ماتلاحظون ان فيه تناقض؟؟؟

مرحبا بنات وستات وصبايا حبيت اخذ رايكم بمثل دايم نقوله او بالاصح مثلين دايم نقولهم وفيهم تناقض :


الأول : اللي بعيد عن العين بعيد عن القلب ,,,

الثاني: زد غبا تزدد حبا ,,,,



وبصراحة احس ان فيه علامة استفهام كبيرة فراسي شلووووووووون




طيب الحين المثلين كلهم امثال صحيحة ونقولهم في حياتنا اليومية ,, بس كيف نقولهم وكلهم عكس بعض


واذا جينا نناقش المثال الأول : نلاقي ان هالشي صحيح لما الوحدة تكون بعيده عن صديقاتها او اقاربها سبحان الله شوي شوي ينسونها مع الوقت مب عن شي بس يلهون عنها لأنهم مايشوفونها دايم ,, حتى لو ان بينهم ذكريات حلوة وايام طيب ليه يعني حسافة الواحد يرمي الشخص اللي كان يحبه ولا يعزه ورا ظهرة بس عشانة بعد,, لو وحده حدتها ظروفها انها تنتقل مدينة ثانية سواء عشان وظيفة ولازواج طيب وش تسوي المسكينة اذا ظروفها اجبرتها تبعد عن حبايبها ليش ينسونها بكل سهولة وبن الصداقة والأخوة :( يعني حالات نادرة الاحظ اللي يكونون بعيدين عن بعض ومع ذلك مستمرين بعلاقتهم .. !! :)


والمثال الثاني : برضو احس انه صحيح مية بالمية بعد لأن فيه كثير بنات اشوفهم سواء صديقات او اقارب ماينشافون ابد ولا لهم احتكاك دائم بالمجتمع اللي حولي مع ذلك الناس تتشفق تشوفهم وودها تقابلهم وكأنها تشحذ شوفتهم
مثال" وحده بالجامعة كانت مع صديقاتها اللي دايم فوجهها وسبحان الله شافت بنت من زمان ماشافتها يعني خلينا نقول من ايام الثنوي او المتوسط وتهلي فيها وترحب وتلاقينها مرة مشتاقة لها وودها تقابلها وتشحذ شوفتها وتنقلب خلقتها الى ابتسامة بتتشقق من كبرها :42: عقب ماكانت مكشرة واللي بوجهها دايم ملت منهم ومادتلهم البوز :angry2: طيب حتى الثانية مالها خلقك نفس الشي مادورت عنك وسألت وينك بس سبحان الله هالنوعية منتشرة بكثرة يعني ليش ابي استوعب,,, :eek:




وشرايكم بهالمثالين .؟؟؟ هل تحسونهم ينطبقون مع واقعكم طيب اذا كانو فعلا ينطبقون طيب ليش متناقضين ..؟؟