ماطريقة طبخ السلق والدبة العربي

انا بجاوبك عن السلق لاني اعرفه واستخدمه ,,
السلق اذا الاوراق صغيره ..تصبخين اللحمه لحد ماتستوي تماما طبعا تحطين عليها بهارات يعني تسوينها زي المرق واخر شي تضيفين عليها اوراق السلق تكون لذيذه وحطي بطاطس بس,,,
ممكن تضيفينها مع المضروبه اذا تعرفينها ,

الورق الكبير اللفه واطبخه نفس طريقة الورق عنب بس ان ورق سلق وطعمه لذيذ مررررررررررررررره..بس تسخنين ماي في جدر كبير وتغطسين الورقه مره وحده بس وتحطينها على جنب ولاتصفين ورق كثير فوووق بعض وانتبهي وانتي تشيلينه بشويش عليه ..وممكن تطبخين معاها لحم يعني ورق سلق باللحم مثل الورق عنب باللحم .

وبالعافيه واذا احتجتي اي شي راسليني على الخاص :) مع تحياتي

عاجل للرفع

أنا راح اقولك على طريقة ايدام الدبه اول شئ تكشني البصل في شوية سمنه الين يذبل وتضيفي ملعقه بهارات
مطحونه بعدين تضيفي اللحمه وتحمسيها الين تطلع ريحتها
وتضيفيلها المويه الحاره وملعقه معجون طماطم وحبه طماطم مطحونه وعودين قرفه وتقشري الدباء وتقطعيها مكعبات وتضيفيها الي اللحم بس لاتكثري المويه لأن الدباء تنزل مويه
كثير وزبطي الملح وخليها تطبخ على نار هادئه جدآ الين تستوي وعليكي بالعافيه

الف شكر حطموك يا قلبي

كنت اتحرى الطريقة واشكرك على انقاذي وافادتي وخاصة انه الدبة تقولي تنزل موية كثير

لو ابغى اسويها بالدجاج يحتاج احط موية مغلية كمان ؟

وراح احط حمص للطبخ مع الدبة يستوي معاها وفي الاخير شوية شبت مفروم

كدة ينفع؟ لازم من الشبت والحمص عندنا .. بس عمري ما طبختها بس بدي اتاكد كدة خطواتي صح

مين تعرف تسوي ايدام السلق تعلمني