ماسكه نفسي ودي ابكي يارب ارحمني يارب

السلام عليكم يابنات ماحسيت ع نفسي الا وانا داخله هالقسم واكتب لكم محتاجه افضفض متزوجه لي ثلاث سنين ومارزقني ربي بالذريه اتعب لما أشوف الي حولي يشيلون اطفالهم ويكونون متزوجين بعدي ماشاءالله الله يتمم لهم كل شهر اقول ان شاءالله حامل وواثقه بربي وسبحان الله تنزل ياكثر ماتأخرت الدوره واستانس وامشي ع خفيف واقول خلاص حامل بس تصدمني وتنزل واقعد ابكي انا مايأست وواثقه بربي يجي يوم واكون حامل بس الشعور والأحاسيس ماهي بيدي اوجعني قلبي من كثر ماأكتم بصدري واسوي نفسي مو هامني لما اروح مناسبات وعزايم ماشاءالله الي تكون لابسه فستان حمل والي ماسكه ولدها والي توها والد وأنا اتعب ابغى اكون أم واحس بالشعور ماعندي اشياء كبيره تمنع الحمل كلها تكيس خفيف نزلت من وزني واقول خلاص ان شاءالله بحمل لكن تنزل علي الان جتني حاله بس أكل حلويات واشرب غازيات مع العلم تاركتها بس لاشعوريا احس تعبانه احط حرتي بالاكل واخاف رجع التكيس الله يعيني يارب ويصبرني موعد دورتي قريب يارب أكون حامل وارتاح يارب فرحني ع دخول شهر رمضان وتصيرالفرحه فرحتين ويتمم حملي واشوف طفلي واضمممه لو يبغى عيوني وعمري كله راح اعطيه