ماذا يحتاج الزوج؟ ادخلي لتعرفي

يابنات ابغى اعطيكم نصيحه - انا اشوف حيرتكم بالتعامل مع الزوج واشوف ردود البنات اللي تخرب بيوتكم - حبيت الخص المساله بكم نقطه

اولا: الرجل يحتاج الاحترام زي مالبنت محتاجه حنان ودلال - حتى لو زوجك مو قد الاحترام احترميه كرجل وحسسيه انو كلمتو مسموعه وحيصير محترم معاكي غصب عنه - الانسان لما اتعوديه على الاحترام يصير محترم حتى لو بالاول كان داشر

ثانيا: قوه المراه بضعفها - الرجل العربي يحب يحس انو زوجته ضعيفه قدامه وان هي محتاجه له بكل وقت وكل حاجه - لاتحاولي تفردي عضلاتك معاه او اتبينيله انك ند له - بعض البنات تحسب ان الرجل يحب المراه قويه اشخصيه وهو فعلا يحبها بس كصديقه فقط ولكن يوم اتصير زوجته يحب المراه الضعيفه - الضعف هنا لا يعني الخنوع ولكن يعني الاعتراف بمدى حاجه المراه لحضن زوجها الحنونز

ثالثا: لاتاخذي كل تصرف منه او نرفزه انه موجه لك شخصيا - الرجل يتعب بالشغل طول اليوم ويرجع اخر اليوم مهلوك ويفكر بمشاغل الشغل ويكون يمكن قلق وامعصب من اشياء مالها علاقه فيكي - وانتي اتكوني نايمه طول اليوم وبقمه نشاطك لما يرجع وتمسكينه عتاب و تحقيق ونكد - وش تعتقدي رد فعلو؟ اكيد راح يعصب - دايم استقبليه باجواء مريحه بدون صراخ منك او من العيال وحاولي اتفكري بطريقته لو كان تعبان

رابعا: لاتواجهي الرجل العربي بطريقه التحقيق والعتاب - لان الرجل العربي غريزي وحيواني واذا واجهتينه بنرفز وبصير دفاعي بطريقه لاشعوريه بغض النظر اذا كلامك منطقي او لا - علا شان تفهمين الغريزه لو عندك قط (CAT) وحشرتينه بركن الغرفه وش حتكون رده فعله؟ اكيد بيصرخ وبهاجمك لان هاد رد فعل غريزي حيواني لا يتحكم العقل فيه - اعتبري الرجال قط

خامسا: خليكي دبلوماسيه ولكن الدبلوماسيه لاتعني الدلع الزايد والمتصنع لانه يقرف - الدبلوماسيه معناها تقدير الوقت والمكان المناسب لاي حديث واي عمل - تعرفي متى تسكتي ومتى تمزحي ومتى تهربي من وجهه ومتى اتحسسيه بحاجتك له -

سادسا: تفهمو غريزه الرجل - لو زوجك طالع وحده او علق على بنت او او لاتزعلين - تفهمي ان هادي فطرتو ومو قاصد شي - يوم اتنرفزين انتي اتعلقيها بذهنو اكثر

سابعا: المراه عندها طبع التعجل - اتكون تغلي من جوا لموقف معين وتبغى اتطلع اللي عندها كلو علا شان ترتاح وبالاخر تندم - ترتاح لحظه واتخرب ايام وهاذه اسمها حماقه - حاولي تتمرني على كبت الغضب وعلا شان لا يرتفع ضغطك - قبل ما ييجي روحي المرايه وضللك اصرخين بكل اللي عندك وبالاخر حتحسين بهدوء ومارح اتنكدين عليه يوم يرجع البيت


ثامنا: منطق تفكير الرجل والمراه مختلفين - لاتفترضي ان الرجال لازم يفهم او يوافق على كل فكره عندك بس بمجرد انك انت مقتنعه فيها والحريم ايدوكي فيها - اعتبري ان الرجل من كوكب اخر ولا تفترضين اي شي منطقي عندك لازم يكون واضح ومنطقي عنده لان الرجل فعلا بمعظم الحالات ما يكون فاهم وش تبغى المراه

وححاول ارسل نصايح اخري لاحقا - ليت انكم تستفيدو