اي والله انك صادقه :(
قبل فتره اسولف مع امي واقولها يمه انا اتذكرك بحملك باخوي الصغير ماكنتي تتوحمين وتتعبين بالعكس عادي
قالت امي الا والله اتوحم بس عبالك مثل دلعكم من تحمل الوحده خلاص ماتتحرك لين تولد
كمان بالنفاس ماعندها احد ...هي تقوم على نفسها مب حنا كل شي يجي لحدنا ومانتحرك ابد وفوق كذا تلاقينا معصبين ومو معجبنا شي
ياحبيبة قلبي ياآمي الله يخليك لي ولا يحرمني منك يااااارب
ويخليلكم امهاتكم يارب

الله يحفظ لنا أمهاتنا ويخليهم لنا

بنات ادعو لأمي بالشفاء

تعبت وربت وعانت ولا كانت تشكي أبد

الحمد لله الحين إحنا قايمين فيها ونحاول قدر المستطاع نرد لها جميلها ونقوم بواجبنا

لكن مهما سوينا ما نوصل ولو لـ جزء من اللي كانت تسويه لنا

الله يحفظك يا يمه و يخليك لنا .. اللهم اشفها شفاءاً لا يغادرهـ سقماً

آمين

^
الله يشفيها ويمتعها بالصحه والعافيه طوول العمر ويخليها لكم

الام نعمة.
الله يقوي الوالدة كنت ارجع من المدرسة والبيت يلمع والغدا جاهز اشكال والوان وماتحب الشغالة
وماتدانيها
ولانها ماتشتكي كنت احسبه عاديي
ونساعدها في اشياء بسطية


بعد ماتزوجت
توهقت خاصة برمضان.
اعجن. ادعي لامي

اقلي ادعي لامي ومعها دمعتين ههههههههه

يجي السحور ادعي لامي
الله يطول لنا بعمرها
هههه

صاحبة الموضوع والاخت وردة حالي مو بعيد عنكم ،

دايم لما اتذكر انكسف من نفسي والله ،
ولما حملت ببكري كنت أحس بضيق لما
يبدا الببيبي يكبر بطني وثقل بالمشي
وصعوبة النوم والجلوس «« وقتها طرت امي
على بالي ، يالله كيف تحملت بزران
وزوج وكرف بيت ووحام وحمل ونفاس
وماكان احد يساعد امي هي تقوم بنفسها ....

ومن وقتها الحمدالله ربي رجع لي عقلي ووعي
وهذانا الحين احارب العالم كلة عشاناها ...

بس تعرفين اللي قاهرني الحين أخواتي
الصغار مسوين نفس حراكاتنا قديم في امي
جننوها ويعاندوها «« وانصح مافي فايدة
لما يكبروا ويجربوا بيحسوا وقتها....

موضوعك حلو ياعسل ...