إنا لله وإنا اليه راجعون .. الله يلهمهم الصبر ويربط على قلوبهم .. آآآآآآآآآآمييييييييين ..

تصدقين وأنا كمان أبو أغلى صديقاتي توه توفى قبل 4 أيام .. وما تتصورين كيف كنت شايله هم كيف أواسيها ..

المهم ومن يوم جيتها وهي تعبانه وتحاول تمسك الدموع وتحاول تخفي بكاها ..

أنا طرى في بالي وحده غاليه من صديقاتي كانت تقول حاولوا انكم ما تكتمون البكاء اذا جاكم ولا تمسكون الدموع لأنها راح تنقلب عليكم فيما بعد << وفعلاً صادقة انا أعرف كذا حرمة توفوا عيالهم أو أحد يعز عليهم وجلسوا يمسكون أنفسهم ويكتمون الى حد ما صاروا تعبانين مررررررررره ووحده منهم لدرجة جاها السرطان الله يحمينا واياكم وتوفت >> المهم تقول لي يوم توفى أبو صديقتها رحت مسكتها وخليتها تفضي الي براسها من دموع وأقول لها ايه تذكرين يوم كان يقول لك كذا ويوم يسوي كذا واخليها تبكي وتبكي وتبكي والحين ما شاء الله عليها تحسين انها تأقلمت وصارت احسن بكثييييييير وزواجها بعد كم شهر ..

المهم وأروح لصديقتي وأقول لها لا تكتمين شي بصدرك كل ما جتك بكوه طلعيها عشان ترتاحين والرسول صلى الله عليه وسلم ما نهى عن البكاء ولكن نهى عن النوح -وهو رفع الصوت بالبكاء ولطم الوجه وشق الثوب ونحوه لما فيه من الاعتراض على قضاء الله وقدره- وش قال يوم مات ابنه ابراهيم ؟؟ قال عليه الصلاة والسلام في ما معناه < ان العين لتدمع والقلب ليحزن وإنا على فراقك يا ابراهيم لمحزونون ولكن لا نقول الا ما يرضي ربنا > والانسان تلاحظين لا صار مهموم أو حزين وبكى يحس براحه عجيبه وكأنه حمل وانزاح ولو ما لها فايده هالدموع ماخلقها الله لنا ولا علمنا اياها ولا ذكر ان من صفات المؤمنين انها تذرف اعينهم من خشية الله لأن هالدموع فيها راحة عجيبة للجسم والا كان تقطعت قلوبهم وهلكوا من الخوف أو الحزن ...

وأخليها تبكي ولا قلت لها شي بالعكس والله افرح اذا شفتها تبكي مع انها غاليه والله لكن لأنه شيء في مصلحتها وبترتاح بعدها ..

والحمد لله ما خرجت من عندها الا وهي احسن بكثير ..

لأنها لو جلست تكتم راح تنقلب بعدين أكثر من لو أنها تعبت وبكت بالعزاء ..

وبعدين بنت اختك لأبوها فتره من يوم مات يعني 8 شهور مي بسيطه وهي للحين تعبانه ورافضة تعيش حياتها ..

أنا والله ما ألومها وعارفة مكانة الأب وفقده شي موبسيط أبدددد لكن > ولنفسك عليك حق < ..

ثم أن خاتمته والحمدلله كانت حلوه والكل يشهد له بالخير وفي الحديث في ما معناه < أنتم شهداء الله في الأرض > وشخص بهالخاتمة ما شاء الله ما ينخاف عليه بالعكس المفروض انها تفرح له لأن هذا مصير أي واحد على وجه الأرض يعني بيجي يوم ويموت مهما عاش والمرض الي جاه ان شاء الله انه كان تخفيف ورحمة ..

وقولي لها لو كان أبوك موجود راح يرضيه الي تسوينه ؟؟ اكيد لا فانتي ليش تزعلينه يوم أنك صدق تحبينه ؟؟
وهذي كلها وساوس من الشيطان قدر يدخل عليها من هالباب فلا تعطيه على نفسها طريق وتتعوذ منه وبعدين وين كلامها لأهلها يوم مات أبوها ؟؟ شفتي انه الشيطان قاعد يبي يفر مخها ؟؟!! ..

وتبره حتى بعد موته وفي الحديث < أو ولد صالح يدعو له > خليها تدعي له دايم وتهدي له صدقات جاريه وكذا ...
هذي فعلاً الأشياء الي يبيها ومحتاج لها وبتفرحه مو التعب واهمال النفس وغيرها ..

ومو معنى انها اذا لبست او اهتمت بنفسها انها نست او شيء لا بالعكس هي تأدي حق نفسها عليها ..


وختاماً اعتذر اليك حبيبتي على الاطالة لكن فعلاً حسيت فيك وفيها وحبيت أفيدكم ..

والله يربط على قلبها ويرزقها بالزوج الصالح المصلح الذي يخاف الله ويتقيه ويعوضها حنان ابوها ياااااااااااااارب العالمين ..

بكيتيني والله
ياحياتي هي
الله يغفرله ويرحه ويسكنه فسيح جناته ..

والله تقطع قلبي وماقدرت اكمل وقف جسمي كله ودمعت عيوني تذكرت موت ابويه الله يرحمه ويغفر له

الله المستعان

الله يرحم ميتكم ويجعل مثواه الجنه

الله يرحمه ويرابط على قلوبهم ويرحمنا من بعدهم

الله يصبرهاااا
ترى حااالتها بطول لاني مجربه
قبلها وفاة ابوي الله يرحمه ويغفر له
جلست حوالي خمس سنوات مريضه الله يكتبلي الاجر