لي طلب هام جدا .. أمانة على كل أم خبرة تدخل

فى هذا السن كل ماطلب الطفل الحليب اعطيه لانك ماتقدرين تسوى عليه كنترول الى بعد اربع اشهر
وبالنسبه للنظافه لازم اغلب الوقت يكون ناشف يعنى لا تتركى الحفاضه فيه كثير ولازم بعد الغسيل تنشفيه جيدا وتحطين له بودرة او قليل فازلين ..... وتقريبا التحميم كل يومين الى ثلاثه ايام..... والمهم قبل ماتبدئ تحميمه لازم تكونى جهزتى كل اغراضه جنبك من الفوطه الى الملابس والكريمات واللفه و و و حتى لايتعرض للبرودة لانى الاطفال فى هذا السن يبردون بسرعه
اما النوم الله يعينك حاولى من بعد المغرب تصحيه ....... مع العلم انه صعب بس حاولى...... مثلا تلعبيه او بلطف تدغدغيه فى ارجيله او ورا اذنه المهم الى ان يصحى وترى ايضا ماراح ينتظم نومه الى بعد اربع اشهر غالبا
والله يبارك لك

انا بعد ام لاول مرة

وبكتب لك وش اسوي:

الاستحمام يومي
سكري كل منافذ الهواء بحيث يكون المكان دافي ، ؤيفضل يكون الاستحمام بالغرفة عشان تاخذين راحتك
جهزي بانيو البيبي ، الاسفنجة اللي تنحط تحته ، شامبو شعر ، شامبو جسم ، اسفنجة ناعمة للجسم ، موية دافية في اناء كبير مع جيك ، فوطة كبيرة ، ملابس
ابدأي بتنظيف الجسم وبعده الراس بدون ماتكبين موية على الوجه عشان مايشرق البيبي
بعد تنشيف البيبي ادهني جسمه بزيت الاظفال

بالنسبة للرضاعة
بعد الرضاعة لازم تخلينه يتجشأ ( يتكرع ) بانك تحطينه على كتفك وتربتين على ظهره عشان مايجيه مغص كثير ولا يستفرغ.

وانتبهي لاتعرضينة للبرد لانه حساس مرة.. ودرجة الحرارة المناسبة هي 25

واذا عندك اي استفسار.. بجاوبك بأسرع وقت اذا اعرف:26:

ماشاء الله ام مشاعل كفت ووفت

والكلام الي كنت بقوله قالته ام مشاعل

السلام عليكم

الاخوات ماقصرو بس حبيت اضيف بعض الاطفال من الشهر الخامس تبدأعندهم أعراض التسنيين وهي تسبب للطفل الحرارة والاسهال فأنتبهي وخاصه الحرارة لازم يكون عندك مقياس الحرارة حتى تقيس الحرارة

تحيا:24: تي لك


بعدين عندي ملاحظه للجميع وهي مايجوز لنا ان نقول امانه لانها كالقسم واحنا مسلمييين مانقسم الا بالله

جزاك الله خير يااختى على الملاحظة