والله الثقل يمكن مايخليني اسوي شي
ماسويت الا سمبوسة لحم ودجاج بالخضار وسبرنغ رول بس
وان شاء الله بسوي سمبوسة جبن وفطاير واصابع عروسة بس النفسية زفت غير التعب يعني اذا صرت رايقة هاليوم يصير ألم فظيع بجنوبي وظهري واذا خف تصير نفسيتي زفت
ياليت يابنات تذكرونا بأشياء بعد نفرزنها قبل رمضان
ونسيت فرزنت لحم مفروم مكشن جاهز بالبصل الاخضر والكزبرة
وافكر اسوي الشيرة واخليها اذا جيت اسوي الغدا وكم مرة انسى والكبة ودي اطلبها من حرمة
واللي تقول الفطاير يبان فيها انها مفرزنة بالعكس الحمدلله ماشاء الله كم لي افرزنها مو بس لرمضان عشان اذا جاني احد فجأة وماشاء الله كلن يسألني عن فطايري ولايبان طعم التجميد فيها يمكن حسب العجينة او تفريزك او تسخينك لها بعد ماتطلعينها
انا افكر اسوي كمية بعجينة ام عزيزان وبخليها بالفريزر فترة وبسخنها كان ضبطت اعتمدتها لاني مو اي عجينه تضبط معي وعجينتي مقاديرها كثيرة ويبي لها شغل بشوف عجينة ام عزيزان لاني اثق فيها وبطبخها
والله يوفقنا ويسهل علي وعلى كل حامل ويرزق اللي تبي
شهدالشوق
•
**fofo** :
أنا أستعديت بالمقاضي الأساسيه يعني شوربه برغل سميد مكسرات يعني هذي الأشياء وأشتريت ملابس لأولادي من بدري لأن زوجي ما يحب يتسوق في رمضان وإن شاء الله أشتري فريزر وأفرزن >>>>>>> أدعولي زوجي يوافق يشتريها لي قررررريبأنا أستعديت بالمقاضي الأساسيه يعني شوربه برغل سميد مكسرات يعني هذي الأشياء وأشتريت ملابس...
ههههههههههههههههههههههههه انا مثلك ان شاء الله زوجي يوافق يشتري الافريزر !! وافق يشري طقم كينود وباقي علي اكافح الين يجيب الافريزر
الله يعطيكم العافيه وش أفضل نوع سمبوسه انا من الشرقيه شريت لوزين بس ما عجبتني تنشف بسرعه وتتكسر وانا الفها وبنات الشرقيه اذا تعرفون محل يبيع كبه دجاج حلوه بسعر مناسب دلوني عليه ؟ والبنات اللي يفرزنون الفطاير لس بدري عليها من الحين خلوها قبل رمضان باسبوع احسن هذا راي ^ - ^الله يعطيكم العافيه وش أفضل نوع سمبوسه انا من الشرقيه شريت لوزين بس ما عجبتني تنشف...
ادري ملقوفه :09: ومو من الشرقيه لكن جربي كبه السنبله من العثيم ولا المخازن واي سوبر ماركت جربتها بصراحه تجننن روعه وتنفع للزنقات طعمها لذيذ وتقبلي ردي:26:
الصفحة الأخيرة
الحين اجمع وصفات جديده والبنات هنا ابداع ماشاء الله لاقوة الابالله
ومثل ماذكرت الاخت ناويه اشغل القران وانا اشتغل بالمطبخ اكسب اجر بهالشهر الفضيل
هالرمضان اهلي عندي فراح ننبسط ياليت الوالده والوالد (الله يرحمهم ويغفر لهم )موجودين كان انبسطنا
بس يالله هذي الدنيا