للرفع

كلامكم أسعدني جداً ... ولا حياة للمرأة بدون كرامه لأن الله عز وجل يقول : " ولقد كرمنا بني آدم " ماقال كرمنا الرجال من بني آدم .. يعني المرأة لها كرامه وشخصية مستقله .. مايعني هذا أنها تعصي زوجها أو تعلوا عليه .. لا .. لكن تعلمه حدوده وان بينها وبينه خطوط حمراء لا يمكن تسمح له بتجاوزها .. مثل اللي تسمح له يسب أهلها ,, المفروض من البدايه تقول له أنا ماأسمح لك تجيب سيرة أهلي بسوء ,, وفي المقابل المرأة ماتجيب سيرة أهله إلا بالخير ( عامل الناس كما تحب أن يعاملوك به )
حتى في المزح اللفظي >> لين الحين ماوصلنا لليد >>> كل شي بالدنيا له حدود حتى المزح .. يعني أنا مثلا أول ماتزوجت وعلى فكرة أنا شخصيتي قوية من قبل الزواج مزح معاي مزحه بايخه واتّريق علي وقتها قلت له بكل حزم ترى ماأسمح لك تتجاوز حدودك معاي وحتى المزح له حدود !! هو انصدم بصراحه وماعادها للحين ولنا 3 سنين متزوجين
حتى لما نسمع ان فلان ضرب زوجته كنت دايماً أقول له جعل ايده الكسر يوم انمدت على مره !!! الرسول وصى فيها وهو يضربها لا بارك الله فيه .. بس بيني وبينك اللي تنضرب الظاهر انها تستاهل الضرب .. سكت وقال لييييش ؟؟ قلت لو فيها خير ماسكتت له وخلته يضربها ؟؟ قال يمكن هو أقوى منها .. قلت فوراً : حتى لو عندها أسلحه فتاكه والله لو ترميه بقدر ولا تليفون ولا أي شي المهم تخليه يعرف ان الله حق وانها مو هي اللي تنضرب من إنسان زيه زيها .. وحتى لو قال راح أتزوج علشان يقهرني ,, أقول له الله يوفقك ويسخر لك لكن قبل ماتتزوج ارسللي ورقة طلاقي .. قال ليييش ؟؟ قلت له أنا ماأحرم التعدد لكن أنا ماأرضى اعيش مع ضره .. والحمدلله ابوي وامي واخواني مابيقصرون ومو مخليني وعندي شهادتي أقدر أشتغل أو أكمل دراستي ويمكن الله يرزقني بالزوج اللي يقدرني ويعرف قيمتي !!!!

لا وحتى لو بيوم مدح حيم دولة معينه وقال .. الله يازين حريمهم وحظ من يتزوج منهم .. أقول له وحظ بعد حريمهم برجالهم ماشاء الله تبارك الله حتى الأوربيات يتزوجونهم !!!
ولا عمري أسمح له يمدح أي وحده قدامي أوقفه عند حده ..
شكلي حكيت لكم قصة حياتي >>>>> هههههههه
لكن وربي لا تتوقعون إني شرسه وعصبيه بالعكس أنا هااااديه وحلييييييمه ومطيعه لزوجي لكن عند الغلط أقووووول ... ستووووووووب هذا غلط

وميرسي ع الموضوع الأكثر من راااائع

قبل ماأروح ... نسيت اقول ان اكثر مايرفع ضغطي بالمنتدى لما وحده تشتكي من خيانة زوجها يقولون لها اكييييد انتي مقصره معاه ومن هالكلام وكان الله يوم القيامه راح يعذره لأنها يمكن تكون قصرت معاه .. وحتى لو فرضنا هذا مو عذرولو عكسنا الوضع وش بيقولون الناس للزوج ؟؟؟
لا وبعد وحده تقول اكتشفت ان زوجها له علاقات مع حريم عبر النت وشافت صوره معهم في أوضاع غير لائقه .. تخيلوا يقولون لها حاولي تتقربين منه ولما يجلس ع النت اعملي له مساج على ظهره وكتوفه ودلليه وقولي له ودي أجلس معاك شوي ... لا ابوه لا ابو أبوه يخوني ويسوي هالبلاوي وأمسجه ..!!!
يانسااااء العالم .. اتحدوا >>>>> خخخخخخ عنوان فلم
التحدوا وخلوا عندكم شوي كرامه ،، إلا كثير ومن يهن يسهل الهوان عليه مالجرح بميت إيلام ...

فتّكوا بعافيه

تجمع جميل , وفكرته حلوة ومهمة
والحلو انه فيه تطبيق عملي

ذكرت وحدة قابلتها قبل شهر تقريبا تبغى تجمع فلوسها وتشتري

لها فيلا هنا حتى تجي هي وبنتها وتدخلها الجامعة وتدرس

ومنها تتونس في الرياض لانها ساكنة في مدينة صغيرة من مدن الرياض

وعندها اسهم قديمة لها لكن ماادري كيف حولتها باسم زوجها من زمان حتى يراجع لها بامور

والحين تبغى تبيعها وتقول الله يعين يبي يستذلني لحد مايبيعها

!!!
المسكينة شايلة هم كيف تطلع فلوسها



إذا كان الرسول صلى الله عليه وسلم يقول " أعط الأجير أجره قبل أن يجف عرقه"

لأنك لما تبدرين بإعطاءه حقه تحفظين له كرامته من المطالبة

أجل كيف وهي هذا حقها ومالها ماله دخل فيه ولا هو منه ..

يعلم الله اني اثق في رايك وتعجبني طريقة تفكيرك احسك انسانة عملية وتفكرين بعقلك مو بعواطفك.......ننتظر تواجدك.........



الله يرفع قدرك.......



انا اشترطت على الاخت شهد وقلت(من غير زعل) يعني لو شافته بيزعل تروح وامرها لله وتمشي حالها..الموضوع مو دايم لها........مرة في السنة تمشيها بالطول ولا بالعرض.
واضح ان المسألة بينكم عناد وهذا ما ءأيده ابدا لأنه مهما كان الرجل اقوى من المرة ويقدر يكسرها...
انتي يا قلبي امشي معاه خطوة خطوة ......
يعني مثلا قولي خلاص باسافر معكم عشان خاطرك ...وأجلي حملك وركديه على السفر ولا تقولين شي وهو بيخاف عليك ويمنعك ,,,,منها يرضى ويروح بعد ما يرضيك ... ومنها ترتاحين.......طبعا هذا مثال وانتي ابخص بحياتك........



رفع الله قدرك.......

إذا ما أهان امرؤ نفسه *** فلا أكرم الله من أكرمه !

أخيرا حد تكلم واعترف أنه للزوجة كرامة ؟!!
ما كان يرفع ضغطي غير الردود الهبلة من فئة : صالحي زوجك .... راضيه ....
سويله ليلة رومانسية .... اشتريله هدية ............ وهي اللي مكفخة وماكول حقها
وممسوح بكرامتها سيراميك البيت !!!!

أم الخمائل .....

موضوع رائع يا ليت الزوجات يستفيدن منه ويقتنعن أنهن ممكن يكونن سبب
المصايب اللي تهل عليهن من الأزواج بسلبيتهن وخنوعهن ....

شكرا من أعماق الخاطر ....