اخواتي ترددت كثير ي في كتابة حياتي او تقولو قصتي مع زوجي
انا لي 6سنوات متزوجه تزوجت عن حب بيني وبين زوجي
وجماعتنا عارفين هذا الشي
والحمد لله صار زواجنا بسرعه لدرجة اني لاأنا ولا هو حسينا بالزواج ولا عشناه وعلى طول سافرنا للمدينه الي راح نسكن فيهابعد زواجي بثلاثة ايام لاشهر عسل ولا وناسه وهي مالي احد فيها يعني كنت وحيده ماعرف احد
ولي زاد الطين بله تغيرت معاملة زوجي لي كرهني مايجلس بالبيت يخرج ويخليني لاحالي اكثر من ست ساعات او ليله كامله لدرجة اني افتح الشباك بس عشان اشوف في احد غيري عايش بالحاره ولابس انا وذا جاء نام ماكن احد عنده بالبيت ولا البيت فاضي لاتلفزيون ولا اثاث بس غرفة نوم صغيره
وذا طلعنا او رحنا السوق او حديقه نتمشى يقول لي انا بجلس لحالي وانتي روحي تسوقي لوحدك لاخلصتي تعالي لي
ومره يابنات قال لي انا مواعد رجال هنا انتي روحي تسوقي وصدقته رحت لحالي وانا مالي غير اسبوع وبمدينه جديده ماعرفها نهائي ومامعاي احد بعد ماقضيت طبعا من فلوسي ساعه قلت ابرجع هنا ضيعت طريق رجعتي ابدق جوالي مفصول استناه يدق لاني صرت لحالي الناس راحو وانا زي المجنونه ادور احد اعرفه هنا بكيت تذكرت اهلي وخوفهم علي واقول بنفسي هذا وأنا عروس يخليني اتسوق لوحدي من اولها وكل ماعدواعائله جنبي ابكي اقول يابختهم اللين دق بعد ساعه من الخوف اللي عشته وبعدها كرهت السوق معه
واذا جلس بالبيت يبدى يدور علي شي بس عشان ينرفزني واشياء كثيره ماحب اتذكرهالانها والله تعور القلب كانت من جد معاناه كان حيلتي البكى مادري ويش اللي صار تمنيت من كل قلبي اني ماتزوجت
ومره خلاني بالحديقه عند خاله ومرته ناس اول مره اقابلهم قال لي ماني مطول واذا طولت روحي معهم راح العصر ماجا الا الساعه 2 بالليل طبعا رحت معهم البيت والله لو تشوفون كيف نظرتهم لي وخوفي وحيائى من حركة زوجي اللي مالها داعي
اهلي مادرو عني ولا حبيت انهم يدرون خاصه لويدرون انه يخليني اخر الليل لحالي كنت بموت من الخوف ولا يهتم فيني حتى النوم ماينام عندي خفت عليه لنه مو طبيعي كنت اقول مو هذا اللي كنت اكلمه موهذا اللي حبيته يسبني يستهزي في
وصار ان اهلي درو بعمايله في وكيف ان شكلي تغيرصارت احداث كثيره مؤلمه جدا لي كل هذا يابنات بس بشهرين من جد كان اسوء ايام حياتي لدرجة اهلي رفضوا اني اكمل حياتي معه لكني رفضت كنت اقول خلوني انا بنفسي احدد مصيري بحاول اغيره اذا ماتغير انا بنفسي اجيكم واقولكم طلقوني منه
جيته وقلت لاتخيب ضني فيك انا احبك وعارفه انك تحبني ولا ابغى اتركك لانك من جد احسك محتاج لي المهم ولا قلته بسالفة اهلي
وادعوت الله له الهدايه واستغفر ربي بعد كل مشاحنه بيني وبينه وبعد كل صلاه وكنت اقوم الليل وادعي له
وشاءالله بحوله وقوته انه يجي زوجي لي بالبيت وجهه منور ومبسوط
كان بيده كتب دينيه قالي يافلانه انا بلتزم هذا جوالي مسحت الاغاني والدش برميه والدخان بتركه والحمدلله والله يابنات تحملت عصبيته تعرفون الواحد لاترك الدخان يكون عصبي مره ويوميا دروس عن العقيده اشرحله من الكتب واعلمه الادعيه وكل يوم قصه من قصص الانبياء والتائبين اللين ماربي هداه وانتشر خبر اللتزامه والناس ماتقول الا جات اللي غيرته هذي المره السنعه ومن الكلام والمدح والهادي ربي
المهم يابنات مع المشاكل و بعده مشاالله فرحتي باالتغير الكبير لزوجي اصبحت ماشوف بالحياة غير زوجي
اللين صار لي سنه من زواجي قامو الناس تسالني عن الحمل فعلا انابالبدايه نهائي مافكرت احمل كنت اقول مستحيل هذا يشيل مسؤليه طفل وبعد التزامه انشغلت فيه ونفسيتي ارتاحت ورجعت عروس وتمشيات يعوضني عن ايامنا الاولى الحمد لله
بعدها زوجي قام يلمح لي انه مشتاق لطفل يلعب عليه ويعلمه الصلاه ويحفظه القران
هنا بدت معاناتي مع الحمل رحت اكثر من دكتوره الكل يقول هرمون الحليب مرتفع وفي تكيس بسيط هذا مايمنع الحمل وادويه عشبيه بس ماصار حمل نفسيتي تعبت والكل يقول علاجك سهل واتعالج وكل شي سليم بس النتيجه سلبيه رحت لشيوخ الي يقول عين واللي يقول نفس اللين كملت ست سنين وانا ارجوه سبحانه هو المعطي
المهم جوزي يأس مني قام يدور له على عروس غيري كان يقولي شيبت وانا ماعندي عيال واللي اصغر مني صاروا اباء وانا ماغير اركض ورى بزورتهم ومن الكلام اللي يجرح من الناس مارتحت وانا قلت له انا ماعندي مانع بالعكس حقك لاني عارفه ان ماتقدر مره تغيرك علي اقوله هذا الكلام ماابيه يزعل مني ماقدرت اجيب له ولد وبرضه امنعه لايتزوج علي اشيل همه فوق همي وكنت اقول يالله انشغل بدنياك وانا بديني واضحك معه وامزح عليه مابين له اللي بقلبي
وانا نفسيتي تعبت وانا خايفه لاتزوج يتغير علي بس يوم اشوفه يلاعب طفل وياخذه معه ويشيله أقول ياليته طفلنا واحيان يحرجني مع جاراتي يطلبني انادي بزورتهم يقول بتونس فيهم وانا قلبي يعتصر من الالم ودايم يسالني مرت فلان حملت مرة فلان جابت
من جد يابنات كل مره اروح لحديقه اشوف اثنين معهم بزوره ويلاعبونهم اطالع بزوجي القاه منبطح طفشان اجلس ابكي اقول يارب ارزقني يارب يارب لاتحرمني زينة الدنيا
و له الان ثلاثه شهور رجني كل ليله يسالني منهي اللي اتزوجها
تئيدين اخذ مين كل يوم جايب لي وحده ويسالني عنها وانا قلبي يموت من حزنه الف مره ومن القهر احس قلبي يوجعني وادموعي كل ليله تسليني مااقدر ابكي عنده لاجاب طاري العرس بس احيان ماتحمل اتخيله مع وحده غيري واجلس ابكي وهو يهديني ويقول والله لولا الضنى مادور غيرك
والله يابنات اللحين ماينام زين ولا صحى قالني منهي وطول وقته سرحان ويفكر باع اشياء كثيره واخذ قرض وحدد زواجه بشهر ثمانيه وانا مادري ويش بيصير لي طول وقتي ادعي ربي يرزقني ذريه صالحه ويخلي لي امي وابوي
بحياتي كلها ماذقت طعم الفرح حتى بزواجي ماحسيت اني عروس لاقبل ولابعد الحمدلله على كل حال ماطاب جرحي الاول زاده زوجي بجرح جديد
بنات انا اسفه اذ طولت عليكم بس مالي غيركم افضف له وارجو ان تدعون لي ان الله يصبر قلبي ويرزقني بذريه صالحه تونس وحدتي ويرزقني الوضيفه الطيبه وان تديم المحبه بيني وبين زوجي اللي بفقد وجوده لاتزوج لعل فيكن من تجاب دعوتها
وصل الله على نبينا محمد صلى الله عليه وسلم
يلزم عليك تسجيل الدخول أولًا لكتابة تعليق.
ام اواب العسل
•
الله يرزقك من فضه ويعطيك عيال يملون لك البيت ان شالله حلك سهل روحى مشتشفى كويس وان شالله تتعالجين وارشحلك سليمان الحبيب الطبى .
الله يرزقك بذريه صالحه المعافاه عاجلا غير اجلا>>,وتكوني من حوامل شهر هذا
اللهم امين
اللهم امين
آْه يآْقلبي عليك
الله يهون عليك ويصبرك ويرزقك بـ‘آْلذريه آْلصآْلحه عآْجلآ غير آْجلآ
وعليك حبيبتي بسهآْم آْلليل وآْلصدقه
طيب مآفكرتي تربين ولد من آْلميتم؟؟
الله يهون عليك ويصبرك ويرزقك بـ‘آْلذريه آْلصآْلحه عآْجلآ غير آْجلآ
وعليك حبيبتي بسهآْم آْلليل وآْلصدقه
طيب مآفكرتي تربين ولد من آْلميتم؟؟
الله يزقك بالذرية الصالحة
وانصحك اختى بالا ستغفار والدعاء والا تايسين
الى خلقك مو ناسيك
وانصحك اختى بالا ستغفار والدعاء والا تايسين
الى خلقك مو ناسيك
الصفحة الأخيرة