ماعندي احد يحبني من اخواتي ولاصديقات ولا اي شخص اقابله

السلام عليكم ورحمة الله وبركاتة
اخباركم ياحوائيات
الموضوع عباره عن فضفضه نفسية ماابغى اي شخص يسئ لي اذا ماعجبك الموضوع لاتدخلينه كلنا نمر بظروف لايعلم فيها الا الله ونحتاج نفضفض لاي شخص بس اذا كان ماعندك شخص قريب لك او يحبك هذي المشكلة مااحد راح يهتم بموضوعك ولابيعطيك وجه يسمعلك لان مامر بنفس ظروفك او تجربتك!
طبعاً اخص بالموضوع البنات الغير متزوجات الكبيرات بالعمر لان هالفئة ماتلاقي الا كلام جارح وقاسي بحقها رغم انها محتاجة من يواسيها ويطلعها من نفسيتها ويعيشها جو رايق!
هالفئه ماتلاقي من الناس الا كلام يقلل من قيمتها ويحسسها انها ولاشيء لانها ماتزوجت وغير مرغوب فيها بسبب عمرها الكبير
بالبداية حبيت اوضح كيف نعاني حنا الكبيرات من سب وشتم وكلام طالع ونازل ووحده تتكلم عنك ووحده تتمسخر فيك ووحده تقولك كلام ماقلتيه ووحده تستكثر عليك اي شيء ليش لاني ماتزوجت !!!!!!
طيب انا ماتزوجت مو من حقك تغلطين علي بكلمة ولاتقللين من قيمتي انا زيي زيك بس اللهم انك نصيبك جاء وانا لا ربي كتب لك الزواج وانا لا رزقك جاء وانا لا
مو من حقك تهمزين وتلمزين بالكلام قدام الناس وتضحكين ان فلانة ماتزوجت او فلانة ماجاها نصيب او فلانه اسكتي بس وش عرفك بهالامور تراك ماتزوجتي!!!!!!!
فعلاً الكل يعاني من هالفئات اللي اعدها نفسية وحسوده وحقودة وماتحب الخير الا لنفسها واعيالها!
طيب انا ماضريتك بشيء ايش عليك مني وايش دخلك فيني عيشي حياتك وانشغلي بامورك وبس!
انا صادفت بنات اشكال والوان واللي يغلط علي بالكلام من ضمنهم اخواتي !!!!!
انا طبعاً بنت عمري٣٧سنة ماتزوجت اخواتي كلهم تزوجوا الا انا مافيه نصيب سبحان الله ولا انخطب كلام الا يسكتون ولايتصلون ولا يغيرون رايهم يبون اصغر من عمري
تصدقون وربي تجيني ايام احس منضغطة نفسياً مااقدر اعبر عن هالشيء اشغل نفسي بايباد باي خرابيط او ادخل هنا اقرا او اشارك بالمنتدى
طبعاً اقصد بالضغط النفسي مو بالزواج بكلام الناس القاسي علي رغم ان مالي دخل بااحد!
اخواتي اللي تقول خلصنا حنا من باقي ماتزوج عندنا خلاص خلصنا!!! وانا حشرة طيب !!ولا الرزق منك!!!!ولا مستكثرين علي اعيش!!!!
واختي الثانيه بعد مخلفة عندها اعيال كثير وزوجها عندها وعايشه حياتها وتقول لي انتي احسن مني وحظك احسن مني !!!!! قلت لها حظي زفت بحفره قالت اذا انتي حفره انا دحديره !!!!قمة الحسد والغيره ويوم قلت لها ايش عندي تطالعين فيني عليه انا مااملك في هالدنيا شيء لا عيال ولا زوج ولاحظ قالت بس فكينا !!!!!!!!!
واختي الثالثة قالت لي اذا سكنت بيتي بجيبك عندي تطبخين !!!!!!!قلت لها ليش شغالة انا !!!!!
كنت قبل يوم اختي تعبانة اجلس بشقتها اختي اللي قالت خلصنا وامسك اعيالها مره سمعتها تقول لاختي الثانية انا اذا جات تغسل وتطبخ وماسكة كل شيء وانا ارتاح وانام ويضحكون بعدها حلفت اني مااروح عندها ولاعند اي احد لان انا مو شغالة ساعدتك بسبب انك تعبانة وهذا جزاتي كذا تعاملوني!!!!!
وربي اني حاليا اكره الطبخ وكل شيء بسببهم ماالمس شيء بالبيت اجرحوني !!!!!!
ليش البنت اللي ماتزوجت وماتوظفت تعامل انها مثل الشغالة كرفي وسوي وكنسي واذا تكلمتي انتي فاضية !
الاول اذا مادخلت الواتس وقلت مشغوله لخالاتي يقولون ليش شعندك فاضيه قاعده بالبيت ماعندك شيء
الكل يستنقص فيني حتى سوالف الحريم مااحد يبيني اشارك او اتكلم وماعندي مكان اروحله الباقي مراهقات او بزران صرت مااطلع من البيت لان غير مرحب فيني مااحد يبيني ابدا بحياتهم


حتى صديقاتي اختفوا من تخرجنا فيه منهم انخطبت وخافت مني وماعزمتني وفيه منهم ماصدق يرتاح مني وفيه منهم تبي تكره الناس فيني
اما اخر وحده عديتها اخت طول الوقت تقول اذا انخطبتي لاتتركيني ومن هالكلام بالاخر هي انخطبت اول مره قالت من عيني انحاش لاني علمتك المهم بعدين انخطبت ثانية وملكت بعد اسبوع قالت لي وقالت بيوم ملكتي تعبت قلت لها مو مني ماكنت ادري اصلاً!!!!!!!!!
المهم قدر الله وشفتها بمول ماكنها تشوفني انحاشت كانت تجهز وبيوم عرسها كنت ابي اسلم عليها كلمتني وصارت تهاوش وشفيك وشتبين الخ حسيت نفسي حماره يوم جيت عرسها وصديقتها جات ووصلوها لعندها وكلن يهلي فيها ويرحب انا لا حتى وهي ترقص امسكت صديقتها وسووا دائره وانا لا انحرجت بصراحة قدام الناس مايبوني معهم واقول لاختها بطلع صعبه اقعد ولاعطتني وجه ابداً
واخواتها يمشون ويضحكون علي ليش كذا!!!!!!!!!!!!
المهم حاليا من عرست ماترسل لي ولاتتصل ابداً وكله تقول مشغولة هي ماصرت اكلمها ولااراسلها يعز علي اشوف نفسي مااحد يبيني ومنبوذه !
ليش لان تزوجت وتبي قروب متزوجات ماتبيني!
تقول لي زي اغلبية المتزوجات ايش تبين بالزواج مسؤؤلية وغثا واعيال واختها انخطبت وملكت وتزوجت ماعلمتني
طيب هالنصيحة اختك اولى فيها مني انا!!!!!!حسد يمه
المهم حالياً لاخوات ولاصديقات لحالي ماعندي احد حتى اللي تقول بروح بيت فلانه ولاصديقتي وانا صديقة وحده ماعندي
عسى ماوجعت راسكم انتوا بعد وتنبذوني هههههه وربي من قهر فيني فضفضت !
انا ارد بمواضيع البنات بس نادر مااكتب لان مره كتبت وجاني تجريح وسب على فضفضه !!!!!!!