السلام عليكم ورحمة الله
ودي اشكي وابكي لين ينجلي مافي قلبي من حزن
المشكله مشكلة اختي ماهي مشكلتي بس واجعتني بقوووه
توها متزوجه من سنه بس واكتشفت ان زوجها عنده مثل الحاله النفسيه يعني اذا زعل يفقد شعوره ويتصرف بدون وعي
يخنقها ولا يربطها بغرفه ولا يرميها باي شي
تحاول تتجنب طريقه يلاحقها يقلها لاتروحين وانا اتكلم معاك وتنضرب
واذا تكلمت وناقشته هاج زي المجنون وضربها كمان
يعني فيها فيها ان سكتت وان تكلمت
واذا هدي ورضي قام يبكي عندها ويقول غصب عني ماهوبيدي افقد شعوري
المسكينه كانت ساكته ماعلمتنا واثاريه من اول شهر بدا معها بالحركات هذي
نقول عصب على اللي غسل السياره ودخل البيت معصب تقول طلب مويه وعطته
ونقط شوي عليه وانجن عليها ومسكها برقبتها وخنقها
ومع انها تقول صرت انتفض من الخوف بغا يموتني الا انها سكتت وصبرت ماكانت تعرف هو تعبان ولا هو بس عصبي
واللي زاد الطين بله
انهم مايقدرون يروحون ولا يجون الا بعدما يستاذن من امه واخته ان وافقو له ولا مايسون شي يعني ماله اي شخصيه تخيلو يوم العيد اخذ خواته وامه وزوجته على اساس يوديهم الملاهي كلهم وشوي ولا هو يودي اختي بيت اهلي ويقلها برجع لك بكره ونتمشى سوا طبعا امه قالت له لاتروح معنا نبغا لحالنا
اختي يومها انكسر خاطرهاجلست تبكي والله بس نهديها وانتظرته ثاي يوم ثالث يوم ماجا الا بعد اسبوعين
وطبعا ابوي واخواني زعلانين ولما جا يبغا ياخذها ابوي تهاوش معاه قام عصب وقال خلاص لاترجع لي مابغاها
والحين لها خمس شهور عند اهلي وقبل شهر يرسل واحد يقلنا انه طلقها وتنتظر ورقتها من المحكمه بعد شهر ولا شهرين لهالدرجه صار الطلاق سهل والزواج لعبه ماعاد فيه رجال يقدرون المسؤليه ماعاد فيه الا بزوره
تخيلو يابنات بعد صبرها معه وش سوا فيها وقبل كم يوم يجينا خبر انه خطب وبيملك الخميس هذا واختي ماجاها لاورقه ولاشي
انهارت والله وبكينا كلنا معها تقول احبه وهو يحبني ومتحملته بمرضه ليه يسوي فيني كذا
والله انه مايستاهلها مو عشانها اختي لا والله بس جد حساسه وطيبه مايجي منها اذى وصغيره وحلوه وشاطره في بيته وفوق ذا صبرت معاه وكذا يجازيها
واهله مايخافون الله ظلمو اختي بولدهم عارفين انه مريض ودبسو اختي فيه والحين بيدبسون وحده ثانيه يلعبون في بنات الناس
الحين يابنات اللي تطلقت او تعرف عن الطلاق شي
صحيح ان ورقة الطلاق تجلس في المحكمه شهر ولاشهرين ولا يكذبون على اهلي
واذا صحيح من متى تبدا اختي عدتها هو يقول طلقتها خلاص بس استنو ورقة طلاقها
وهي عند اهلي من فتره طويله
تخيلو كل من شافها يسالها انتي مخطوبه ولا لا وهي تقول انا متزوجه متعشمه يرجعها
وهوالنذل معلقها كذا من كم شهر
تكفون يابنات طلبتكم ادعو لها ان ربي يعوضها باحسن منه باللي يثمنها ويصونها ويسعد قلبها
مره متحطمه وتبكي تقول ماني مستوعبه اللي صار كني بحلم
مسكينات البنات اذا تطلقت الوحده صارت نظرة المجتمع لها قاسيه بحكم اناه مطلقه كان العيب فيها
والرجال ييطلق ويتزوج على طول ولا همه وهو ساس البلا ظلم وربي
المشكله اهلي بعد بيطفشونها بهذي السيره وهي حساسه مررره وتتاثر بقوه
والله بس قالت لها امي تزوج مافكر فيك الله ينتقم منه واختي لين الحين تبكي
تقول احس اهلي بدو يتضايقون مني مايبغوني شكلهم صارت تتحسس من اي كلمه ماتتكلم ولاترد بس تقفل على نفسها وتبكي
الله لايسامحه دمرها
معليش طولت عليكم بس من قهري على اختي لو فيها عيب كان قلت تستاهل بس الف من يتمنى مثلها
وهو رفس نعمته عسى ربي ينتقم منه
لاتنسون بنات جاوبوني اول حالة طلاق في بيتنا ومحنا عارفين شي عن الطلاق
استنى ردودكم
الهمه طريق القمه @alhmh_tryk_alkmh
محررة ذهبية
يلزم عليك تسجيل الدخول أولًا لكتابة تعليق.
بيبو حبيبة زوجها
•
يارب يكون بعونهاالمسكينه والله صارت الدنياتخوف صارالزواج تدبيس بتدبيس وبنات الناس لعبه سمعت انه في واحديتزوج ويطلق 6مرات ويتزووج من ناس اغراب ومايقولهم انه مطلق كذامره لايقولهم مره وحده طلقت
الله يرزقها الزوج الطيب اللي يستهلها ...
و لا تبكي أبـــــــــــــــــــــــــدا على اللي سابها ...هو أصلا ما يستاهلها !!!....و الحمد الله ما جابت منه عيال كيف حتضطر تتحمله و تتحمل عقده ويمكن يفرغها في عياله...
ما حد عارف يمكن تكون هذي خيره من رب العالمين...
أكيييييييييييد خيرة من رب العالمين...
و ربي بأذن بيرزقها بالأحسن منه..
و لا تبكي أبـــــــــــــــــــــــــدا على اللي سابها ...هو أصلا ما يستاهلها !!!....و الحمد الله ما جابت منه عيال كيف حتضطر تتحمله و تتحمل عقده ويمكن يفرغها في عياله...
ما حد عارف يمكن تكون هذي خيره من رب العالمين...
أكيييييييييييد خيرة من رب العالمين...
و ربي بأذن بيرزقها بالأحسن منه..
الصفحة الأخيرة