ياعزيزتي اهم شي تكون بصحه وعافيه وكلام الناس لايودي ولايجيب يمكن طبيعه جسمها كذا وحرام تضربيها عشان ماتاكل حرررام بعدين انتي عارفه نفسك انك مو مهمله ليش تنقهرين

سوي لها منقوع تمر مع حلبه وطريقته ٣حبات تمر وشوي حلبه وحطي عليها ماء حار واهرسيهاثم اتركيها ربع ساعه واشخليها ثم رضعيها بالعافيه مره باليوم

وسوي لها شراب شمر+يانسون مع سكر نبات مره باليوم

وانصحك بالموز جدا مغذي ويزيد الوزن وفيه وجبه حلوه كنت اسويها لعيالي حبه تفاح بقشورها وحبه جزر بقشرها اقطعهم وسط واسلقهم بماء وسكر نبات لمده ربع ساعه ثم اطحنها مررره لذيذه وراح تتقبلها

واهم شيء اعرضيها على طبيبه شعبيه تشوف العظيم
بس تكون ثقه

وفيه طريقه حلوه دهني جسمها بزيت زيتون مه حبه سوداء مطحونه كل يوم قبل النوم

الله يخليها لك وتشوفينهاعروووس. والله اني حاسه فيك

حبيبتي لات علي ولاشي وربي لو ايش الناس بيتكلمو الحمد لله وهي بصحتها ماعليك انا بنتي كانت بسم الله عليها تختوخه وهي صغيره والله هلكوني الناس انتبهي لبنتك لا تصير دوب ودائم كلام يجيئني عشانها والحين جبت ولد نتفه وعنده تأخر بالحركة ونفس الشي تعذبت من كلام الناس حتى حرمت الطلعة معاد اطلع كله من الكلام وش استفدت احس مرضت من الجلسة والحبسه والحمد لله بنتك دام انها بصحتها ماعليك منهم طنشي عشان تعيشي

حبيبتي الحريم كلامهم كثير وياما جانا من كلام لكن لا تسمعين لاحد ولا تردين على احد شفتي لمن رديتي عليها استفزتك اكثر لو انك طنشتيها كان انكتمت وسكتت
بلنسبة للنحف الي ببنتك عليك بالحلبة واستمري عليها كل اسبوع مره وما بيجي العيد باذن واحد احد الا وهي دغبوجه وسمينه سمنة صحة طبعا
الطريقة خذي كم تمره 3 او 4 وملعقة حلبة وحطيها بابريق صغير وصبي عليها مويه عاديه وحطيها عالنار تغلي ثم خليها الين تدفا وصبيها لبنتك بالرضعه بعد ما تصفين المويه حقها والله ولدي البكر سمن عليها وكانت صحته تمام و ولدي الحين اعطيها له والحمدلله كمان صحته تمام بس ودي يكون دغبوج زي اخوه فمستمره عليها لسى وخواتي وحريم اخواني كلهم يتبعون نفس الطريقة الله يخلي لك اولادك ويحفظهم

تاكدي بما انهم عيبوك وعابو بنتك ماراح يموتون حتى يجيهم نفس العيب يعني ان هم حنونين على بنتك اكثر منك ومادام قالو انك فالحة انك مهتمة بنفسك فهذا دليل الغيرة منك والاهتمام بنفسك اهتمي ببنتك ولاتزوري اي احد يقلل من قيمتك وقيمة عيالك واهتمي ببنتك وزيدي اهتمامك بنفسك اكثر واكثر
بس اعتب على كلمة انك تضربينها كيف يطاوعك قلبك تضري بنتك عشان متخلفيين وطفلة عمرها كذا حرااااام عليك لايهزون ثقتك بنفسك