السلام عليكم ورحمة اللله وبركاته
ياترا لو بكتب رحمة بالانجليزي بكتبها كذا rahma ??
ولا كذا r7ma ??
انتشرت عندنا عادة غريبة او بالاصح لغة جديد !!
وهي لغة الفيسبوك او لغة العربجيزي ، عموما انا مو مهتمة بأسمها لاني ما اعرف اسم اللغة بس منجد استغربت منها
اولا للي ما يعرفها هي اصلا للي يكتبون بالانجليزي ويفهمون عربي ، يعني تكون استبدال ارقام بالحروف العربية !!اكيد تبغون مثال : 7 = ح !!
يعني لو بكتب كلمة "حنان" بالانجليزي وتكون نفس النطق بكتبها كذا "7nan"بلغة العربجيزي مدري شسمها !!
اكيد فهمتوها صح ؟؟
وهذا الشي صراااحة ما اعجبني تدرون ليه ؟؟ لحد يقول عقد وتشدد لا لا ماله دخل بالدين :39:
السالفة وما فيها استغربت طيب ما دامك تعرف العربي والانجليزي ليه تكتب هذي الللغة؟؟
يعني تساير الموضة
؟؟؟؟؟طيب تقولون وش فيها ؟؟ اقولكم فيها ومافيها <<< ياحليل الفلسفة الي تطلع منك خخخخ
اولا : لما تكتب عربجيزي اكيد في ناس تعرف وفي ناس لا !! صح ؟؟؟يعني ماراح يفهمون مثلا كلامك او تعليقك وياخذون عنك انطباع انك فاااضي وما عندك شغلة !! يمكن حتى الاجانب مايفهمون كلام فيه ارقام يحسبونه شيفرة ومرة قريت واحد قال كذا يحسبه شيفرة بين الاصحاب طلع الكل يستخدمه !!ايه ممكن تصير لحد يقول مستحيل !!
ثانيا: تفقد الحرية بتكلم اللغات العدة كيف يعني ؟؟ يعني لو ظليت تكتب طول عمرك عربجيزي راح تبدأ تنسى اللغة الاصلية وبعض كلماتها وهذا شيء اكيد ما تبغاه بعد تعب دراسة وسنين !!يعني تخيل انك بالصعوبة نجحت بالعربي وصرت اخيرا تفهمه بعد عناء واستخدمت لغة العربجيزي وبدات اللغة تتلاشى من مخك وصارت قواعدها صعبة مرة ثانية والتعب ذاك راح على فاااضي
؟؟؟ نفس الشي للي يتعلمون اللغة الانجليزية بس اكيد ماراح ينسوها لان كل الكلام بالانجليزيوالي اصعب من كذا تجيك وحدة جنسيتها عربية وتعرف الكثير بالعربي وعندها مفردات روعة وتتكلم عربجيزي !!
والله قهر
تضيع مواهبها بذي اللغة ، مثل وحدة تقربلي كتبت كذا بالاختبار يعني بدال الاتش "H" كتبت 7!!،طيب ليه ما تتكلمون عربي او انجليزي مرة وحدة ؟؟ بعدين تعالو بكلمة راااس : المفروض نفتخر احنا العرب المسلمين ان اللغة العربية لغة القرآن ليه ليه مو عاجبتك لغتك الاصلية ؟؟ وكمان اللغة العربية تسمى بلغة الضاد ، لأننا الوحيدين نعرف ننطقها بالعالم كله وهذا شي مميز صح 
وآسفة جداً اذا كنت أسأت لأحد او جرحت مشاعره او جعلته يشعر بالنرفزة والغضب مني :mad:<<<<هذا حق للي معصب مني يحطه وبس خخخخخخواذا اردتي رفع الموضوع ارفعية بتسبيح وذكر الله
وانا
بس حبيت اكتب وجهة نظري حول هذي اللغة الي تضيع لغتنا الحبيبة ودمتم
