وخياتي بنات حواء طالما تجولت هنا في قسمكم المصون بين العصاقل المصاقل اللي زي حالتي وبين السمان اللي يبون ينحفون الله يفشهم من غير شر ..
>>>لاتشرهون على اللغه ..:09:
بعد فتره من تجوالي قررت اسجل معكم :icon28: انا خدود فوشيه والاجر على الله..
وبعد اذنكم بقولكم سالفتي مع النحف والعصاقل انا انسانه نحيفه من عرفت نفسي اذا زدت زدت 2 3 4 5 كيلوا بعد جهد جهيد لكن سرعان مااهوي الى القاع مرتن اخرى >>>>حلوه سرعان :) بقولكم ماخليت شي ماجربته يعني مو فيه فأر تجارب >>انا خدود فوشيه تجارب>>>>>ادري بهذر واجد الللي بتقرأ تروح تجيب عصير وفستق :09:
تجاربي 1:استخدمت الحلبه >>نفخت خشتي قصدي وجهي وخدودي تبزرت=تنفخت ماشاءالله ماشاءالله لكن جسمي مازاد مثل ماابي هذا غير انها تخرب الارحام ..
2"استخدمت حبوب خطيره وصل وزني 49 وانا مو طويله مره والكل انجن علي بس بعد ماتركتها فشيت كني بالونه.
3"استخدمت حبوب ميكسافيت عباره عن فيتامين مانكر انها فادتني بس بين على وجهي الصفاء واللمعه ماشاءالله والخدود بس ماسمنت جسمي زي ماابي يعني شي بسيط انا استخدمت الحبوب ومره الشراب بس الشراب افيد واسرع مفعول .
3"استخدمت عنبريه >>وكنك يابوزيد ماغزيت مكانك سر .
4"توني مطوله >>>قايله لكم تجارب "استخدمت الماش ونفس الشي خدودي بان عليهم وصارت روعه ماشاءالله
5"استخدمت حبوب موسيجور فاتح شهيه>>:09::09:وسمن خدودي وجسمي صار رويان وروعه لكن بعد ماتركتها رجعت نحفت واكتشفت بعدين انها مضره وتحبس الماي بالجسم غير كذا سببت لي الم بالمعده وغثيان وحوسه.
6"استخدمت خلطة حلم بدون تفسير من منتداكم الله يجزاها خير >>>فتحت شهيتي وصرت آكل زين وخدودي زانت وتصحصحت شوي بس ماسمنت >>العله فيني ولا الخلطه روعه والكل سمن عليها بس انا جسمي ونحافتي مستعصيه الله المستعان.
7:قالوا لي الحليب يسمن واقعد لط بهالحليب ماانكر تحسنت شوي بس مو ذاك المتن ..
وهاانا اجرب واحارب في سبيل اني اسمن الله كريم ..
وش باقي وش باقي>>اذا باقي شي بقولكم بعدين بتذكر ههههههه>>>الله يستر علي من هالتجارب
اخيرا بعد كل هذا انا مقتنعه بجسمي بس تعليقات الناس خصوصا وحده عندنا دايم تعلق علي وتعطي ملاحظات تخليك تنقهرين وتحسين انك هيكل يمشي يعني فيه ناس يبالغون بالوصف وصراحه شي يقهر مرررره خصوصا لما يقولون يووووه وش هالنحف بتموتين :قهررررررررررر
ادري هذرت واجد بس تحملوني ..
الحين كل وحده ودنا تقول وش استخدمت وفادها ولا مافادها .ودعونا نبحث ونبحث وكل وحده تحصل شي تجي ترزه هنا ونفيد بعضنا وخياتي..]
وربي أنا تعبت من نحفي متزوجه ووزني 43:06:..
زوجي مهو عاجبه جسمي .المشكله أكلي قليل عارفه ليش لاني أمضغ الاكل كثير فاأطفش وأنا أكل....
واضح إن شهيتك مسدوده أو إنك ماتصدقي يكون جسمك مربرب ويقل حماسك للاكل صح ولا لا.؟
الله يتخن بصحه وعافيه ياارب
إسلوبك عسسسسسسسسل ودمك خفيف مررررررررررررره