مأسااااااااااااااااااااااااااة

السلام عليكم ورحمة الله وبركاته
والله مدري من وين ابدا بصراحه الايام هذي ايام عصيبة بالنسبة لي كله بسبب اختبارات هالولد الي عندي الله يصلحه ويهديه وينجحه ..
ومع قرب موعد الاختبار ... الفكر معها محتاس ... عندي ولداً الواحد معه يحتار .. اي اسلوب لتدريسة يختار ؟؟ :(
جيت ابي ادرسه القواعد ... جبته قدامي قاعد .... علمته حروف الجر .. صار في أخواته يجر :29: .... أما المفقعول به والنصب .. خلا كل كلامه نصب في نصب :06:
ولا الرياضيات فمهناش ... فالح في ضرب الناس .. وضرب الارقام يحتاس .... اما القسمة والتحويلات من دقائق لساعات مالقيت لها في راسة دخلات ...
والجفرفيا والتاريخ ... حدود وتواريخ او عزوات ومواليد .. وفوق راسه ازيد واعيد .. بس البليد بليد مافيه شي معه يفيد ...

وحلقي معه ينبح .. كاني كلب ينبح .. ولو اني اكلم جدار كان فلح ..
هذا حالي وولدي يختبر .. فكري معه يشتغل .. هذا ولدي ولازم عليه اصبر .. الى ان يكبر ويعقل ...

آآآخرتها شهاده كانها ورقه .. ماتسوى من اعصابها عليها محترقه ... لا نار ولا جنة بدخله .. بس بين الناس ترفع قدره ...
لا يقولون ولدها عايد ... وكل شي عنده كايد .. لو تغسل راسه بتايد (تراه مقاطع بس عشان الوزن) .. كان طلع الكسل الزايد ...
ولا تجي وحده تتفلسف ... وتقول ولدس ماعنده هدف .. وولدها مانجح الا بالدف :11:

وادعو له بالصلاح والهدايه والنجاح
والله ينور قلبه بالايمان ... ويبعد عنه الشيطان ... ويجعله من حفظه القران .. وتصير كل علومه كااااااااااااان

هذا بعض مما اعاني سطرتها لكم في كلمات ومعاني ..

وسلامتكم :44: