حبيبتي كل اللي قلتيه ما استغرب منه لان بالفعل اللي تتزوج في مجتمعنا كنها ما شايفة خير تبتعد عن صديقاتها و بس تتقرب من المتزوجات و تسوي نفسها فاهمة الدنيا و مالكة العالم 😂 .. هالفئة انا اخاف على نفسي منهم ومن عقولهم المصدية .. انا نفس وضعك من ناحية صديقاتي بس حبيبتي اللي ما يبيك لا تذلي نفسك عليه و صدقيني بيجي يوم و ربك رح يحطهم بنفس الموقف مثل ما اهانوك .. رفهي نفسك طلعي و روحي و حاليا ممكن تتعلمي قيادة السيارة و تفيدي نفسك بدل ذل الناس .. شخصيا انا اقضي مشاويري و طلعاتي بروحي ما انتظر لا اخت ولا صديقة .. صدقيني لو ما دلعتي نفسك و حسنتي من نفسيتك محد رح يسأل فهالزمن كلن عايش علشان راحته... طبعا مهم انك تسوين مشروع لك لو كان بسيط عشان يكون مصدر دخل مثلا تبيعين وجبات او اي حاجة انتي تتقنيها.. ربي يوفقك

وخير يا طير اذا ما تزوجتي هذا أنا بنص الثلاثين و لسى ما تزوجت و ما أحس انه ناقصني شيء الا اذا مر يوم ما صليت و لا قريت قرآن
وبالنسبة للكلام في ناس كذا ما تحس بالكلام اللي تقوله طنشي بالتأكيد فيه غيره بين الأخوات لكن يبقون خواتك
نصيحة سوي مثلي أشتري راديو و افتحي على اذاعة القران ٢٤ ساعة و اشغلي وقتك بأشياء مفيدة
والله يفرج همك و غمك

لاتحصرين نفسك بالناس انتي انسانه ماشاء الله عليك عاقله ورزينه ومتعلمه ولا ناقصك شي عشان تدورينه يكملونه لك الناس.. لا .الي اشوفه ان الناس هم الي بحاجتك
اما زميلاتك الي اوله كذا ينعاف تاليه احمدي ربك انه كشفهن لك قليلات عقل وخاتمه عزيزتي اطلعي نفسك من محيط الناس شوفي نفسك ماذكرتي نفسك بأي شي واضح انك مهتمه بالي حولك بس طيب وانتي وين حبك لنفسك واهتمامك فيها
اشتغلي على نفسك اهتمي ببشرتك وشعرك وجسمك ورشاقتك استعدي ليوم زفافك من الحين بأذن الله ترى النصيب ماجاك للحين بس قريب بأذن الله توك صغيره مافات لك فوت اعرف بنات اكبر منك بكثير تزوجوا وحملوا وخلفوا ماشاء الله وهم اكبر منك
ماعليك من الي حولك اكثري من الدعاء لان امرك بيد الله عزوجل ماهوا بيد البشر
واوصيك بالاكثار من لاحول ولا قوة الابالله لها مفعول عجيب بأذن الله اطلعي تعرفي على صديقات جدد الدنيا ماتوقف على احد التحقي بدار للتحفيظ اطلعي شاركي بنادي الحي
وخلي املك بالواحد القهار.
خليك فرفوشه لاتاخذين كلام خواتك انخ انتقاص لك بالعكس انا اشوف انهن يتمنن انه يعشن زي مانتي عايشه واضح انو عندهن هموم اكبر منهن وماهوا شرط الوحده عايشه مع زوجه واولاده يعني خلاص ماعنده مشاكل هذا القسم اكبر دليل 98% المشاكل للمتزوجات نادرا مانلاقي بنت تشتكي فأنظري لنفسك من الجانب الثاني انت احسن منهن
واخيرا لاتكوني حساسه من شي انت مالك به دخل
الله يوفقك ويرزقك من واسع فضله