والله يا حبيبتي حطيتي يدج على الجرح :(
أنا عيد ميلادي اليوم وبصير 26.. تخيلي الاكتئاب لما تقولين عمري 26 ويسالونج متزوجة وتردين لا..

مرت علي أيام أرقد ودموعي على خدي..
يعني أنا ناقصني جمال؟
ناقصني تعليم؟
ناقصني أخلاق؟
لا تيي وحدة وتقول نصيبج عشان ما ابطط كرشتها لأن هالكلمة صارت تثير الغثيان عندي..
صح انها كتبة رب العالمين.. بس لما تلتفين حوالينج وتشوفين اللي معاج كلهم عرسوا وبقيتي انتي تظل في القلب غصة..
وياليت بس اللي معاج حتى اللي اصغر منج..

واللي يبط الجبد.. يوم تييج المتزوجة وتقولج.. شدراج يمكن لو كنتي تزوجتي قبل ما كنتي سعيدة بحياتج.. طيب ليش تفترضين الأسوأ؟؟ يمكن لو كنت متزوجة كنت بكون سعيدة بحياتي.. سبحان الله!

ويوم ييلسون المتزوجات ويا بعض ويسولفون ويلاحظون انج معاهم.. يتناغزون ويقولون اوه معانا بنات.. انتي توج صغيرة على هالحجي.. بالله في أحد في هالزمان صغير على هالحجي؟ ولا بس عشان تحسسون الوحدة بالنقص؟؟

هذا كله كوم واذا يات وحدة تشتكي انها مشغولة وما عندها وقت وقلتي لها لا عندج.. الرد السخيف بييج على طول.. انتي ما تعرفين الحين لأنج مو متزوجة.. لين تزوجتي بتفهمين ليش ما عندي وقت!! ليش بالله شايفتني غشيمة ولا غبية ما افهم؟؟ وبعدين تسوين روحها ذيج الطيبة.. وترفع يدها لقمة راسها وتقول انشااااااااااااااااااااااااااااااااااااااااااء الله الله يرزقج .. حبوبة من شكى لج الهم؟ خليج في نفسج احسن..

صرت اذا اروح عرس ارجع دموعي عند رموشي واقفين.. ليش انا لا؟ شنو ناقصني عنها؟ ولا القى جواب..
دراسة ودرسنا.. جامعة وتخرجنا.. وظيفة وتوظفنا... انزين شنو باقي؟

وعشان الوحدة منا تموت قهر اذا يات تروح مكان يقولون لها بنت بروحها ما تروح.. ولو متزوجة محد يكلمها.. سبحان الله ليش اذا تزوجت بيصير عندها حماية ولا شنو القصة بالضبط؟

والله حنا يالبنات مساكين.. محد حاس فينا وان قالوا يحسون.. لأن اللي يده بالماي مو مثل اللي يده بالنار..

تخيلوا وانا توني 26 وحدة معاي بالشغل تقولي عانس..؟ وين احساسها هذي؟

اوف بس تعبت.. والله نفسيتي صارت زفت وانا اتذكر كل هالسوالف واتذكر ان اليوم عيد ميلادي واني صرت 26 وللحين وحيدة.. وصديقتي موعد ولادتها قرب لطفلها الثاني.. هي ارزاق.. الله يرزقنا مثل ما رزقهم..

ورجاءً يالمتزوجات لا تعلقون تعليقات تبط الجبد وتغث.. اللي فينا ترى مكفينا..

سوري على الإطالة..

آآآآآآآآآآآآآآآآآآآآآآآآآآآآآآآآآ مين

تعبنا وما لنا الا الصبر
ربي لا تذرني فردا وانت خير الوارثين

اميييييييييييييييييييييييييييييييييييييييييييييييييييييييييييييييييييييييييييييييييييييييييييييييين


مااعتقد ان في وحده مستعيله اكثر مني.......


ادعووووووووووووووواااااااا لي

كلنا يا سما النور
تدرين انا الحين اروح الشغل غصبا عني
ابي اتزوج واستقر
تعبت من الخطط والاستراتيجيات
الله يستر علينا