ماتمنيت غير اشيل بداخلي عيالك :(

غلا عمري 21 :

المهم عقب ماكملنا سنة انا رحت بنفسي المستشفى وقلت مدامي بترياه بتم طولعمري بدون عيال وبحجز موعد استشارة اطفال انابيب و بشوف وانصدمت ان الموعد يبالهبعد 3 شهور قلت ماعليه ان شاء الله يقولي خبر يطمن المهم والله وربي كنت احسب هال3شهور باحر من الجمر وكنت اقول يارب احمل ولا احتاج اني اروح والله يتني حالة نفسيةكل ماتتاخر الدورة اتييني احلام اني خلاص حامل وواقعد احسب لموعد الولادة وشو بتكون بنت ولا ولد اكيييييييييييد كل متأخريعرف هالاحساس المهم موعد الاستشارة صار وقرا التقارير وهذا له خبرة اكثر من 25 سنةبالمجال قال يابنتي تبين الصراحة قتله اكيد دكتور قال في حالتكم طبعا اكيد كل شيبيد العالمين بس 99 بالمية لازم تلقيح مجهري لان زوجج حالته صعبة بس هالمرة كنتاقوى قلتله ايوا وانا اصلن مفكرة اني اسويها وقالي صراحة توقعتج تصيحين ولاتنصدمين خاصة انج صغيره قلتله لا انا حاطة كل هالاحتمالات انها ممكن تصير ..قاليخذي موعد و ان شاء الله خير .. المهم رحت قسم الانابيب وخذت موعد و كان بعد 3شهوروربي كنت متحمسسسسسسة اقرا كل شي و اشوف تجارب و الي تنجح استانس لها من كل قلبي والي تفشل اصيح معاها من ورا الشاشة وبدون ردود وكل هذا كنت اقراه في منتداكم لينماحسيت ان نفسيتي تعبت من كثر ما اقرى ردود سلبية واتخذت قرار اني ماقرا شي بقسمالحمل خبرت زوجي بعد الاستشارة شو قال الدكتور وعصب وقال ان مايعرف شي بس يوم شاف ان كل الي تزوجو معانا حريمهم حملو بدا يفكر بالموضوع شوي وانا علشان اسايسة قلتله عادي الياهل الاول يكون انابيب؟؟ وعقب طبيعي يعنيتاخذ ادويتك على راحتك دون ضغط (نسيت اقول ان بدا بالادوية و لما سوا النتيجة المرة الثانية من سيء لأسوءالله يشفيه يارب) ونقصت الحيوانات المنوية اكثر فانا قريت ان لازم عسل مع طلح النخيل وحبة البركة وزيت زيتون مقري عليه وماي مقري عليه وقراءة سورة البقرة والحمدلله ياربي سويت كل هذا وغير الادوية الي هو ياخذها وجا الموعد وبديت اخذ الابر عشان العملية اول الايام كنت عادي بس مع الايامنفسيتي زفت و كنت كل اصيح منها ومن المها وصرت ماستحمل شي وحسيته اصلن مب معاي بالموضوع بتاااااااااااااااااتا مايسالني شو صار معالابر وكيف حجم البويضات كنت تقريبا كل 3 او 4 ايام ادخل المستشفى فحص دم سونار ودخول على الدكتورةالي جربت هالشي اكيد تعرف معاناتي مع الزحمة خاصة كنت اقوم من 5 عشان اروح المستشفى واسوي فحص الدم 6ونص الصبح عشانتطلع نتيجتي بسرعه خاصة ان تاخذ وقت مرات تطلع 11 او 11ونص ومرات12 ولما كنت اخلص مواعيدي اكون هلكااااااااااااااااااااااااااااااانه واتصلفيه ويقولي شوفي اي حد يردج انا مشغول متواعد او شي مثل هذا؟ وفجأة انصدمت ان بيسافر كم يوم دولة خليجية وبيرجع يستانس؟ وانا في عز ضيقيتمنيت يوقف معاي يحسسني باهتمامه بس انصدمت وقلتله انت اناني يعني هذا كله انامسوتنه علشان منو قالي كلمة خلتني انقهررررررررر .. قالي انتي تاخذين ابر انا شو اسوي؟ المهم راح وسوا الي براسه وانا نفسيتي زفت وزاد وزني مع الابر وجا موعدالعملية وسويتها و الحمدلله على كل حال فشلت (ماحب اذكر التفاصيل لاني بتعب نفسيا) عشت اياااااااااااام صعبة وربي اقوم من نومي اصيح اقول يعني انا كنت حاطةامل وراح يعني كل الي سويته راح كنت اموووت امووت من صياحي وهو كانبكل برود يقولي الله كريم وبدون اي احساساو مشاعر هو صح يحب اليهال بس مستحيل يسعى مثل ما انا سعيت المهم مرت علي ايام صعبه وعقبها ب6شهور رجعتلي القوة مرة ثانية وتحمست مرةثانية وللاسف فشلتL فشلت في بدايتها ماحصلو اي حيوان منوي صالح للتخصيب وطبعا كان صدمة اقل بس كان قلبي معورني على نفسي اني كنت توني مسوية عملية السحب واتفاجءبهلخبر وتوني تحت تأثير البنج ويبشروني بهالشي اااه الله لايذوق احد فيكم هالشعور لان جد جد حتى الييكرهوني ما اتمنى ان يمرون بمثل الي مريته ولا يحسون بمثل الي حسيته لان احساس اقسم بالله صعب ينوووصف وربي صعععععب لــي رجعة

المهم عقب ماكملنا سنة انا رحت بنفسي المستشفى وقلت مدامي بترياه بتم طولعمري بدون عيال وبحجز موعد...