ماذا تمارسين مع أبنائك من أنشطة ؟ خلونا نستفيد من بعض مع قدوم الإجازة ؛؛

راح أبدأ أنا أول وحدة ..

لعبة المخدات

لعبة الكراسي تحولت عندنا للعبة المخدات << حتى يقدر الكل يشارك اللي عمره ثلاث سنوات من بيطلعه عالكرسي ..
مخدات الصالة أو غرفة المعيشة ..
مسجل أو التليفزيون ممكن يفي بالغرض أو أحد ينشد و واحد خارج اللعبة يوقف المسجل أو يوطي التليفزيون اللي هو ؛؛
المخدات تكون أقل من عدد اللاعبين توضع على الأرض بشكل دائري و يبدأون بالدوران مع صوت المسجل و يتوقفون مع توقفه وكل واحد يجلس له على مخدة واللي ما يبقى له مخدة يطلع بره وهكذا ؛؛
المهم تشاركون :tongue: مو تجلسون تتفرجون و خذوها جد العبوا صح :cool: مو تقولون نلعب أي كلام ونتساهل معهم صغار لا تخرب اللعبة ..
و الله بتشوفون كيف الاطفال بينبسطون من مشاركتكم لهم ..

لعبة المخدات رقم 2

وهذه اللعبة تنفع للأولاد اللي يحبون المصارعات :22: مثل ولدي الله يصلح قلبه
المخدات هي سلاح الخصم وانتي طبعا الأم أو الأب الخصم الثاني ؛؛
اللعبة هي أنك أنتي لهم بمثابة هدف يصوبون عليك :rolleyes: و فيه مقتل متفقين عليه عاد هم اللي يحددون مرة يقولون رأسك مرة صدرك مرة رجلك أنتي اللي عليك تحاولين تصدين ضرباتهم أو المخدات عنك و إذا أصبتي بالمقتل طبعا يأخذ الدور عنك اللي أصابك وهكذا ..
بس كله بالمخدات مو مسموح بشيء ثاني حتى ما احد يتأذى ؛؛

لعبة البولينغ

قوارير مويه فاضيه
كرات صغيرة
ورقة وقلم لتسجيل النقاط و توكل هالمهة لاحد الأبناء اللي يعرفون الكتابة

ما تحتاج اللعبة شرح المهم فيها مشاركة الوالدين و تعالوا شوفوا الضحك لما الأم ما تعرف تصوّب :hahaha: والتشجيع اللي يحصل عليه الأب :7_5_131: لانه يعرف يسقط كل القوارير <<< عادي تحصل كثير و بتشوفون بأنفسكم ؛؛

لعبة السبت الأحد

لعبة قديمة << كل العابها قديمة بس برضه حلوة و أحلى ما فيها اللمة و الضحك ؛؛
ما تحتاج شيء بس جلسة بشكل دائري و كل واحد يضع يده اليمنى فوق يد الجالس على يمينه واليسرى
تحت يد الجالس على يساره <<< تخيلتوها :22:
المهم يبدأ الأول بأن يضرب بيده اليمنى على يد الجالس بجانبه ويقول السبت الثاني يضرب على اللي بعده ويقول الأحد الثالث نفس الشيء ويقول الأثنين و هكذا الى أن نوصل عند الجمعة المفروض اللي دور يده تنضرب يسحب يده و ما يخليها تنضرب لو صار و انضربت يطلع برا و لو صار واللي دوره يقول الجمعة ضرب يده هو نفسه بعد ما سحب اللاعب اللي جنبه يده برضه يطلع برا ؛؛

الملعب الصابوني

طبعا بالحوش ( فناء البيت ) احتجت سجادة ثقيلة صوف حتى تكون واقية للاطفال من السقوط ؛ مشمع بلاستيك كبير مثل المستخدم على طاولات السفرة فرشته على كامل السجادة و طبعا وضعت سجاد حوالين السجادة الكبيرة من جميع الجهات هذاك اليوم كان يوم غسل السجاد فاستفدنا من اليوم هذا وقلت خلهم يلعبون أول ..
وبس رشينا المويه و طبعا وزعنا الصابون على المشمع ( فيري أو لوكس ) و طبعا الجو ما كان برد مثل هالجو و الاطفال بملابس السباحة و هات يا زحلقة :hahaha: والله كان نفسي ألعب معهم بس خفت أطيح و اتكسر :( جلست بس أتفرج عليهم و أي واحد يطلع برا السجادة أهدده بأنه يطلع من اللعبة خلاص حتى ما يتزحلق عالبلاط ما تتخيلون كيف انبسطوا ؛؛



الهدف عزيزاتي من هذه الانشطة كبير و لو جربتوا بتلمسون هالشيء بأنفسكم ؛؛
فعدا كونه لعب وضحك وترويح عن النفس و لو كان مع أطفال الا أنك تشعرين بالمتعة لأنك تتذكرين أيامك و انتي صغيرة ولعبك و مواقفك وبعد تصير لك مواقف وانتي تلعبين مضحكة ..
إلا أن لها أكبر الأثر عليك أنتي كأم و كزوجة و كإنسانة محتاجة للضحك واللعب والمرح ..
لما تلعبين مع أبنائك أنتي وزوجك فتأكدي بأنه :

• ستشعرين بقربك من أبناءك و كلنا نعرف الحياة ومشاغلها وكيف تبعدنا عن أقرب الناس لنا .
• ستلاحظين بأن أطفالك أصبحوا مطيعين لك أكثر من ذي قبل .
• ستلاحظين انضباطهم في البيت و خارجه أكثر من ذي قبل و خصوصا الأولاد لأنك تمتصين طاقة كبيرة منهم أثناء اللعب .
• ستشبعين حاجتهم للعب و ستخف كثيرا اسطوانة الملل والطفش في البيت .
• مع زوجك لابد تحصل مواقف و أمام أبناءك و هذا يشعرهم بمدى قربكم من بعض و ينعكس على نفسياتهم .
• الأثر سترينه على الأسرة ككل فعلا سيظهر الحب و الألفة بين أفرادها .

جربوا وستجدون ما قلت بأنفسكم ؛؛
وفقني الله وإياكم و أعانني الله وإياكم على تحمل هذه المسؤولية العظيمة ؛
التربية ؛؛

طبعا ننتظر إضافاتكم للموضوع :26:
أي إضافة تثري الموضوع سواء كانت ألعاب أو مواقع مفيدة أو خطط و أنشطة للأبناء أثناء الإجازة أو أي شيء ممكن تشوفونه مفيد ومناسب و جزاكم الله كل خير ؛؛

و أنا حقيقة ببالي العديد من الأفكار لكن لأني كتبت الموضوع بسرعة لم أرتب لها ..
أرتبها بإذن الله و أجمع ما لدي و أعود لكم ؛؛

أترك لكم المجال الآن و أرجع لكم بوقت ثاني ؛؛
تحياتي للجميع ؛؛

مشكوره إختي على الألعاب الحلوة:10_8_11:
وفرصة عشان نسوي لياقة:7_5_122: :22:

الافكار حلوة بالمرة حمستيني ا لعب مع اولادي صدقيني نادر مالعب معهم
كل ماتقلي بنتي العبي معي اقول لها بعدين :( رغم انها الوحيدة الباقين اولاد
ياريت اشوف افكار من البقية عشان نتشجع