ليه يا خالد؟ (قصه حقيقه)

الحلقه الثانيه انشاء الله غداً

وعليكم السلام

القصه مبين إنها حلوه لا تطولين علينا بالحلقه الثانيه

وتسلمين على النقل

أختك شووق العيون

شكرا على القصة يا reemaa
بس ياريت تكمليها بأسرع وقت بليييييييييييييييييييز

شوق العيون تسلمين انتي على المرور
وانشاء الله يعجبك باقيها
------------------
azah
العفوووووووووووووووووووووووووو
---------------------
ام حسين
الله يخليلك حسين وابوه انشاء الله
مع اني تعبت من الكتابه بس ابشري يا الغاليه بحط الجزء الثاني الحين لعيونك ولا هانت شوق العيون وازاها

مرت الايام وساره وخالد ما يربطهم الا الابتسامات من وقت لوقت

لكن الغريب في الامر ما تحمله ساره من احساس يملئه الحنان بأتجاه خالد
كان الاحساس بعيد كل البعد عن مشاعر الحب كان كله احساس الاخت التي تخاف على اخوها وتدعي له ليل نهار بان ربي يحفظه عن كل شر ويهديه
استيقضت ساره من بعد ليله متعبه لم تنم فيها الا ساعات من التفكير...وبتكاسل لبست ملابسها وابتسمت عندما رات نفسها بالمرأه
ساره كانت لابسه بلوزه ورديه واول ماجاء في بالها خالد قالت اليوم ماراح نتشابه في الالوان خالد مستحيل يلبس وردي
كانت الساعه 2 الظهر قعدت ساره مع امها في الصاله وكالعاده بدئت تمزح وتضحك معاها وفي الاخير استئذنت ساره من امها علشان موعد الجامعه
ام تركي: ساره قبل ما تروحين الجامعه ليه ما تتغدين اول
ساره: اتغدا وانا ما بعد افطرت انا للحين في الفجر في توقيتي
ام تركي: مسويه كبسه
ساره: ياي يا مامي كبسه نو نو انا ما اكل الا بيتزا ولا لزانيا مااعرف الكبسه هاذي
ام تركي تضحك تعرف ان بنتها تطنز:سوير قعدتيلك سنتين في لندن ونسيتي الكبسه
ساره تكمل تمثيليت الصباح:مامي وشو كبسه قوليها بالانجليزي علشان افهمها
ام تركي تبي تشوف اخرتها مع بنتها: طيب يا سوير انا اليوم طابختلك هبسه
ساره وهي كاتمه ضحكتها: اييييييييييييييييييه اوكي الحين فهمت يوم قلتي هبسه لا مابي
وفجئه تذكرت ساره خالد انه يحب الكبسه وله فوق السنتين ما ذاقها
فقررت ساره انها تاخذ له غداء من الكبسه
ساره:خلاص يا الغاليه انا ماشيه الجامعه وباخذ معي شوي كبسه
ام تركي: تبين احطها لك في الونش بوكس (علبه الاكل تستخدم للاطفال فقط) وعرفت ساره انها امها تطنز عليها
ساره:وشو يا الغاليه لونش بوكس مابي انفضح قدام الناس وحبت راس امها وطلعت بعد ما اخذت الكبسه
وفي الدور الثالث وبعد ما خلصت محاظرت الساعه 4
خالد طلع بسرعه وركب سيارته ومشى..ساره تضايقت من الموقف وتضايقت من نفسها اكثر لانها المفروض تقول له علشان ما يروح
عبدالله:ساره ماعندك نيه تروحين البيت
ساره جاء في بالها فكره متهوره بس هذا هو الحل الوحيد لها
ساره:عبدالله عندك رقم خالد
عبدالله:ايه تبينه
ساره بارتباك: ايه لو سمحت
اخذت ساره الرقم ودقت عليه وهي مرتبكه وخايفه
خالد:الو
ساره:الو هلا خالد
خالد:هلا ساره
عرفها على طول
ساره:خالد انت وينك وصلت بيتك؟؟
خالد:لا الطريق زحمه
وبما ان بيت ساره وخالد قريب عند بعض فا طريقهم واحد
ساره: طيب ممكن توقف في المكان الي فيه ابي اجي اعطيك شي
خالد: ابشري
راحت ساره واعطت خالد الكبسه انصدم من الفكره وكيف جاء في بال ساره انه تتذكره بالكبسه
بعدها حس انها هي تفكر فيه مثل ماهو يفكر فيها لكن ماهو الشعور او اي نوع من المشاعر هذا الي كان جوابه صعب
بعد الموقف هذ بدئت تكبر المشاعر بينهم..لكن كل منهم محتفظ فيها لنفسه
كانت ساره مازلت متمسكه في فكرتها الاولى وهي النصيحه كان همها الاول والاخير هو تغيير خالد للافضل وتبعده بكل ما تقدر عن الاغلاط الي حواليه
وفي يوم ومن غير مقدمات
رن جوال ساره ...هذا هو رقم خالد
ساره:الو
خالد:هلا ساره
وبعد سيل من السلامات والترحيبات صايرين كانهم رؤساء دوله
ساره: خالد عبدالله قال لي الاختبار بيكون نفس اسئلة البحث صح؟
خالد في عصبيه: وانتي ليه تكلمين عبدالله
ساره بكل استغراب
ليه وش فيها كنت اسئله و.....ويقاطعها خالد بعصبيه اكبر
شوفي يا بنت الناس انا صحيح شكلي لعاب لكن انا ارغب فيك كا زوجه ترضين؟؟؟ وإذا ما تبين الشي هذا مابي اسمع صوتك ولا اشوفك بعدها
في لحظه ساره تضاربت كل الاحاسيس في داخلها وتسارعت التساؤلات في افكارها وتدافقت كل المشاعر في داخلها
شي غير متوقع
شي بعيد عن الحسبان
شي لم يخطر على البال
خالد:وش فيك سكتي؟
ساره تحاول السيطره على ما بقى من جمود في داخلها بعد ما زلزلت كلمته كيانها
ساره:خالد انت والنعم فيك
هذا ما توصلت له ساره من رد ..لانها تعلم جيدا بانه مستحيل وإن كان في داخلها ترغب في قربه للابد
قفلت السماعه وهي في تساؤل وحيره
ليه يا خالد؟؟؟
ليه يا خالد انت؟؟
ليه يا خالد انت الوحيد الي قدرت تذوب الجليد عن قلب اقسم لا ينبض لاي مخلوق
ليه يا خالد تهيج مشاعر انشلت عن الاحساس
ليه يا خالد انت من يكون لي الحب الاول
الحب الاول......الحب الاول...الحب الاول يا ساره
كررتها كثير الحب الاول علها تستطيع ان تسمعها علها تقتنع بانها احبته
نعم احبته...احبته حب اخت لاخوها احبته حب صديق لصديقه احبته حب هادئ رفض ان يصرخ والان ستحبه حب زوجه لزوجه
وابتسمت مع هاذي الخاطره...زوجه وزوج
ساره وخالد
اتفق خالد وساره على الزواج وكل واحد فيهم مقتنع بانه لن يجد الانسب ولا الافضل من الاخر
بدئت حياه جديده لساره وخالد
خاصه بعد ما اخبر خالد اهله عن ساره ...وساره فاتحت امها بالخبر ووجدت قبول مبدئي منها
خاصه ان ساره وضحت من كلامها لامها انها مقتنعه فيه وكان بداية معرفتهم في حدود معقوله ومنطقيه وهي الجامعه
الجامعه والقدر الي جمعهم
ربي كاتب الشي هذا ومن التشابه الغريب الي بينهم

لكن كثرت المشاكل والخلافات بينهم
خالد كان من النوع العصبي وغيوور بشكل كبير
فا كان تفسيره لاي حركه من ساره انها تحاول ان تثير عصبيته
وكانت مشكلة ساره مع خالد هو سهر خالد في الملاهي الليليه

اصبح الوضع مستحيل لكن لم يغير الحب الي يربطهم
في الاخير قررت ساره انهاء كل شي ...ومع نهاية خالد سينتهي عذاب القلب معاه
ومن جهة خالد..مر عليه ايام قرر فيها هو من ناحيته ايضا انهاء كل شي
حتى مع وجود الحب سيكتب نهايته مع ساره

والغريب ان ساره وخالد مخططين للنهايه في وقت واحد
لكن ما اصعبها لحظه الفراق
ما اصعب ان نوقف قلب كان ينبض بكل لحظه مع ابتسامه
ساره:خالد الي بينا مستحيل
خالد: زين انها جات منك يا ساره
ساره وبدء الجرح ينزف
خلاص اجل ننهي الي بينا
خالد :انا موافق لان الحياه بينا صعبه وبنتعب
نار قربك ولا جنه في بعدك
هذا الي كان يدور في بال ساره
ليه يا خالد؟؟
ليه ما تساعدني اننا نصلح الي بينا؟؟
ليه ننهي اجمل قصه واصدق احساس؟؟
ليه يا خالد تكون انت اول حب واول جرح؟؟
ليه يا خالد نسيت التضحيات؟
ليه يا خالد نسيت كل الي صار
ملئت عيون ساره الدموع التي من قوة ثقل همومها لم تستطيع النزول
مع بدايه دموع ساره انكتبت نهاية قصتها


في هاذي الحظه حست ساره معنى كلمة فراق
بعدت ساره عن الجامعه بعدت عن كل شي يضم خالد لكن لم تستطيع البعد عن قلبها
هذا المكان الصعب البعد عنه مهما حاولت
وبعد فراق ساره وخالد بشهر
عبير:ساره بقولك خبر يمكن يسعدك ويمكن يضايقك
ساره:خير يا عبير
عبير:خالد سافر للسعوديه خلاص
للحظه حست ساره ان قلبها وقف عن النبض خالد سافر خالد راح خالد اصبح مستحيل
ساره حاولت تدارك الوضع وابتسمت لعبير: اريح لي يا عبير علشان ما احس اننا في مكان واحد
خلاص علشان يساعدني اني انساه يساعدني اوقف حب له
يساعدني اني اقتنع اننا عمرنا ماراح نكون لبعض
وهي بداخلها تصرخ
ليه يا خالد؟؟
وجودك معي بنفس المكان هو الامان لقلبي ولي
لكن خالد لن تصله صرختك يا ساره
خالد بينك وبينه بحور
خالد الي ذكراه في كل ركن في حياتك
خالد الي اشوف ابتسامته في كل مكان في الجامعه وخاصه الدور الثالث
خالد الي بيته يوميا تمرين من عنده ووينك يا فنار البيت
مرت الشهور والسنين
وساره بدئت حياتها حياه من غير قلب لانه كان لشخص واحد
وفي حياتها الشخص هذا مات واخذ حياة قلبها معاه
مات حب الكل يشهد عليه مات حب كان اسطورة لندن بصدقه وقوته
ساره في ايام معرفتها بسفر خالد وصت صديقاتها انهم ما يجبون طاريه قدامها مهما كانت الاسباب طلبت منهم بقلب باكي انهم يساعدونها تنسى خالد

وفي يوم وساره في البيت مع اهلها جات عبير لها
عبير:ساره عندك شي
ساره:لا
عبير:اجل تعالي معانا البنات مجتمعين مثل كل اسبوع
ساره:اجل انتظريني اتجهز واجيك
وكانو البنات مجتمعين في بيت عبير
منى:سوير ترا فيه بنات ما نعرفهم يعني لا تحرجيني قدامهم
ابتسمت ساره لمنى وهي تقول في بالها اصبري علي انتي الي جبتيه لنفسك
دخلت ساره الصاله وسلمت على البنات الي تعرفهم والي ما تعرفهم
وبدا الهرج والمرج والوناسه
منى: ساره اليوم هاديه ما نسمع لك صوت
وتضحك ساره وتناظر رانيا :رانيا خليك شاهده منى الي تجيب الكلام لنفسها تتحرش فيني
رانيا وهي تضحك:ساره انتي ومنى توم وجيري ما تستغنون عن الحش في بعض
منى سوت نفسها قويه:سوير وش رايك نقلب الموجه على رانيا
ساره وبنظرة خبث :ايه منى ابشري بعزك
منى:سوير انتي ابدي في الحش قوليلي وش نقول
ساره تناظر رانيا وهي ماسكه ضحكتها:رانيا هاه خذي من الدلاخه الي ما يعلى عليها في منى
منى مستغربه: وش قلت انا الحين؟
ساره:منى هاذي المشكله انك ما تقولين شي يعني حتى بسكوتك تعطين طابع انك انواع الدلاخه
منى:ساره وانتي ماعندك غيري في الدنيا تحشين فيه
ساره:منى حبيبتي الصراحه لا ماعندي لانك انتي الوحيده الي احش فيها وتقعد تبتسم تحسب اني امدح فيها
منى بدت تعصب عاد منى اذا عصبت ما تقدر تحط جمله مفيده: سوير انتي علشان كذا انا اكره مره
ساره تعلى ضحكاتها مع رانيا
ساره:منى انتي درستي قواعد ونحو؟؟ ما درستي اكل احمد التفاحه ؟ الظاهر انك ساقطه حتى بالفسحه
واكل احمد التفاحه ذبحونا فيها من يوم الابتدائي لين المتوسط والثانوي وهو مسكين ياكل التفاحه صرت كل ما اشوف احد اسمه احد اناظر فوق راسه مثل افلام كرتون اذا الواحد طاح مو تطلع فوق راسه
عصافير يدورون انا اي واحد اسمه احمد احس تفاحات على راسه يدورون
بدت تضحك منى بصوت عالي والبنات الي قاعدين جمب ساره ورانيا ومنى وسمعو النقاش الي دار تعالت ضحكاتهم
من بينهم كان فيه وحده
تناظر لساره نظرات غريبه واسئلت منى عن ساره
منى بكل حسن نيه جاوبتها
البنت وصديقتها كانو من المعجبات السابقات لخالد
منى سئلت عن اساميهم لانها من النوع الي ملقوف شوي بزياده
الاولى كانت احلام وصديقتها تهاني
وكانو يسمعون عن الي دار بين خالد وساره
لكن ما حصل احد شاف ساره
وبعد العشاء كان الجو اهدا شوي
وبدئت السوالف تاخذ مسار ثاني مسار فيه هدوء ونقاش عن الزوجات واحوالها
احلام: ساره انتي في اي جامعه
ساره :انا نفس جامعة البنات مع عبير ومنى ورانيا
احلام في خبث: تعرفون خالد اكيد هو معاكم في الجامعه
صديقتها تهاني: لا يا احلام خالد كان بس سافر وسمعت انه خاطب وبيتزوج
احلام: لا هو كان خاطب
في هاذي اللحظه ساره بدئت تعتصر الالم وبدا القلب ينزف من جديد

ولم يخطر في بال ساره في هاذي الحظه الا تلك الابيات

احرجوني وجابو اسمك وطرواك..وتغير بلحظات شكلي ولوني
واحد من العذال بالاسم سماك..وتهامسو وادري انهم يقصدوني
حاولت اتمالك اعصابي لذكراك..لكن دمعاتي جارت من عيوني
وضعفت بين الناس لجل عينك ضعفي وحزني..والمدامع تهوني
ياليتهم يدرون حالتي بدونك...شعره الفرق بيني وبين جنوني

نعم مازالت تحبه ومازال فراقه يألمها وكانه لم يفارقها الا بالامس القريب وليس سنتين



لتكمله في الحلقه الجايه