المهم انا مثل كل وحدة ساعات اشتهي بيضة مقلية او دجاجة محمرة او مشوية بس مع شوي زيت لانها اطعم مع اني ماحب المقليات بشكل عام بس تعرفو النفس وشهواتها لما تنحرم من شي ،،
المهم خلصت الاختبارات وقررت التحق بنادي رياضي ،، :pinklove:
انا لي تاريخ حافل مع النوادي الرياضية يعني مو جديدة علي ،، بس هالنادي غير ليش لان المدربة كانت مرة سمينة وصارت اضعف من عارضة ازياء ،، المهم هي عندها عروض واكلات وتوفر كل اللي يبغوه بنات النادي حسب الطلب ،،
شفت عندها على طاولة المبيعات هذا الشي
يومياتي باختصارتعرفو وشو هو هذا بخاخ زيت وله نفس الطعم ويجي بنكهات بعد بس وش المميز بهالبخاخ
المميز انه صفر سعرات حرارية - صفر سكر وصفر دهون بس يعطيكي نفس الطعم والعمل
انا قلت اكيد كلام ورحت جبت واحد وجربت والمفاجاة انه مثل الزيت بالضبط صرت اخذ راحتي اعمل لي بيضة مقلية واحمر الدجاج او اللحمة بشوي زيت بس من هالبخاخ
طبعا ماينفع للقلي الغزير يعني بنات مو تمصخوها :biggthump احنا نحاول نجد حلول لكن مو بزيادة نخربط
وبس هذي تجربتي وحبيت اخبركم فيها ،،
ومابي الا دعواتكم لي بالتوفيق وتحقيق اللي ببالي
وانتظرو قريبا سري اللي اكتشتفته بالصدفة لتنظيف الجسم واسهل منه مافي ،، ومو بس كذا يساعد على تنزيل الوزن
:)