مالي الاالله ثم انتم ساعدوني

حاولي انك ما تراكمي الشغل على نفسك يعني اول باول وخلي يوم واحد لشغل الثقيل ويوم راحه لكي وانتي شوي شوي راح تتعةي وتنظمي نفسك بنفسك ولا تسمعي لكلام الناس و اساليني انا انا كنت اتعب وعيالي صغار ما انتبه حتى لنفسي وحتى النوم ما اقدر انام ولكن الحمد لله قدرت الحين اسيطر على الوضع وبيتي نظيف دائما طبعا لا يخلومن شويه العاب عيالي بس كله يكون في غرفتهم
واتمنى انه الي عندها خبره افضل مني تفيدك
انا حاولت اوضح لك بابسط صورة واتمنى اني اكون افدتك
والله يوفقك دنيا واخره يارب

شوفي اذا قررتي الاستغناء عن الخدم بالمره جيبي لكي غسالة اواني و غساله اتوماتيك للملابس ومجفف حراري بيرحك كثيررر بالغسيل والتجفيف والكوي بعد
الثياب خلي غسيلها بالبيت والكوي برى ماتخذ كثير
سوي لكي يومين بالاسبوع او ثلاث لغسيل الملابس
غرفة الضيوف وحمامهم نظفيه زين وقفلي تعرفين العيال مايخلون شي على حاله
حطي سله للملابس الوسخه وعودي عيالك الي عنده ملابس وسخه يحطها بالسله
برضو سله لالعابهم وخليهم يلعبون واذا خلصو يلمونها
الشبابيك والجدران ودولاب المطبخ كل شهر او شهرين جيبي لك من العاملات الي بالساعه وتخلص شغلتها وتروح
عيالك الي بالمدارس
سوي جدول لعشاهم عشان ترتاحين من وش اسوي عشا
خليهم يرتبون دروسهم ويطلعون لبسهم وياخذو فسحتهم من الليل عشان يقومو الصباح بس يفطرو
وعليكي بالتسبح والتحليل والتكبير كل يوم
وصدقيني لو عودتي عيالك على التنظييم بترتاحي

مووووووووفقه

عزيزتي
مايضيق الوقت الا النوم ... دا اذا انتي من النوع اللي ينام الين الظهر
لما تطلعي ولدك للمدرسة حاولي انجزي اشغالك ..بعدها لو حابة تنومي ممكن تنومي
والله كأنه في حد جا واشتغل لك ... صدقيني الشغل بالصباح فيه بركة بالوقت

بالتوفيق

سبق وكتبت موضوع اسمه جدول لشغل البيت سهل وسريع
ابحثي عنه وشوفيه اكثر من راااااااائع

بعد الفجر فيه بركه حاولي في هذا الوقت تعملي اي شغله او اكثر راح ترتاحي كثير ويمديك تنامي مثلا الساعه تسعه او تسعه ونص وكمان نصيحه اذا اويتي الى فراشك في الليل انت وزوجك سبحي الله 33و احمدي الله 33وكبري الله34وستلاحظين الفرق هذه وصية الرسول صلى الله عليه وسلم