آلسلآم عليكم ورحمة آلله وبركآته
أبلة منيرة يآ عيوني .. يآ للي لآبسه آلليموني
عزيزي آلشآب :
إذآ كنت تحوس تدور بيت لأهلك
أو تبحث مع عروسك عن مقر للعشه آلزوجيه
أو حتى كرشوك أهلك من آلبيت ووصلت لحآله مزريه من آلتلحيط ونآوي تسترجل وتسكن لحآلك
ف إنتبه !
نعم إنتبه !
ومرة ثآلثه إنتبه !
تسكن جنب إبتدآئية بنآت !!!!
مهمآ كآنت آلظروف وآلمغريآت ومهمآ كآنت آجآر آلفيلآ أو آلشقه ~ رخيص
حتى لو قالوآ لك إسكن جنب بليس وآفق ههههههههههههه بس بلآش إبتدآئيه بنآت
أسمع كلآمي
أنآ زي أخوك وأعرف مصلحتك
وآلكلآم ذآ مآ جآ عبث
بل بعد معآنآة 3 سنوآت
وتدور أحدآث آلقصه قبل بضع سنوآت وبضع أيآم وبضع ليآلي يوم إني أضطريت إني أدور سكن في أنحآء آلريآض آللهبآء
و إذآ بتلك آلشقه آلمثيره للسعبله وآلشفقة < < يآ عمري يآ آلأسلوب
قلت بس جآك آلموت يآ تآرك آلصلآة
( عندي مشكله في آلإستشهآد)
هذي هي فتآة أحلآمي
إللي مرت فوق آلحصآن آلأسود
وصفقتني بآلعجره فدخت من حبهآ
ولكن آلحلو مآ يكمل
وآآآآآ حسرتآه ، آلشقه طلعت عوآئل :| ،
لكن هيهآت 525 سنه دشره على آلفآضي ،
أكيد لآزم تفيدني في هآلموضوع
وفعلاً ، رحت لخويي
(تركي بن صعفق طيب الله ثراه )
وقلت له : تكفى يآ آبو صعفق طآلبك ،
قآل لي : مآ عليك كلهآ بطآقة عآيله مزوره وينتهي آلموضوع ،
قلت : بس تزوير ؟! ، أنآ مستعد أذبح نص آلريآض بس آخذ آلشقه
و صدقوآ أو لآ تصدقوآ
مشت آلفكره
و دخلت آلشقه وأنآ مزهوآ بنشوة آلأقحوآن
وآلعنآدل ترقص في فضآء آلشفق وهي تغني سكري يآ ورده فتحي يآ ورده
و أنآ مبسوط قآعد أغني مع آلعنآدل
لين مآ أشرق آلفجر
قلت : يآلله يآ عندول منك له أقضبوآ آلبآب أبرقد
و بعد سبع دقآيق من وضع رآسي على آلمخده !!!!!! ،
كنت على موعد مع آلكآرثه آلمأسآويه
قمت مفزوع :| ،
وش ذآ يآ عيآل زلزآل !!:|
ركزت شوي و إذآ وآلله آلدعوه طلعت آلنشيد آلوطني بصوت بزرآن إبتدآئية آلبنآت إللي جنبي
لآ حوووووول بنبتل كذآ ؟! ،
قلت : يآ ولد خلك أنت آلكبير و أصبر لين يقضي آلطآبور وكل بزر يذلف على فصله
لكن هذآ كله تسخين هههههههههههههه
لأن آلونآسه بدت يوم دخلوآ آلبزرآن آلفصل آلمقآبل لغرفتي
يآربي
وش سويت بدنيآي ؟!
تصدقون !!
أنآ لي 581 سنه وأنآ أدرس مآ حفظت سآرعي إلآ يوم سكنت بآلشقه
و يآليتهآ جت على سآرعي ، حفظت
كرتي كرتي مآ أحلآهآ ، و هري يلعب فوق آلسطحي
بس مآ أنجن وتفلت أعصآبي ألآ أذآ دخلت أبله منيره فصل ثآني إبتدآئي
( إللي هو آلفصل إللي جنب غرفتي )
لأن أبله منيره تعشق آلزعآق عشق جنوني و هذآ يعطي آلبنآت دفعه معنويه فيصيرون يزآعقون أشنع من أي وقت مضى هذآ بآلإضآفه لأن أبله منيره تخلي آلبنت تعيد آلنشيد من أول إذآ أخطت
( طيب أخترعوآ آلبرآشيم ليه ؟!
مو عشآن آلموآقف آلمحرجه إللي زي هذي ؟!
بس عآد وش تقول آلجيل آلجديد مضروب )
بعد آلسنه آلأولى تأزم آلوضع
لأن أول كآنت أبله منيره تسيير على آلفصل في آليوم حصه و لآ أثنين
آلحين آلأبله صارت آلمشرفه على آلفصل و مبلطه كل الوقت ودآقة لهآ خيمة بوسط آلفصل
في آلسنه آلثآنيه صآر عندي تبلد حسي
خصوصاً بعد مآ بديت أستخدم سدآدآت آلأذن
بآلأضآفه لشعور غبي هو إني حسيت إني عآيد ثآني إبتدآئي
( طيب على آلأقل غيروآ و حطوآ جنبي ثآلث )
لكن في آلسنه آلثآلثه
بديت آخش جو صرآحه
( آلشكوى لله )
وصآر عآدي أنك تشوفني مآشي في آلشآرع وأنآ أغني
في مدرستي دآر آلحب ..... آلعب أجري أنآ وصحبي
لآ وتدرون متى أكيف إذآ دخلت أبله منيره آلفصل
وقالت : السلام عليكم ..
عآد أرد أنآ مع آلبزآرين ونقول : وعليكم آلسلآم ورحمة آلله وبركآته < < بصوت عآلي متحمسين ههههههههه
كيف حآلكم يآ أطفآل
بخير مآدمنآ شفنآ خشتكي
ألين جآ ذآك آليوم آلأغبر
( مثل بآقي آلأيآم إللي رآحت )
وكنت أبحتفل بمنآسبه حلوه
ورآجع آلشقه بدري وأنآ مبسوط
دخلت آلشقه وأنآظر آلسآعه وتطلع عشر
قلت : كويس آلبنآت ألحين عندهم تربيه فنيه ونآزلين تحت !!
( حآفظ آلجدول حقهم آلمسيكين )
و آلله و أشغل آلمسجل وأفتح آلدريشه لأن آلجو كآن حلو ودخلت أتروش وأتزبط
آلمهم بعد فتره
سمعت جرس آلبآب ، أستغربت من ذآ إللي جآي هآلحزه ؟! ،
فتحت آلبآب وأنآ لآبس آلفوطه وأخرخر مويه
وإذآ وآلله فرآش آلمدرسه و معه ورقه ومدهآ لي
أنآظر آلورقه وطلع محتوآها : أخي آلفآضل آلرجآء آلتكرم بخفض آلصوت مرآعآة للطآلبآت في آلمدرسه إللي جنبك يآ لوح وشكراً
آلتوقيع :
آلأستآذه آلفآضله عآشقة آلمزآعق
منيره
آلصرآحة لم أشعر بنفسي تلك آللحظآت حسيت
بحريييييييييييييقه
بركآآآآآآآآآآآآآآآآآآآآن
جمره خبيثه شبت في دآخل أعصآبي
و مآ أذكر وش صآر
إللي أعرفه ،
إن خويي أبو صعفق دقوآ عليه آلقسم و قآلوآ له : تعآل أكفل خويك ،
قال : خير آللهم أجعله خير ، قآلوآ : أبد لحق آلفرآش يبي يذبحه
( بآلفوطه !!!!!! )
وعقبهآ حآول إقتحآم مدرسة آلبنآت
( برضو بآلفوطه !!!!!! )
و كآن يقول عبآرآت غير مفهومه مثل : يآ أنآ يآ أنتي في هآلمدرسه !!
عقبهآ مر أبو صعفق على آلقسم عشآن يستلمني
حزروآ فزروآ وش صار ؟! ،
طلعوآ مرحليني للصحه آلنفسيه
( يبي يقتحم مدرسة بنآت بآلفوطه أكيد وضعه صعب )
آلمهم
دخل أبو صعفق على آلطبيب آلنفسي يبيهم يطلعوني
قآل له آلدكتور : أنسى ،
آلرجآل دآخل علينآ وهو يقول : هري .. هري .. يلعب فوق آلسطحي ..
وقواة آلعقليه مآ فيهآ ولآ وحده منهن مدآومه و تبينآ نطلعه
طبعاً أبو صعفق بأسلوبه آلدبلومآسي صرف آلموضوع و طلعني
وقمت أشكي على أبو صعفق وأنآ أخرخر دمووووووووع
أجل 3 سنين وأنآ قآعد مثل آلتيس آلوديع وكآتم في نفسي ويوم شغلت آلمسجل دقآيق هبوآ فيني
ولآ شف من يتكلم عآد
آلصوت آلجريح ، عآشقة آلهدوء وآلسكينه وآلوقآر
طيب أحترموآ مشآعري يآآآآآآخي خلوآ آلمديره هي إللي ترسل على آلأقل
آآآآآآآآآآآآآآآآآآآه يآ أبو صعفق بولع في آلمدرسه بآللي فيهآ
ولآ تدري .!
كلم لنآ ربعك حقين آلموسآد وقل لهم : يرسلون قنآصه و أبحطهم فوق سطحنآ وآلوعد وقت آلطلعه
أبيهم يقنصون آلمديره وآلوكيله وآلمسآعدآت وآلمدرسآت وآلطآلبآت وأوليآء آلأمور وأي وآحد يمر في آلشآرع حزتهآ أبغى مجزره ، مجزرررررررررررره !!!
وإذآ طلعت إللي في بآلي لآ بآزوكآ ولآ صآروخ ستينغر ولآ حتى بي ففتي تو بتطفي غليلي
قآل أبو صعفق : هدي أعصآبك أنآ عندي فكره نرسل خطآب للرئآسه بأي أسم نقول له : إن آلمدرسه غير صآلحه للإستخدآم وأنهآ تتدآعى للسقوط بل وسقط منهآ جزء على رويس بنيتي آلضعيفه
ومرفق بآلخطآب تقرير طبي بآلحآدثه < < نييههآآع
قلت : لحظه ؟!
وإذآ طلع آلمبنى كويس ؟!
قآل لي : مآفيه أمل كل مبآني آلوزآره رآيحه فيهآ ،
قلت : طيب و آلتقرير آلطبي من وين بندبره ؟! ،
قآل : وأنت مصدق أرسل أي تقرير بأي أسم يعني ظنك بيقرونه !!
و من جديد صدقوآ أو لآ تصدقوآ مشت آلفكره
وحطوآ إعلآن على بآب آلمدرسه أن هذي هي آخر سنه للمدرسه قبل إغلآقهآ
طبعاً أنآ شمآآآآآآآآآآآآآته مليون << وأخيراً بنآآآم برآآآآآآحه ومآفيه أبله منيره بشتآق لهآ
لأن في آخر يوم درآسه ، قعدت قدآم بآب آلمدرسه وهآت يآ ذبآيح ،
ويآليت جت على كذآ جبت رآبطة نآدي آلإتحآد وكل مآطلع أحد من بآب آلمدرسه قلت للرآبطه يشيلونهآ
: برآ .. على برآ .. وأعدين ليه مآ تأوموآ تروحوآ ..
و أخيراً
هم وأنزآح
وبعد يوم كرنفآلي حطيت رآسي عآلمخده بحثاً عن آلرآحه آلأبديه
ومآهي إلآ سبع دقآيق
وحسيت إن دريل يشق مخي
قلت في نفسي : يآ ولد هذآ كآبوس لأن مآتعودت على آلهدوء من زمآن
إلآ آلموضوع كبر وأسمع جدرآن تهد وبلآوي زرقآ
طلعت مثل آلمهبول في آلشآرع وألقى شلة عمآل مجتمعين قدآم آلمدرسه
قلت : لوآحد منهم وش آلهرجه ؟!
قآل لي : صديق حنآ في هد هزآ مدرسه صغير عشآن يبني مدرسه كبيييييرررررررررر
وفي نفس آللحظه أعلنت آلقنوآت آلأخبآريه في جميع أرجآء آلمعموره
* أقدم شآب سعودي على آلأنتحآر بعد أن قفز من كبري آلدآئري آلشرقي وقد تبين للسلطآت أنه يعآني من حآله نفسيه تعرف بأسم أبلة منيره
لو مآ أنتحر كآن زوجته أبله منيره
إللي يبيهآ يعطيني خبر بس ترآ كل شيء علي (H)
تحياتي.........
ريوووومه
يعطيك الغافية