يبناااات افهموووووووووووووووووووني انتم مافهموتني

اقولكم هذا شي غصب عني يعني انا عارفه ان الوضع مو طبيعي انا وحده متعلمه واعرف بالتربيه كثير يعني كلامك يزيدني جرح مايطفي النار الي بقلبي والله احسكم تهاوشوني وودكم تسطروني كفوف وكاني وحده جاهله
انا ماجيت اشتكي الا لاني اعاااااااني وعافه انه راح يأثر عليها وحاولت وجربت كل الي قلتوه ماقدرت اضمها شوي وعلى طول اقلب عليها هواش
بالنسبه الي تقول علاقتي مع ابوها اومع عماتها موزينه عشان كذا اكرهها بالعكس انا احب ابوها وعماتها كثير يعني موذا السبب
وموضوع روحتها عند عماتها انا منعتها لكن قالت انتي ماتحبيني بس تبين تضايقيني وتقهريني وبعدين خليتها تروح لانه بيت كله حريم وبنات عماتها يعني مافيه رجااال ولا عيال ابدا يعني متطمنه وهم حريصات مره ويمكن معاملتهم لها احسن مني بعد
والله مادري متى جتني هالحاله والله كنت احبها واعزها بس الحاله جتني من خمس سنين تقريبا وكا مالها بزياده
عموما ترى طبعي انا جاف شوي يعني تربيت كذا امي ماعمرها ضمتني ادري تحبنا وابوي بعد لكن كلمات الحب والحنان ماكنا نسمعهم منهم
بس الحين انا اعرف اقول هالكلام لاني اقوله لاخوانها الصغار بس هي مادري كل ليله لانامت اقول بكرا بكون معها احسن بس مادري سبحان الله انسى او تسوي شي ومرره اعصب عليها والمشكله لاعصبت عليها ضليت طول اليوم متنرفزه منها

كرستاله هذا كان وضعي قبل سنتين والله كنت اذبحها زي الوحوووووش تصرفاتي معها بس يمكن الحين حسيت انها كبيره واستكبر اني اضربها
الله يعني وياك ويبنات الي بقولون الناس تتمنى الضنى وانتم تسوون كذا والله غصب عنا يعني لو شايفه الوضع عادي ماجيت هنا وتكلمت
بنات الله يجزاكم الجنه ادعووووووولنا

فيه وحده قالت يمكن تذكرك بطفولتك بالعكس طفولتها احسن مني كل شي عندها
فيه نقطه نسيت اقولها
الحين طايحه بطبع من جد ينرفزني تكذب والي يسمعها يقول ذي صااااادقه بس صرت اعرفلها كثير مثلا لما اجيب حلويات واخبيها الاقيها تنقص لانها هي تاخذ منها وتكذب تقول مو انا بجد تصرفها هذا ينرفزني ويخليني اتلفظ عليها واحقد عليها
يعني بالفتره الاخيره تصرفاتها الغلط تخليني ماطقيها
وحده قالت يمكن اكون محسوده عليها احتمال وارد لان انا فيني حسد بس مادري على ايش وفيه شيخ قالي انه فيني سحر بس مادري على ايش حياتي تمر بشكل عادي تتوقعون انه عليها
الشغالات الي يجوني كلهم يشتكون منها ومن تصرفاتها مع اخوانها معقوله تكون وحده منهم سوت هذا الشي
مادري انا ماودي افكر بكذا بس بجد محتاره ودي حالي يتعدل
ادعولي يبنات الي فيني مو سهل انا خايفه البنت تكرهني وتروح مني

لو بنتك ماتت لاقدرالله وش بتسوين
وش بتذكرين ,,ضربك لها ولا تمعيط شعرها..؟؟؟؟
فكرى وعيشى شوى فـ اللي قلته ..
الله يسخرك لها ويسخرها لك...

ماقدرت اكتب والله دموعي على الكيبورد حررررررررررررررررررررام عليك اتقي الله ربي رزقك بنعمه عظيمه وهي الاطفال ليس تسوين فيها كذا لوك مرت ابوها ماسوت كذا


الناس يتمنون العيال وانتو الحمدلله والشكر تعذبونهم بالضرب وتكرهونهم

احمدي ربك عالنعمه وحافظي على بنتك اول مره اشوف ام تقول اكرهه عيالي


لبى قلب بنتك ليتها بنتي كان ماتنوم الا بحضني


الله يرزقني بالذريه يارب ويبعد عني شر كل حاسد

الله يحنن قلوبكم على عيالكم

يمكن جتك بظروف نفسية صعبة
بس قد ماكان هاذي بنتك اقري على نفسك وعليها
يمكن صايبتك عين اوحسد عليها ماتدرين
اكسبيها الحين وهي بهاالسن بدل ماتكبر
وهي مولاقية منك اي حنان وتروح تبحث عنة عند غيرك
عن طريق صديقات السوء وعلاقات وكذا
حاولي تمسكين نفسك واستغفري كثير
والله يحنن قلبك عليها يارب