ليه كثر الاكتئاب وتمنّي الموت ؟

الاكتئاب له اكثر من سبب
البعض عندهم وراثي ، الوراثي ممكن يحتاج علاج دوائي والبعض يرفض
ورفض العلاج الدوائي طبعاً بيخلي الحاله مستمره


واذا ماكان وراثي ممكن تكون الحياة مكرره وفيها جمود
او عندهم مشاكل سببت لهم الحالة


انا شخصياً اذا حسيت اني بدخل في هالموجه
احاول اشغل نفسي بأكثر من شيء ، صرت كثير اتأمل الاشياء الي حولي
مثلا الجو حلو احاول استشعره بشكل مختلف
واشوف الناس برا هذا شاب طموح وهذي ام تعبوها عيالها
وهذا الشيخ الكبير شلون كانت حياته
اطلع وأتأمل ادخل في جو كأني اكتب رواية 😍😂


الطلعات ايضاً اشوفها تخفف روحي اي سوق طالعي البضايع وغيره واسألي البايع ، تسببي الاحداث في حياتك
بالنسبة لي احب الاسواق الشعبية اذا جاني ملل اروح سوق شعبي
احب بساطتهم والاشياء القديمه والشوارع القديمه
ممارسة هواية تحبينها ، مشاهدة مسلسل او افلام
الراديو او البودكاست
تدور اي امر تحبه ويشغل وقتها



في نقطه بعد اشوفها مهمه تسبب ملل ، بعضهم دائماً تدور شيء مفيد تسويه او تسمعه
المبالغة في البحث عن المفيد تدخلك في حالة ملل
مثلا اللعب مع الاطفال مشاكستهم ، اي امر يطلعك من حالة الجدية
اي امر سخيف 😅 فهو مفيد لانه يعطيك شعور بالتجديد
اسفه على المثال لاحد يهاوش 😂 مثل الشايب لين قال ابي زوجة شباب تجدد شبابي ، عاد ماعلينا منه النكبه بس هذا المثال الي لقيته 😅
اشوف ان هالحاله كلنا نحتاجها ، نقدر نطبقها مع اي طفل او مراهق


وبس والله هذا الي جا في بالي حاليا

خليها تحلل
عادة القولون ونقص فيتامين دال يسبب الاكتئاب
والخمول والقلق والخوف

صحيح الاغلب عندهم مشاكل و نقص في المعادن او لخبطة في الهرمونات ...
اهم شي تعمل فحوصات لفيتامين د و مجموعة فيتامين ب و الحديد و المغانيسيوم و قوليلها تفتح حساب الدكتورة ريم العنزي ع الانستغرام راح تستفيد منه باذن الله

هذا ابتلاء من الله
ربما لها درجة بالجنة ولاتصلها الا بهذا الابتلاء
اعرف كثير من النساء جاتهم هذه الحالة وهن في بداية الثلاثين واغلبهن ظروفها ماشاء الله ولا احسن تكون متزوجة وموظفة وأطفالها ماشاء الله ولا أجمل
بس ملاحظه أن كل اللي جاتهم الحالة كانوا بعيدات عن الله يعني تصلي وبس مافيه بحياتها الا الصلاه المفروضة فقط وكم وحده قالت لي هالشي وهذا البلاء ردهم لله ردا جميلا الحمدلله والان صاروا متعلقين بالله والمصاحف معهم واللي مسبحتها معها واللي بتحفيظ واللي صارت داعية
اللهم ردنا اليك ردا جميلا

الاكتئاب مرض العصر💔