في البدايه احب اسلم على كل الاخوات اللي انضموا للواحه بعد الاجازة
واقولهم الحمد لله على السلامه
والله يجمعنا باخواتنا الباقيات
عندي لكم موضوع بس بصياحه بصياحه ، اكيد فاهمين معنى الجمله التاليه
اللي هي بصياحه واللي تبغى بصراحه بصراحه
ترددت كثير بكتابه هذا الموضوع واللي هو بعنوان :
مالذي يقلق نومك ؟؟
لان الموضوع فيه فضايح
كل منا يعرف أن النوم
رحمه من رب العالمين فالنوم جعله الله راحه للجسم بعد عناء اليوم ،، لمده كافيه حتى يأخذ الجسم كفايته من النوم
لكن النوم اذا زاد عن حده يكون امر غير محبب وينقلب الى ضده
تقولين ليش؟؟
لان الجسم يستمر في حاله خمول ولا ينلام بعذ ره من كثر
ماعبى من نوم
سيم سيم الكفر اذا عبيته هواء زياده خطر انه ينفقع
المهم ند خل على الفضايح بموضوع النوم
شوفوا هناك بعض المنغصات بالنوم ولهذي المنغصات حلول
لكن بعض المنكد ات مالها الا الفرج من رب العالمين
وتراي ابي اسولف لكم عن نفسي وابي كل وحده عقبي تسرد لنا
ويش ينكد عليها بالنوم
عن نفسي ابدأ لكم الموضوع:
انا من النوع اللي خفيف نومه يعني دبيب النمله يزعجني
عاد اقوم عليها وافغصها وتصير في خبر كان
لا والله صحيح انا ما اواطن الصوت وهذي تراها مشكله
وتقول الوالده اني من يوم كنت بالمهد وهذي حالتي الله
لا يعيده من حاله <<<<<<<<<<< عاد توقعون اني برجع للمهد
المهم الاقي صعوبه اذا جيت انام
ما ابي أي صوت ، كم مرة طلعت على بناتي ود حومي وهم يلعبون
علشانهم اقلقوني وانا نايمه
واليكم موجز مفصل عن غرفه نومي:
غرفه النوم ملغمه بالمخدات اشكال والوان لزوم وضع بعضها تحت الراس
وفوق الراس لعزل الصوت هذا غير السدادات ، وغير عصابات العيون
وترى لي عصابات من جميع الانواع :
فوط ، شرشف صلاتي يتحول الى عصابه ، والعصابات اللي يعطوننا بالطيارة
وعسى ينفع
الستارة فيها بلاك اوت يعني يعزل نور الشمس عن الغرفه ويالله ينفع
المكيف سبلت ومرفوع على اعلى د رجات البروده، علشان اد خل بالنعاس بسرعه
لحاف البولستر بالصيف ،، والبطانيه ولحاف الريش بالشتاء وبالرغم هذه المقومات
ما زال الوضع،، قائم في شي يقلق منامي تدرون وشو؟؟؟؟؟؟؟؟
العصافير
اللي تجي عند الطاقه هذي هي اللي فعلا مادري وشو الحل معها ؟؟
فكرت
اني اخلي سواقي الدلخ يجلس تحت دريشتي واعطيه نباطه علشانكل عصفور يوقع على الدريشه ينبطه ويكون في خبر كان (( طبعا هذا خارج دوام للسواق))
ولا ويش رايكم ؟؟؟؟؟؟؟
وترى هذي هي حالتي حتى قبل الزواج
يوم كنت في شبابي كنت اذا جيت انام غصب ولازم كل اخواني الصغار انهم ينامون او
انومهم قبل لا انام
علشان اضمن انه ما احد يزعجني وانا نايمه
عاد رضى انه ينام بالطيب ولا مافيه يمه ارحميني
اصوعه ذاك الكف
اللي ادوخه ويروح في سباااااااات عميق الوالده مطلقه علّي لقب شايب معروف بعنيزه وكان معروف بصفه شين النفس والخلق
عاد الوالده ما تناديني بهذا اللقب الا اذا جاني النوم
اذكر مرة وانا بنت قبل الزواج كنا رايحين نحضر زواج ولد عمي بعنيزة
عاد انا اذا سافرت هذا اكبر عذاب لي
فراشي اذا تغير مصيبه والمكان الجد يد بعد يعني اخذ فتره ما نمت
عاد ويش تتوقعون يبي يكون مزاجي
وع وع وع وع وع وع وع وع
كنا حنا يا البنات مجموعه كبيرة ،،
وكنا نسهر بعضنا يسهر الى بعد الفجر ،
والبعض الثاني من القرمات اللي مصلحهن الله
يبون يقومون الصبح علشان يحضرون الفطور
يسهرون الى حد معقول بعد ين يتعوذ ن من بليس
ويروحون ينامون علشان يقومون بدري
هذا القسم هو اللي مصلحه الله
والقسم الثاني اللي راد بالشعب اذا طلع النور واحتمت الشمس ناموا
وانا الضعيفه لا مع هذولا ولا مع هذولا
اصير بحاله ما يعلم بها الا الله الى الظهر
عاد الظهر تجي المجموعه اللي نامت بالليل تبيني اسولف معها وانا مالي خلق
تدرون ما بعد نمت
يجلسون يعلقون ويضحكون ومير اقوم عليهن
واكفخهن وارد د باعلى صوت تكفون ابي انام وهن الله يجزاهن خير على حالهن
احد نايم بوسط الاصوات وماكنه الا جنازة
واحد وده يصيح او صاح
علشانه مانام قمت واخذت مخد تي وشرشفي وقمت اد وج بالبيت اد ور على مكان انجدخ بوه
يعني انام فيه اد خل غرفه الاقي امي وحريم عمي متجد خات ويسولفن
وعيونهن عين مفتحه وعين مغمضه
اد خل غرفه ثانيه القى البزران فيها صول وجول ومهاوش
اد خل المقلط القى السفرة وباقي اغراض الغداء ما بعد شالوها وريحه الزفر
ما بعد راحت عاد هيهات هيهات
انام بغرفه ومعي باقي كرتون الموز والبرد قان واليوسفندي
انا اذا ما انام بغرفه معطرة بعطور فرنسيه
ولا ريحه كراث يالله الجنه ما انام
هههههههههههه
المهم اروح المجلس الاقي عمومتي والعيال
نفس الحال كلن منشقل
عاد هذا غير باقي الغرف الاسبيشل
كلن صاكن على روحه ونايم
وانا ماغير اشقل مخد تي وشرشفي
من مكان لمكان
ضاقت بي الدار
مير يخطر ببالي مكان
غير عشه حمام ود جاج مرت عمي
وغير الحمّام وانتم بكرامه
تدرون وشو المكان؟؟؟؟؟؟؟؟؟؟
رحت للسطح بعز القايله واغط شرشفي تحت بزبوز غسل السطح والقى نقطه ضلال
ومير اتوسد المخده وانام نومه الله لايوريكم قمت عقبها
وهم يد ورون بكل مكان ماتوقعوا يلقوني بالسطح وعلى الاسعاف
جاني حرارة واستفراغ
وانتم بكرامهوالحمد لله عمر الشقي بقي
وابي اقولكم عن احسن شي احبه اذا صرت نايمه
هالكلام هذا قبل الزواج طبعا
احسن شي هو اذا حلمت اني معرسه واكون بالحلم مختبة ومستانسه
واهاوش واتميلح بما اني العريسه
همن يضيق صد ري اذا قومتن امي للمد رسه وارد على امي واقول :
ابي اغيب اليوم الماخوذه جايتني وانا اكذب بس غد ين ارجع واكمل الحلم
يا سفابوه راح علي
وابغض شي لنفسي اذا حلمت ان ابو دحومي معرس علّي
عاد اقوم ذاك اليوم واحط الحرة بكل اللي حولي
يسأل ابو د حومي وراه المزاج اليوم متعكر ؟؟
اعلمه
يرد علّي ويقول:
حلم يبه حلم
ولو كان اتنرفز وهو حلم
ولا ابي انام مرة ثانيه
اخاف تجي الحلقه الثانيه
الله من مرة ومرة قمت من نومي على صوت البلاي ستيشن
فاتحه د حومي وبعد ين اقوم امصع الفيش واعاقبه
ما يفتحه لمدة اسبوع قلعته ليه ينكد علي ويرفع الصوت
اذكر يوم كنت حامل في بكري
توحمت بزوجي وكنت ما ابغى ريحته كنت انام بفراش مستقل
كان اذا مر جنب فراشي اصيح با اعلى صوتى لا تقرب يم فراشي
واحب اذ كر لكم من منغصات النوم
التلفونات وحلها بسيط امكع الافياش
واختم كلامي بموقف بسيط
صار يوم جت عند نا مرة
بنت عمتي وكانت صغيرة بعمر اختي الصغيرة
المهم يوم جينا نبي ننام اخواني الصغار والكبار عارفين قانوني
اذا جيت انام كلن بفراشه ولا ابي أي صوت
وكلن طبق القانون كبير وصغير
الا بنت عمتي قامت تطامر وتناقز
عطيتها الانذار الاول ما نفع
عطيتها الانذار الثاني ما نفع
عطيتها الانذار االثالث ما نفع
مير الجأ الى الطريقه التاليه
قمت وربطتها بشرشف الصلاه بالسرير وسد يت فمها
لمده ساعه ومن ثم بعد صياح ونياح نامت نومه هنيه
وهي الحين ام عيال والى الحين تذ كرني بالذي مضى
وختاماً
ابي من الجميع التفاعل مع الموضوع
ووسعوا صد ري انه فيه احد مثل حالتي ،،
او حولي ،،او اقل مني،، او مايدري باللي حوله
واتمنى من الله انه يعطيني مثل الي عطاه
وابي مواقفكم عند النوم
نصيحه اعلاميه :
لا تنسون تدهنوا بالفكس
ترى الفكس زين ينفع لجميع الالام
ويدوخكم
فكسوا في متناول الجميع
تفكسوا لتنعموا بنوم هادئ واحلام سعييييييييييييده
ود متم لمن يحبكم وأنا أم تأبط شراً منهم
يمسيك بالرضاء والعافيه يام دحومي
باسم الله عليك يام عبدالرحمن وش جاب الكفر هنيا
الظاهركفركم منسم ماهو بعيد عن مخيخك :23:
اجل العضوه اللي اسمها نمله مفغوصه اكييييييد انتي اللى فاغصته
اقول ام دحومي تبيعون بطاطين نفر واحد .. ترى ناقصتني بطانيه :o
الحل عندي وانا ام هندي <<<< وش بها ذي
احسن حل جيبيلك بس اطرم وعلقيه مع ذيلووه عند الدريشه
وكل ماجاء عصفور يشوف شغلوووه معوووه
يارب لك الحمد واشكر انا من النوع الأخيــــــــر
اللي مايدري باللي حوله
يعني لاصرت نعسانه حطيت راسي ونمت ولو تقوم الحرب العالميه
فوق راسي ماريت عنها .. ومايصحيني من النوم الا الشديد القوي
وبالرغم ومن كل ماذكر انفاَ <<<<< اخس ياللغه
فيه حركه بسيطه تصحيني وتخليني في حاله هستيريه لو احد سواها وانا نايمه
الا وهي
اذا احد فتش بدرج الكمدينه اللي جنب راسي
ما ادري ايش سر الازعاج اللي تسببه لي هذي الحركه
من جد تزعجني بشكل غير طبيعي
شكـــ1000ــر عيوني على هالموضوع الحلوووووووو