**طيوووفي**

**طيوووفي** @tyooofy

عضوة فعالة

مادري وش فيني اكره بنتي>>قديم

الأمومة والطفل

:(
بنات بجد الموضوع مسببلي ازمه بنتي عمرها 10 سنوات بس مادري ليه ماحبها زي اخوانها الي اصغر منها والله غصب علي اتنرفز من اي تصرف تتصرفه ماتقبل حركاتها لاجت تسولف علي بس ابيها تسكت بسرعه
قسم يبنات لي تقريبا خمس سنين على هالحاله والله حتى ماقدر اضمها احاول اغصب نغسي احيانا بس مادري ليه ماقدر ..
هي مع هالوضع اكيد بتصير تعاندني الفتره الاخيره مررررره صايره تعاندني حتى ترد علي واذا قلت لها ايش وش تقولين تقول ماقلت شي خلاص بجد بجد احسها ناااااااقصه حنان مني
لاتقولين غلط عليك والكلام الي يجرح فيني والله يبنات احسه غصب عني حتى لاتذكرتها ماشتاق لها لانها احيانا بالاجازات تروح عند عماتها يجتمعون باستراحه وتنام عندهم يعني لو تغيب عني شهر ماشتااااااق لها ابد
دايم تقولي اختي لما تشوف تصرفاتها تقولي بنتك ناقصه حنااااان خصوصا اني ماجبت بنتي الثانيه الابعد خمس سنوات واقولها ماااادري غصب غصب عني احس اني احيانا انساها مايجي ببالي اضمها او ابوسها
والله قبل ثلاث سنوات كنت اضربها ضرب وامعط شعرها بس عسى ربي يغفرلي من جد ماطيق تصرفاتها واخطائها حتى لو صغيره اشوفها كبيره
بنات تعتقدون انه فيني شي عليها .. لاني صدق صدق اتألم من داخلي وكل ماقول بغير طريقتي معها ماقدر وكل ماقول باضمها مقدر احس بغثيان لاضميتها
ياربي اكيد هذا شي مو طبيعي حسو فيني وش اسوي خففو عني شوي جيبولي طريقه اقدر اغلب نفسي فيها والله اخاف البنت تروح تدور الحنان من غيري مع العلم اني ماقصر عليها اشتريلها كل الي تبيه اكثر من اخوانها لكن مسألة الحب هذي الي ماقدرت عليه
وحده تسالني لما اشتكيت لها تقولي انتي تخافين عليها قلت اكيد يعني لو ابتخيل يصير لها شي اكيد ابنجن
قالت لا اجل فيكي رجا بس متى هالرجا يجي البنت كبرت واكيد بتحتاجني اكثر قربت من المراهقه وهذا الي مخوفني وش اسوي والله احس اني مو طبيعيه ابدااااااا


رجاء الي عندها رد يجرح ومثل وجهها تحتفظ فيه لنفسها الي تقولي حرام ماتحسين ومن هالحكي انا ماجيت افضفض هنا الا بس للرااااااقيات الفاهمات الي عندها رد رااااقي وغيرهم يبعدون عن طريقي ماني ناقصتهم
324
138K

هذا الموضوع مغلق.

الين ..
الين ..
والله ماادري وش اقوالك
بس تذكري انه هي بحاجه لاأضعاف مضاعفة للحنان الي تتخيله انك تعطيها
الله يرزقك العطف والحنان والحب لابنتك
عند جد دمعت عيني عليها




الله يخليها لك ويرزقك برها
نايس قيرل2
نايس قيرل2
يمكن عين او يمكن معاكي حاله نفسيه

حرام بنت في ذا العمر تحرمها حنانك
على بالك ماتحس انك تفرقي بينها وبين اخوانها

حرام والله انك تكسري مشاعرها الله لايلومها انها تعاندك وترد الكلام عليك

صلي وادعي واذا تكلمت تعوذي من ابليس واسمعيها اذا مافضفضت لك لمين تفضفض يمكن تفضفض لوحده وتوقع بنتك في الحرام
اصلا بنتك لو جا هندي من الشارع قال لها كلمتين حلوه اتعلقت فيه وعشقته
ام توتو22
ام توتو22
يمكن بنتك من النوع اللي كلامها كثير

وحركة وكثيرة الاسئلة

عشان كذا مليتي منها

لكن مالك الاالصبر والاحتواء احتويها واصبري عليهاا

ونصييحة مني لك

لاتخلينها تررررروح تنام لحالها عند احد

انتهبههههههههههههي

لاتروح الا معك ولاتجي الا معك
الزمن يخوف والقصص اللي تخوف اكثر واكثر
ام زين العابدين12
انا مثلك اكره بنتي عمرها بيكمل السنه بس السبب مو منها من ابوها واهله
احس انها رابطتني باابوها ولا انا ودي اتطلق منه من اول ايام عرسنا الله يفرج
عنك وعني وعن كل حريم الدنيا
أم إلـــــيـــــاس
الله يهديك و يحنن قلبك عليها