اللهم اغفرللمسلمين والمسلمات الاحياء منهم والاموات يارب تربط على قلوبنا

اولا اللهم اغفر لاابوها وموتى المسلمين ويغفر لنا ويتجاوز عنا اذا توفانا
ثانيا بنت اختك تو ابوها متوفي يبغى لها قرابة السنتين الى ماتنسى او تتناسى حزنه اذا كانت متعلقه فيه مرة وصدقيني مع الايام بتتغير وبترضى بالواقع

احلامها حقيقيه
انا شفت اخوي بالاحلام
تخيلي
مره حلمت فيه وهو يقول جيت مع صديقي ويسولف معنا ومبسوط مررره
ولما سالنا عن اصحابه كانو كثار لكن بعدين اكتشفنا ان فيهم واحد توفي بحادث مثل اخوي وحتى الاصابات كانت نفس الشيئ سبحان الله
ولما تكون علاقتها بابوها قويه وكثيره الصدقه له والدعاء له تحلم فيه
والحاله اللي هي فيها كنت انا فيها
ولازالت اسحب نفسي منها بالقوه
قبل كم يوم كانت ملكه اختي كنت لابسه وكاشخه وكان كل شيئ عادي
بس لما نمت بكيت لين انفجر راسي من الصياح
شيئ في القلب غصب عننا نحس فيه
المهم انكم تساعدوها على الفضفضه ولا تقفلون عليها الابواب
وتحسسوها ان اللي تسويه طبيعي
وانها مرحله الكل يمر فيها
ولا تلومونها وبس اسمعوا بدون ملامه وبدون انتقاد لانها فاهمه كل شيئ بس اللي في القلب يووووجع
والله العظيم اني كنت اتعب
وللاسف لو اتكلم الكل ما يفهم ويحس انه اعتراض عن القضاء والقدر
المهم مساعدتكم لها شراء كتاب الروح
انكم تعينوها بالفضفضه
انكم ما تلومونها
تحولون معها شوي شوي
وتختاروا معها ملابسها
انا بعد اللي صار لنا
كنت اعاف كل شيئ امشي اي شيئ
بس مجامله
بس شوي شوي
ساعدوها
وكمان اللي هي فيه الحين تشتت وضياع ما بعد الصدمه
بين الواقع والماضي
هي تتالم لكن بصمت
هي تحس بالشتات تدور عن اللي فقدته تدور عن العاطفه
تحاول تعوض واللي واضح ان كل من حواليها صغار حثي احد من اخوانها يقرب لها
او خال او عم شخص كبير يحاول يعطيها عاطفه قريبه لابوها
مارح يملي مكانه احد
لكن على الاقل تستند عليه
عمر المكان اللي تركهه ابوها ما امتلى لكن على الاقل
ما تقعد تتخبط
شوفي انا متزوجه وام لولدين وابوي حي ومازالت احس بالالم
احس بالضياع مفتقده اخوي في كل شيئ
اتخيل ردات فعله على كل شيئ
لكن اهي ساعدوها بدون ما تحس لا تتركوها لوحدتها كثير
الوحده مؤلمه وتزيد من التعب وتسد النفس
الله يجبر مصابنا ويرحم من نحب وان لا يجعل اخر عهدنا بهم في الدنيا
ويغفر لنا ولهم ومن جاورهم

الله يرحم ابوها ويرحم أمواتنا وأموات المسلمبن ويغفرلهم ويجعلهم من اهل الجنة ويصبرها ويرزقها الزوج الصالح أمين

الله يغفر له وموتى المسلمين

يااقلبي عليها الله يصبرها قادر على كل شئ شوفي ياقلبي يمكن لانها وقت الصدمة تحملت وماقدرت تعبر عن الي بداخلها وكتمت عبرتها عشان امها واخوانها اشوف من الافضل ماتروح لدكتور نفساني ابدا ابدا لانها بتتعافى باذن الله بس يبيلها صبر شوي اختي انا اخوي الثاني الله يحفظه ويخليه لنا مالنا غيره بعد الكبير الله يرحمه توفى اخوي الكبير الله يغفر له وموتى المسلمين بحادث وكانت اقوى صدمة لنا بحياتنا وسبحان الله كل الناس القريب والبعيد حزن لموته والله حتى الهنود والاطفال كلهن يبكون واني لمااروح لمكان ويعرفون انه اخوي انهم يدعون له الحمدلله ___ كاني طلعت من الموضوع ___المهم حبيبتي اخوي الثاني كان بدوامه ودخلوا عليه عيال خالي وهم اصدقاء له بنفس الوقت وعلى جنب بلغوه يقولون صرخ صرخه بسيطه وسكت وقال وين ابوي الحين وراح معهم وكتم عبرته ووقف في العزاء والله اني بعدين اشوفه كبر اكثر من عمره بكثيرررررر يارب يخليه لنا فجلسنا فتره طويله يمكن اكثر من سنتين ووضعنا غير الحمدلله راضين وعارفين ان الي صار لنا خيره وبعدها مشت الحياه اخوي هذا الله يحفظه يقول لي بعدين تدرين انا ماارتحت نفسيا وبديت ارجع لطبيعتي الا بعد مارحت للبر الثمامه يقول فيه ناس بعيد عني يقول صرخت بااعلى صوتي باسم اخوي وابكي بصوت عالي يقول احس روحي تطلع مع كل صرخه يقول الناس يناظرون من بعيد مانتبهت لهم الا بعد ماهديت يمكن ساعتين ثلاث مااتذكر بس الاكيد اني ارتحت من بعدها يقول لو جاء طاري المرحوم صار وضعي افضل .. الحمدلله الحمدلله الحمدلله على كل حال وهذه سنه كلنا بنموت اللهم احسن خاتمتنا ... مايستفاد من قصتي خلو البنت تفرغ الي بداخلها باي طريقه ترونها مناسبه لها لانها تشعر انها ماعبرت عن مشاعرها عند موت ابوها الله يرحمه وموتى المسلمين

سامحيني على الاطاله