك معاك في العبادة ويكون في وجوده دافع إنج تقربين من الله أكثر

اللهم آمــــــــــين

دمتي بخير