ماكنت أدري إنها مثلنا!!!!

بنااااااااااااااات

صباح الخير

أمس بصدري خاطرة وسؤال يقرقع بصدري وقلت بسألكم إنتوا مثلي ولا أنا بس..

لمن كنت صغيرة ولمن دخلت سن المراهقة وأول سنة زواج ماكنت أدري إن أمي تحس بالتعب زيها زينا!!!!!

أحسبها زينا لمن نلعب ونشوف تلفزيون ونقرا ونروح الملاهي والمدرسة هي هذا شغلها<<<حتى الترفيه نتعب فيه نقول تعبانين وهي

ماتقول تعبانة

مدري شكلي كنت أحسبها المرأة الحديدية..

لمن نمرض أنا أو أحد من أخواني تبذل قصارى جهدها معانا من سهر وكمادات ولازم اللي نبغاه بتجيبه أهم شي حتى لو مرضى لازم

ناكل..

لمن نروح المدرسة لازم نشرب كوب الحليب..كل واحد مسويتله حليبه حسب النكهة اللي يحبها..أنا أتذكر كنت أحبه بارد ومخلوط

بأوفالتين مع إني وقتها كنت بالمتوسط مو طفلة ..

وتغسل المواعين وتغسل ملابسنا وتكنس وكل شي وماكنت أدري إنها مسكينة تتعب لكن ماتتكلم..

إلين ماحسيت بالمسؤولية بعد ماجبت ولدي الأول قلت أتاري أمي كانت تتعب مسكينة زينا لكنها ماكانت تتكلم..

وآخر مرة رحت عندها قبل كم يوم صارت تنزل الدرج زي العجايز وهي عمرها قارب الستين ماشاء الله..رحمتها مسكينة..

جات من بيت أهلها زي الحصان وأعطتنا من صحتها ونومها وراحتها ودعائها عشان نكبر وإحنا بأتم صحة وعافية وماينقصنا شي..

ربي ارحمهما كما ربياني صغيرا..

رب اجعل قبر أبي روضة من رياض الجنة وارزقني بر أمي وأطل في عمرها بصحة وعافية وطاعة وأمهاتكم وآباءكم آمين


الخلاااااااااااااااااااااصة



مين كمان كانت تحسب أها ماتتعب يعني تفكيرها كان زي تفكيري؟؟؟؟؟؟؟؟؟؟



أرجوا التفاعل ياحلوات ياحوائيات