مافي احد اغبى مني تكفون ساعدوني جعلها الله في ميزان حسناتك

يالله عشر قرأت ولا وحده منهن قالت ولا اقتراح واحد على الاقل انتي لو كنتي مكاني ايش راح تسويين

:06:

هلا اختي ام سرمد راح اعطيك اشياء حلووه طبعا من تجربتي انا واتمنى انها تعجبك

اول شئ انا عندي شئ اساسي الفطاير والبيتزا وهذي عجينه مرررررررررره رهيبه استخدمها لي 5 سنوات ومستحيل اغيرها جربيها وماراح تندمين
العجينه
2 م ك حليب بودره
2 م ك خميره فوريه
كاس سكر ناعم
2 كاس ماء دافي >>>>>>>>>> لازم دافي انتبهي

كل اللي فوق تخلطينهم مع بعض زين اوكي ( طبعاا انا اقيس بكوب جبن بوك الكبير وراح تضبط معاك بس انتبهي كل شئ قيسيه بكوب جبن البوك الكبير حتى الماء والسكر مفهوووووووم )

ويبقى من المقادير كاس زيت واربع اكواب ونص دقيق

الدقيق انخليه مرتين لازم وابدي بالعجن ضيفي الدقيق على الخليط السابق والزيت بالتدريج وابدي بالعجن الى ان تتكون لك عجينه طريه وتلصق باليد وخليها تختمر ساعه وبعدين احشيها اذا تبينها للفطاير وافرديها اذا تبينها للبيتزا

وبعد ماتحشينها او تفردينها خليه كمان تختمر بعد الحشو 10 دقايق بعدين وادهني وجهها بالبيض ورشي عليها حبه البركه وبعدين دخليها الفرن من فوق وتحت راح تنهبين عليها بس ادعي لي
ملحوظه تخمير هالعجينه مايزيد على ساعه الا ربع انتبهي لأن طعم وريحه الخميره راح يطلع يعني نص ساعه تخمير وبعدها احشيها ودخليها الفرن على طول:26:

نجي اللحين للعصير انا اعتقد احسن عصير سلاش بالبرتقال مررررررررررررره حلووووووووو

عصير 3 برتقالات
برتقاله واحده مقطعه
كوب ماء بارد جدااا ويوضع فيه سكر حسب الرغبه
مكعبات ثلج

كل هذا بالخلاط بعدين صبيه في اكواب التقديم راح تطلع لك الرغوه فووق والعصير تحت شكله يوحي انك تعبانه فيه مررررررررررره:cook:

طيب نجي اللحين للحلى فيه طريقه للبسبوسه بصراحه مره حلوه وسهله ماتخرب معاك

5 فناجيل قهوه حليب بودره
5 فناجيل قهوه سكرناعم
2 علبه قشطه
م ص طحينه سايله
نص كاس زيت
كاس ونص سميد ( انا افضل ناعم بس اذا ماعندك الا خشن مافيه مشكله )
م ك بكينج باودر
وللزينه

حليب نستله وفستق مبروش او ناعم اللي تبين
الطريقه :
جيبي زبديه عندك وحطي فيها السكر والحليب البودره والقشطه والطحينه واخلطيهم عدل الى ان يذوب السكر
ثم تضيفين الزيت ثم السميد والبكينغ باودر ثم تصب في صينيه وتدخل في فرن حار من تحت ثم من فوق الى ان تشقر

وبعدين اذا طلعتيها من الفرن ضعي عليها حليب النستله بارد وادهني فيها الوجه ورشي عليها الفستق وبالعافيه على قلبك:27:

الكيييييييييييييييييييك فيه كيكه طعمها مميز جداااااااااااااااااا

اكمل لك
مقادير الكيك
4 بيض
8 جبن كيري
علبه قشطه
1 كاس سكر ناعم
2 كاس دقيق
2 م ك بيكينغ باودر
اصبع زبده لينه مو سايحه انتبهي لا تحوسين
التغطيه حسب الرغبه توفي او نستله

الطريقه :
اولا يخفق البيض في وعاء
ثانيا في وعاء اخر تضرب الزبده مع السكر جيدا الى ان تصبح مثل الكريمه ثم يضاف اليها البيض ويضرب جيداا
يضاف عليه القشطه والجبن الكيري واحده تلو الأخرى الى ان ينتهي الجبن

ثم ينخل الدقيق مع البكينغ باودر ويضاف للخليط السابق بالتدريج ثم تخبز في فرن حار
وبعد ات تحمر من تحت ومن فوق تزين بالتوفي او حليب النستله بسسسسسس بنظري التوفي احلى بكثير:26: :27:

واي سؤال انا حاضره

انا عندي طريقه للصينه مره حلوه لكن الحين ابو العيال عندي بدخل بالليل واكتبها لك ان شاء الله انتظريني واي سؤال انا حاضره تامرين امر:26:

نسيت اقووووووووووولك

العجينه اللي كتبتها تصله بعد للخليه يعني بعجينه وحده تقدرين تسوين 3 انواع مختلفه فطاير وبيتزا وخليه

والعصير السلاش المقادير اللي فوق تكفي ل 3 اكواب فقط انتي زيني وصبي الاكواب بعدين زيني مره ثانيه لثلاث اكواب ثانيه وهكذااااااااااااااااااا اتمنى اكون شرحتها بطريقه سهله

يووووووووووه فشله قررررقت عليك اعذريني :26:

أختي حوريه بس غير متأكده من مقادير العجينه مو كأس سكر كثير الله يرضى عليك لا تتأخري علي لأنه نا ويه أجرب عجينتك..

:26: :26: :26:

أختي أم سرمد سوي لهم شوربة حريره لذيذه و سهله مره ..

المكونات:
لحم مقطع قطع تنفع للشوربه
كزبره خضراء وبقدونس
بصل مقطع صغير
فلفل أسود،هرد،ملح
علبه حمص حب مسلوق جاهز
دقيق أبيض، شعيريه
طماطم معصوره و صلصه
عدس الكشري
الطريقه :
كشني البصل بالزيت و إذا ذبل البصل حطي اللحم عليه وقلبي شويه
وبعدين البهارات والكزبره الخضراء والبقدونس المفروم ناعم وقلبي خمس دقايق
وبعدين حطي الطماطم والصلصه والمويه المغليه والعدس وخليه يطبخ إلى ما يستوي اللحم بعدين حطي عليه الشعيريه المكسره وعلبه الحمص بعد ما تصفيهامن مويتها
وملحيه بملح عادي أو ماجي زي ما تحبي و إستني عشر دقايق وبعدين جيبي الدقيق الأبيض وحليه في كاسة مويه وبعدين صفيه بالصفايه وحطيه فوق الشوربه وقلبي و خليه يطبخ عشر دقايق كما وشوفي إذا كان قوام الشوربه خفيف زوديه دقيق محلول في مويه و إذا كان ثقيل زودي عليه مويه مغليه و تأكدي من ملحه وبس وعليكم بالعافيه و بالنسبه للمقادير فعينك ميزانك..
و إذا عندك أي سؤال أختي أنا حاظره بإلي أقدر عليه..