مالا يعرفه الرجال في قاعات الافراح.....ههههههه

هذا الموضوع لقيته و عجبني ,,,,و اكيد لطشته


بسم الله الرحمن الرحيم
الحمد لله والصلاة والسلام على رسول الله وبعد...
حينما نسمع أن النساء ناقصات عقل ودين لا يقصد بها أنهن أقل عقل من الرجال... ولكن لان الحرمه تأتيها الدوره الشهريه كل شهر ولا تصلي فيها ولا تصوم ولا تمس القرآن ولا تدخل المسجد... الخ بعكس الرجل الذي لا تأتيه دوره شهريه ...
أخي الرجل لو تعلم ما بداخل قصر الأفراح القسم النسائي سترى أن الحريم يفقدن عقولهن إلا ما شاء الله تبارك وتعالى وهو على كل شيء قدير سبحانه....
حاولت بقدر المستطاع أن أبين لك أخي الرجل ما يدور خلف أسوار القسم النسائي الذي لا ترى منه إلا سيارة تنزل حريم وأخرى تشيل حريم... ولا تسمع إلا صوت الطقاقات أو صوت الـ D.J.
ولكن حوطي من الرس سوف يبين لك خفايا ما يدور خلف القضبان ونسأل الله سبحانه العفو والعافية في الدنيا والآخرة...وإليك التفاصيل:
1- هل تعلم أخي الرجل أن البنت الغير متزوجة تعرض نفسها بطريقة لا نعلمها نحن الرجال؟؟؟ البنت اللي ما تزوجت ولا جاها نصيب فهي تبحث عنه بالأعراس ، فتقوم البنت بضرب المكياج على وجهها ثم تدخل القصر وتقوم بالرقص ثم يهيم من يراها بجمالها وتتعجب تلك العجوز أن هذه لم تتزوج فتقوم بالبحث عن أم تلك الفتاة ثم تأخذ رقمها لتخطبها لولدها العزيز .
2- المكياج وما أدراك مالمكياج... تقول أن هالحرمه جايه لحفله تنكريه ، الوجه ابيض والرقبة سوداء تقول تشجع فريق الشباب السعودي ... واللمعة اللي حاطته على وجهها كنه قزاز... هل تعلم أخي الرجل أن مقياس الجمال داخل القصر للأفضل مكياجا وليس للافضل دينا ولا أخلاقا ولا علماولا جمال. لله دركن أيتها الحريم...
3- الملثمات والمغاتير والمنقبات << تقول أنواع من الابل... على العموم هذولي عالم ثاني داخل صالة الأفراح... تجيك الملثمه وتسوي مكياج على الي يطلع من وجهها بس والمنقبه نفس الشي يعني لو لا قدر الله وطاحت غطوتها وإلا طرحتها شفت الوجه شكلين شكل أبيض من المكياج وحب السكر والكحل والحمرة ... والشكل الثاني هو الشكل الحقيقي بالنسبة للوجه يعني أي كلام..
وقفه
طبعا لك الحق أيها الرجل تسأل ليش تجي الوحدة منقبة؟؟؟ والا متلثمة؟؟؟
الإجابة باختصار شديد هي إما أن الحرمة لم تعزم أساسا وجايه لأنه مذكور لها أن هناك زواج بقصر الـ.... فيه طق. وإما أن الحرمة عجزانه تتمكيج فيكون اللثامة أسهل طريق للخروج بشكل حسن ووضع بعض المكياج وبعض الحمرة على الجزء الظاهر من الوجه بس , وإما تكون ما عندها فستان تلبسه فتكون العباية ساترة للقميص اللي لابسته.
4- عند الحرمة لازم يكون اللون واحد يعني صبغة الشعر والخروص <<الحلق والساعة والكحل والحمرة واللي فوق العين والديرمان<<الروج ...الخ ويا كثر حوستهن على الفاضي وبس...
5- تجيك وحده من الحريم وتقول للكوافيره أبي مثل مكياج نانسي عرجم وإلا باستال مزعلاني ... حتى لو انها ما تشبه لها بس شي بالخاطر خخخخخخخخخخخخخخ ما احد يحتقر نفسه بس الثقه بالنفس زينه.....

6- الرقص هذا يبي له مجلد لحاله... ولكن سأركز على أن الحرمة إذا قامت بالرقص فهي تهدف لإعجاب الحضور برقصها وأنها الأفضل ... والطامة الكبرى أن مقياس ذلك هو أن تقوم الطقاقة بتشجيعها وتنادي بلون فستانها ثم تقول أيوه يا لون فستقي أو وردي ... وفي تلك الليلة ما لها سالفه إلا شفتي الطقاقه يوم شجعتني... المشكلة لو تقول لها تشتغلين طقاقه ؟ تقوم عليك وتقول ما عاد إلا هي اشتغل طقاقه.... يا خف عقل السعودية تتلزق بالطقاقات.
7- أما رقص العجيزات لحاله خصوصا إذا صارت الأغنية اللي ترقص عليها سريعة وإلا هاديه.

8- الخدمة الذاتية : عاد هذي فيها مواقف عد وأغلط..... طبعا للي ما يعرف الخدمة الذاتية هي طاوله وعليها مجموعة كراسي للضيوف الكرام من الحريم... بعض الحريم إذا جلسن على طاوله تقول جالسات بفصل ثاني ابتدائي يعني انس انهن يقومن وإلا يتحركن شبر وإذا قامن خلن وحده على الطاولة تدرون ليش؟؟؟ عشان ما تجي وحده وتاخذ مكانهن ثم يكملن السهرة واقفات........
وتجيك حرمه إذا بغت تمشي شالت اللي على الطاولة من حلاو ومعجنات وحطته بالشنطه لأنها مستحيه تاكل قدام الناس فتروح للبيت وتاكل بالخمس ولا عندها إلا كاس الماء ماليته ببسي...
والسوالف على الطاولة عن فلانه كيف ترقص وعلانه يا شين رقصتها وشفتي فلانه؟؟؟ تراها مطلقه... لا وازودك من الشعر بيت ترى عرس رجالها بعد أسبوع خخخخخخخخخخخخ ...

10- بـ صالات الأفراح تجدون العجب العجاب فهناك أشكال وألوان ولكن الغريب بالأمر أن هذه الأم تخاف على بناتها يسرقون فتشتري فساتين تتشابه لبناتها الصغيرات ، فتشوف بنات أم صالح لبسهن واحد وبنات العمة مزنه لبسهن واحد وهلم جرى .. بس الأم مستحيل تلبس مثل أختها<<< واخزياه وش بيقولون الناس عني .خخخخخخخخخخخخ بيقولون الحمد لله والشكر على العقل .

9- البوفيه المفتوح وما أدراك ما البوفيه المفتوح... إذا بغيت تشوف البذخ والإسراف على أصوله شف البوفيه المفتوح... ويا ليت أن العشاء يكفي الحضور الكريم من الحريم... يا ناس يا عالم يا حريم الله يهديكن ويشفيكن ترى ربعنا ما يعرفون لهالحركات يعني خلوكم على صحن الرز وعليه قطعة لحمه ومعها ببسي وبرتقاله وموزه .لكن يا شين اللي يلبس ثوب مهوب له....
إذا قالوا حياكم الله تفضلوا على العشاء يا سلاااااااااااام تشوف ترتيب الصحون والأكل من ما لذ وطاب ثم تجيك الحرمة الأولى تاخذ لها صحن وتملاه من جميع الأنواع وتاخذ حق عشرة حريم وتروح لحالها وتقعد تاكل... خخخخخخخخخخخخ وتجي الثانية ونفس الطريقة والعاشرة ونفس الطريقة ثم يخلص العشاء وما يبقى إلا الخبز وشوي حمص ومتبل لكم حرمه والباقي يحطن الحره بالحلاو والمعجنات .... وتروح الليلة ما تعشى الا ربع الحريم بس.
11- بعد العشاء وملء البطون تبدأ العجز بسحب الكراسي نحو المنصة ويجلسن يتفرجن وإذا جت فرصه زينه قامت ترقص نسأل الله العفو والعافية.



وبالأخير هناك نقاط كثيرة ولكن ما أحب أطول الموضوع أكثر من كذا ونسأل الله أن يهديهن ويشفيهن ويرفع عنهن ويرحمنا وإياهن برحمته

بسم الله الرحمd