ليه حياتي كذا !

انا ربي ابتلاني ب ابتلائات كثيره مو ابتلاء واحد لا مليون ابتلاء ابتلاني بصحتي عندي 13 مرض وابتلاني بشخصيتي عايلتي خلو شخصيتي ضعيفه عديمه الثقه مااقدر ادافع عن نفسي وحقي مأكول طول الوقت وخجوله كانو دايما يظلموني وكل شي ياخذوه مني لين وصلت لهالحاله وابتلاني ربي بعيلتي اللي كلها مشاكل مشاكل كثيره ي بنات يعني مو مشاكل بيت عاديه لا مشاكل اكبر مابي اتكلم بالتفاصيل كل ما تخلص مشكله تجي مشكله اكبر وعلى هالحال .. امي وابوي انفصلو من كنت صغيره عشنا مع ابوي وبعدها ابوي تزوج وبدت المشاكل الاعظم اخواني وخواتي كلهم تزوجو افتكيت منهم بس باقي اثنين اخوان من امي وابوي صرت انا مسؤوله عنهم انا اللي اطبخلهم وافطرهم واغديهم واعشيهم صغار صارو مسئوليتي طبعا ابوي مانع انو يروحون عند امي عشان مدارسهم هنا.. ايام الويكند اخذهم واروح عند امي طبعا امي غير شكل اقول بطلع من بيتنا وافتك من المشاكل اروح للاعظم امي انسانه نكديه تحب المشاكل من نروح تقعد تنكد على انا واخواني الصغار كل ماسوينا شي قامت تقول ايي طبعا ابوكم وزوجته وماعرف ايش دايم تجيب سيرتهم وتتكلم عنهم ماعندي مانع تتكلم بس مو قدام اخواني تعقدهم مو بس كذا مايعجبها شي كل ماسويت شي قامت حطت حرتها فيني احسها تكرهني اوقات اقول هذي مو امي والله ..طبعا ابوي طلق امي بسبه طبعها من ولدت ونا انام واقوم على مشاكلهم ابوي ماايتحمل وطلقها هي اللي خربت بيتها بيدها .. بنات انا عمري ماشفت يوم واحد سعيد بحياتي صرت لما افرح بشي بسيط اخاف اقول ليه صار كذا اكيد بيصير شي خايس بعده مدري صرت احس اني مااستحق السعاده لانو تعودت اعيش تعيسه ماعندي صديقات طبعا لاني ممله وخجوله .. بنات تدرون وش اسعد شي صار لي يوم سافرنا جده هي مره وحده بس طلعت فيها من الرياض وكانت يومين بس هذا اسعد حاجه صارتلي بحياتي وطبعا بالرياض روتين يومي مانطلع مكان نروح بس عند اقاربنا ..صرلي 3 سنوات من تخرجت من الثنويه ماقدرت ادرس جامعه ماقبلوني اساسا ربي رحمني كيف بدرس ونا عندي اثنين مسؤوله عنهم اذاكرلهم واكلهم وواشربهم .. اخر مشاكلنا ابوي فلس صرنا شبه فقراء بنات والله العظيم مايهمني الفلوس ابي بس اكون سعيده ابي حياتنا تستقر بدون مشاكل ابي اكون اجتماعيه ابي ربي يشفيني من امراضي ووبس مابي اكون غنيه مابي شي من هالخياه عادي عندي انحبس بالرياض ومااطلع مكان ابي بس هالثلاث اشياء من ربي لي 10 سنوات ادعي ربي هالدعوات بس مع الاسف ربي مااستجاب ولا وحده بنات انا عمري 20 وقاعده اعيش كل هالمشاكل انا عانيت كثير من كنت صغيره والى يومكم هذا اعاني احس اني جيت على هالدنيا عشان اعاني وبس اخواني وخواتي ماشاءالله حياتهم تجننن الله يهنيهم مع انهم مايستحقون دمرو نفسيتي وراحو بس مع كذا الله يهنيهم مابي منهم شي كفايه راحو وكفوني شرهم .. ليه ربي يبتلينا بهالاشياء يعني ربي يبتلي المؤمن الملتزم بس انا ايماني عادي واستغفر الله اوقات انام عن الصلاه واتعيجز اقوم اصلي مع انو اسمع صوت الاذان بس مااقدر اقاوم النوم . ليه ربي قاعد يعيشني هالاشياء كلها تتوقعون ربي بيفرجها علي؟؟ انا احس لا بديت افقد الامل . لاتقولون لي بيعوضك ربي بالزواج اقطعو رقبتي ولا اتزوج اساسا مافي انسانه متزوجه سعيده بحياتها والزواج كله مسؤوليات ونا ماني ناقصه مسؤوليات يكفي تحملت المسؤوليات من ونا صغيره الى اللحين .. اتمنى اهم نفسي وبس اتمنى اعيش لنفسي وبس اتمنى اكون مسؤوله عن نفسي وبس كل هذا حلم ومعجزه بالنسبه لي احس اني خسرت دنياي واخرتي .