ليه دايماً مجبوره المراءه تسكت وتكتم بقلبها !!!!!؟؟

انا تكلمت معاكم واستشرت بخصوص انه زوجي شفت بجواله اشعار سناب والايموجي كان بنت ٨٠ ٪؜ من التعليقات قالوا سوي نفسك ماشفتي شي واهم شي كويس معاك ويصرف عليك خلاص ويسويها بالخفى احسن من انه يسويها قدامك وطبعاً انا كتبت الحل هل اواجهه او ازعل ببيتي واعلمه غلطه يعني اتجاهله فتره طويله الاغلب يقول تتجاهليه طيب وبعدين مردك له ! وتطلعي بالشينه ومدري وش انا نفسي افهم حاجه ليه احنا النساء كذا !!!! ليه تكفيرنا محدود واقعد ادور اعذار لرجل واقول يلا يسويها من وراي ولا من قدامي وكأنه عدم خيانته فضل علي !!! نرفزتني التعليقات فوق نرفزتي زياده واللي تقول طنشي ترى الرجال مايحب الحرمه اللي تفتش وراه وانا اساساً مافتشت انا بشحن جواله وجت الرساله وحتى ماعرف وش هي الرساله بس شفت الايموجي بنت وعرفت ! يعني عشان هو مايحب الحرمه اللي تفتش اسكت عشان رضاه ؟؟؟؟ اسباب تمادي مجتمعنا الرجال تفكير النساء هذا !! اللي صار مرصوخ بمخهم وصار الخيانه مبدء اساسي بالحياه الزوجيه وكل زوجه مجبوره تتعايش معاه !! واذا كان لها ردة فعل قلتو لا انتبهي لا يصير لك ردة فعل ولا تعلميه انك دريتي لانك لو دريتي راح يستحقرك ويصير يسويها قدامك وراح يشوفك رجعتي له ومين قال برجع له طيب ؟؟؟ مين قال بكون الانسانه اللي يعرفهاا ؟؟ واللي تقول تفضي له الجو يعني عشان مافضي له الجو اقعد قلبي متروس ومخنوقه واجامل وانا قلبي شايله عليه عشان مايخلا له الجو طيب هذا انا قدامه وحوالينه ومدلعته وخلا له الجو وراح لها يعني لما اتركه على راحته كذا بيخلا لهم الجو؟؟؟ انا اخذ موقف له عشان تعز علي نفسي اني اكون مغفله واتعايش مثلي مثل غيري وانا قلبي متروس !! لا بواجهه وباخذ منه موقف اذا مارحت بيت اهلي باخذ موقف وانا ببيتي عشان يكون درس له بتقولو مردك له ايه مردي له بس اسم اني اعطيته درس وازعل زعل مختلف يخليه يفكر بينه وبين نفسه اذا هي انقلبت علي لهدرجه بسبب الخيانه يعني قلبها يطاوعها بيوم من الايام لو عدت هالموضوع راح تتركني انا حماتي والله نفس تفكير كل وحده فيكم وكانت تشوف وتسكت والنتيجه؟؟ جاب على راسها طبينه 🙂 من مين من اللي يكلمهم بالسناب وبكل وقاحه يقولها انتي الاوليه ومافيه مثل عقلك ! لدرجة حتى لما تشوفي خياناته تسكت واللي حولها شايفين هالشي اللي مسويته هي انجاز وانها عاقله وكأن هذا الشي صار روتين لازم تسويه الحرمه مع زوجها واذا اخذت موقف صارت الانسانه اللي مقصره ومن حقه يخونها وكأن لا تملك المشاعر ومجبوره على السكوت ! انا من الناس اللي بداية زواجي كنت اداري على زوجي لدرجة ماتتخيلونها دلع لدرجة ماكنت اعرف الزعل كشفت عليه خيانات رحت بيت اهلي بس ماخذت موقف جا يراضيني ارضى وكأن لا شيء حدث مره ومرتين وكان الغلط علي كنت افتش وهذا لا يمنع انه غلطان واخر مره حلفت اني لا اسكت وكشفته اللي هي قبل ٣ ايام واجهته قال مدري سكتت وكلمت اخوي الاكبر حرصت انه يكون اخوي هذا لانه مايمون على زوجي وبينهم رسميات وزوجي يهمه جداً نظرت الناس له وتعمدت اختاره عشان زوجي يتفشل من نفسه لاني كنت اقول لاخوي اللي هو صاحب زوجي الروح بالروح المهم تكلم اخوي معه بكل جديه واللي عجبني ان اخوي ماخلا الموضوع هين وبسيط مثل اخوي الثاني وانا الان مرت ٣ ايام ماكلمت زوجي وامور كثيره امتنعت عنها وهو قالب الزعل علي تفكيره اني مثل كل مره بجي اسوي الوضع عادي لاكن انصدم من ردة الفعل وانا ناويه ازعل زعله عمره ماينساها بقعد اكثر من ٣ اسابيع اتعامل معاه برسميه اقوم بواجباته بشكل سطحي نبطل تدليع نبطل عتاب وهواش الصمت يقتلهم قتل عشان يعرف غلطته واذا رجع مره ثانيه هذي مابيكون فيها سكوت بيكون فيها رجال كبار وموضوع كبير وبتجيب نتيجه معاه ولا اشوف وحده تسكت على خيانة زوجها وتنتظر لما يدق الباب وبيده وحده (: واذا تركك او حصل بينكم اي شي بيكون خيره لك لانه انسان مو كفو تعيشي معاه انتي الانسانه الطاهره العفيفه اللي محافظه على بيتك وهو يخربط هو اللي خسرك مو انتي اللي خسرتيه 👌🏻