مالي بعد الله غيركم استشيره في المصيبة اللي انا فيها

السلام عليكم ورحمة الله
اسمحولى حدخل في الموضع على طول من غير مقدمات
مشكلتي باختصار هي اني قبل شهرين تقريبا جاء واحد خطبني عن طريق واحد يعرف بابا ومدح فية وطلعة ملاك
وانه مافي زيه ولو كان عنده اخت كان زوجها هو بس المشكله انو متزوج ومنفصل عن زوجته ولسه ماطلقها وعنده منها بنت ان في البدايه رفضت قلت يايطلقها او مااخذة المهم كلمني صاحبة وقالي اعتبريها مطلقة وانتي الخسرانة اذا مااخذتية طبعا انا واقفت وياريتني ماوافقت
صارت الملكه وبدأت المشاكل اكتشفت انو انسان شخصيتة ضعيفة مايعرف يتكلم معايا بوجة وقدام ماما وبابا مبين انو ضعيف وغلبان اتصل علية يقلي ايش تبغي ويقفل السماعة
يقارن بيني وبين مرته الاولى مبين انو زي هي مابهدلتة انا ممكن اسوي نفس الشي يعني يحذر مني
يتصل علية يقولي لي لي وافقتي علية وغيره كثير المهم انا طلبت منه الانفصال وانو كل مين يروح في حالة واشتكيتة على بابا طبعا اعترف انو كان غلطان ومستهتر ويبغى يعدل نفسة لكن انا خلاص كرهتة من تصرفاتة
ودحين بابا يبغى يغصبني علية وانا ماابغاة ايش العمل ؟؟؟؟؟
وايش ممكن اسوي عشان اقنع بابا انو هذي حياتي وانا اللي حأعيش مع هذا الانسان
اسمحولي طولت عليكم والكلام مومرتب كله على بعضة