ماذا أفعل والمدرسة قربت؟؟

لي صديقة بيني وبينها مثل ما يقولون عشرة عمر يعني الصداقة من حوالي 3 أو 4 سنوات... المهم في آخر يوم في المدرسة قبل عطلة العيد كانت تتمشى مع وحده هي تعرف أن بيني وبينها عداوة... أنا (يا غافلين لكم الله) ما قلت لها شيء ... المهم صارت مشكلة في نفس اليوم مع هالبنت اللي تمشت معها صديقتي... هالبنت (اللي أكرهها) عرفت عن بعض الأسرار... هالأسرار ما أحد يعرفها في المدرسة إلا أختي وصديقتي... أختي مستحيل تقول لعدوتي لأنها تعرف أني أكرهها وهي أصلا ما تتكلم معها... يعني ما بقى إلا صديقتي.. أنا المسيكينه قلت يمكن هي ... وأنا أصلا في ذاك اليوم ما تكلمت معها إلا كم كلمة وما مشيت معها ... (أنا تمشيت مع وحده ثانية لأنها تمشت مع غيري وما يصير أني أمشي لحالي) أنا قلت للي تمشيت معها عن القصة بعد ما رحت البيت ... وقلت لها : أتوقع أن فلانة راح تقول لي : ما أبغاك تصيرين صديقتي... قامت صديقتي اللي أكلمها وقالت لي: حرام عليك لا تظلمينها ...والمهم دار الحوار على هالموضوع .. وسكرنا السماعات... اتصلت صديقي (اللي نشرت السر) علي بالليل وتكلمت معاي عادي ولا كأن فيه شيء.. أنا ما كلمتها وما عطيتها وجه وسكرت منها بسرعة بعد ما كنت أكلمها بالساعات... بعد شوي اتصلت علي صديقة ثالثة وقال لي: فلانة ما تبغى تصير صديقتك... أنا الصراحة ما انصدمت.. وقلت لها : أني أتوقع هالشيء منها... المهم سكرت السماعة من هنا ...و اتصلت على صديقتي (اللي ماتبغى تصير صديقتي) وقلت لها : سمعنا أنك ما تبغين تصيرين صديقتي ... قالت لي : يا فلانة أنت تغيرت والصراحة صرت تجرحيني في بعض كلماتك... أنا قلت لها: ليه ما قلت ؟؟؟ قالت : والله العظيم إني ما أنام الليل وأنا أفكر ليه فلانة قالت كذا...(هي كذابة لأني من اتصل عليها الساعة عشر يقولون لي أهلها فلانة نايمة ... أو إذا كلمتها على الساعة تسع تسولف معاي شوي وتقول لي يالله مع السلامة بروح أنام) المهم مشيت هالكذبة... وبعد ما سكرت منها اتصلت على صديقتي (اللي قلت لها القصة) وقلت لها: شفتي صار اللي توقعته... المهم .. بعد ما فكرت قلت أنا مو مرجعة العلاقة بيننا وإذا هي تبغى راح أقول لها الصراحة وإني كرهتها وحتى لو رجعت علاقتنا مرة ثانية ما راح تكون مثل قبل يعني راح أشك فيها وأتوقع كل شيء يجي منها و ( من خانك مرة يخونك ألف مرة) ....الحين راح تجي المدرسة ولا أعرف وش أسوي...
ملاحظة....
1-أنا كنت أكرهها وما أحبها بس هي اللي لزقت فيني وأجبرتني إني أقبل صداقتها يعني هي اللي ركضت وراي مو آنا...
2-أنا الشيء المستحيل أغيره مكاني في الفصل وبحيث أنها جارتي بالمكان فلازم وحده منا تغير مكانها... على فكره أنا وصلت المسألة للأستاذة لأنهم مرة خذوا مكاني مني بالغصب ،،، وعندنا في الفصل وحده مسكينة ما تشوف أبد ( هي نظرها ناقص مرة وجالسة أول الصف وما تشوف والمشكلة ما تلبس نظارة) وقالت لي الأستاذة غيري مكانك وما رضيت...يعني بالمختصر المفيد هل أغير مكاني (غصب عني)عشان وحده ما تستاهل...
3- هالشلة اللي تمشت معها كانت من ألد أعدائها ...
ــــــــــــــــــــــــــــــــــــــــ
وردة جورية