شكرا جزيلا يارنيم

البحث المطلوب هو تعريف البورت فوليو وانواعه ----مو نشأته

الله يثيبك
وقالت لي ابغى طرق مبتكره بعرضه
والله حيرتنا

أم عبد الرحمن ..
راح احاول باذن المولى اني انهي التقرير اليوم وذا ما قدرت.. لعى الاقل راح اجاوب على اسألتك ..دعواتك غاليتي

------------------------------
اخت برجيس


بصراحه يابنات الحين انتو لفتو نظري لملف النجاز هذا!! ايش قصدكم بالضبط؟؟ انا اعتقد نه نفس الشي ولو كنت غلطانه قولوا لي :)



الهندسة البريسبكتف موضوع كبييييييييير واعتقد اني سبق وشرحت عنه في قسم الفنية من زماان والله اعلم واذا ودكم اقدر اعيد شرح الدرس في موضوع مستقل عشان مانخرج عن الموضوع كتير وشكرا لاهتمامك غاليتي


صدقوني بنات الموضوع ماله نظام او طريقه معينه .. اطلقي العنان لابداعك ورتبي الافكار بطريقه منسقه .. وان شاء الله مع نهاية التقرير راح تتكون فكرة كاااااملة عن الطرق والاساليب المختلفة



مافهمت شو قصدك حبيبتي.. ياليت اخد فكرة اكثر عن موضوع صناع الحياة عشان اقدر افيدك .. وبالنسبة لخبرتي باذن المولى عزيزتي ماراح اقصر باللي اعرفه واتمنى بجد اني انفع اخواتي في كل مكان ..

في امان الله
رنيـــم

«®°·.¸.•°°·.¸.•°™ البــورتفوليو الخاص بي ™°·.¸.•°°·.¸.•°®»

الصفحه الثالثة والثلاثين والرابعه والثلاثين

هذي كانت رسمه ببرنامج الاوتوكاد الهندسي .. ايضا توضح الرسم وهي ثنائة الابعاد مع ذكر المقاييس عليها..




وفي الصفحه التالية.. الرسمه وهي ثلاثية الابعاد ومن غير المقااييس..



وبكذا يكون ملفي انتهى..
بس التقرير..اكيد مازال مليء بالمفاجات انتظروني
:27:
رنيــم

«®°·.¸.•°°·.¸.•°™ المقابله الشخصية (الاولى) ™°·.¸.•°°·.¸.•°®»

السلام عليكم
طبعا ملفي الأول كان استعداداً للمقابله الشخصية اللي راح تتم مع البروفيسور..

توكلت على الله اخذت ملفي وذهبت للجامعه قبل ساعة من موعد المقابلة..
بصراحه.. شفت العجب

طلبوا منا نتجمع في غرفة مثل صالة محاضرات لحد مايصير الموعد..

لقيت ناس من الصين من اليابان من فرنسا من بريطانيا ومن مناطق بعيييده في كندا.. وكنت انا الوحيده من ميسساجا!! وكل شخص كان معه بورتفوليو (ضخم)!!!! يعني انا كنت الوحيده معاي ملف صغيرون حسب التعليمات .. وهنا حسيت انه في شي غلط ..
ما سكت قلت لازم افهم الموضوع.. لقيت وحده روسية معها بورتفوليو الاسطواني .. يعني حجم اللي جواه اكيد كبير.. قلت لها انه في الموقع قالوا الحجم لازم يكون حجم الورقة العاديه كيف جايبة البورتفوليو حقك بهالكبر؟؟ قالت انا كان عندي مقابله في تورنتو وسويت هالبورتفوليو ومابغى اغير كل شي من اول وجديد واذا مانجحت بالمقابله عادي ! وبصراحه شفتها مررة بايعتها يعني مو ماخذه الامر بجديه.. قلت خليني شوي اشوف احد اسأله..
ولا يدخل واحد طالب جاي من الصين لسه حالا جاي من المطار وجايين معاه اهله والبورتفلويو حقه كان (((((َضخم))))) لدرجة انه في وحده من لوحاته تتعلق على جدار كامل وكانت روووعه ..

اول مادخل سألته نفس السؤال.. قالي اوة صح اللي تقوليه بس هالشرط انا ماعجبني واتصلت على الجامعه وقلت لهم ممكن اجيب احجام مختلفة وما اتقيد بهالشرط!! قالوا براحتك!!!!!

وهنا انا صار معي اكتئاب :44: يعني لو خطرت في بالي فكرةاني اسألهم كانت المهمه سهلت علي كثيييييييير لكن حسبي الله ونعم الوكيل تسرعت..

المهم مرت الساعه وانا اعماقي من جوا يتقطع ودي اخلص .. وفقدت الامل ابغاهم يقولوا رسبتي في المقابله وخلاص..

دخل برفسور وقال .. راح نوديكم غرفة كبيرة .. عليها طاولات كثييييييرة .. كل واحد يدور الطاولة اللي عليها اسمه ويضع عليها البورتفوليو الخاص فيه.. عندكم ربع ساعه وبعدها ترجعوا للغرفة هذي من فضلكم ..

استغربت انا (((ربع))) ساعه بس عشان احط الملف واجي وش دعوه الموضوع ماياخذ دقيقتين!!
رحت الغرفة وهناك تفاااااجأت!!!!!!
الطاولات اللي يتكلم عليها كبيييييييرة وطلع 25 % من درجة المقابله على ترتيب وتنسيق البورتفوليو على الطاولة هذي .. وانا ياحسرة ماكان معي غير هلملف اليتيم والناس ابدعت في ترتيب طاولاتها جايبين مفارش وتبوا لوحاتهم بطريقه فعلا حلوة ..
رجعت للغرفه الثانية وانا شوي واصيح واقول الله يعدي هاليوم على خير .. :(

بعد ماتجمعنا مرة ثانية في القاعه جا اربع دكاترة دخلوا الغرفه اللي فيها الطاولات وسكروا الباب وراهم!! واحنا كنا جالسين في القاعه جا برفسور وعطنا محاضرة عن اهمية وصولنا لهالمرحلة وكيف انه احنا تميزنا ومدري ايش يعني يحاول يشغلنا ويحمسنا للقسم هذا وانه لو رسبنا في المقابله لازم نعيد نستمر ومانفقد الامل ووووو ..
بعد كذا بدأوا ينادون اسامينا واحد واحد .. وكان في اكثر من برفسور مستلمين المقابلات يمكن
حتى وصل دوري ..

نكمل ولا بلاش فضايح!!!!!!!

يتبع باذن المولى..
رنيــم

«®°·.¸.•°°·.¸.•°™ المقابله الشخصية (الاولى) ™°·.¸.•°°·.¸.•°®»
كنت من الأخيرات اللي تم امتحانهم .. يعني كانت اعصابي بايظة مثل مايقولوا المصريين .. كنت مرتبكة وخايفه وفاقده الأمل يعني تقدروا تتخيلوا الموقف..


قالي وين طاولتك؟؟ رحت عندها وابدا اعجابه بالملف وانه طريقته ظريفه ومرتبه .. يمكن كان يحاول يلطف الجو شايفني مرررررة مرتبكة.. اخذ الملف واخذذني لغرفه فيها كنب وجلسنا والملف حطيناه على طاولة قدام الكنب .. اول ماجلسنا..

أنا : ممكن اسكر الباب !! (وفعلا اعاني من هالمشكلة كثير لما يكون الباب مفتوح ارتبك جدااااا ولا اعرف اسوي شي لدرجة انه لو استاذ يشرح الدرس الباب مفتوح ما افهم الدرس)

هو: ضحك قال اوكي براحتك مو مشكلة ..
بدأ المقابلة بسواليف عاديه اسمك عمرك ليش اخترتي هالقسم وووو
بعدين بدا الجد ..

هو: افرضي انك ماقبلتي في قسم التصميم في جامعة يورك ايش هو القسم اللي ممكن يعجبك في هالجامعه؟؟
(للمعلومية انا كنت عاملة حساب لهالخطوة لذلك كنت ناوية ادخل في قسم الرسم في حالة ماقبلت بالتصميم شوفوا اجابتي كيف كانت غبية)

انا: اممم اعتقد لو كان في قسم هندسة عمارة في جامعة يورك راح اقرر اني ادخله بس بما انه مافي فماراح ادخل هالجامعه ابدا لأني اسكن في ميسساجا والجامعه في يورك ولو ماكانت على شي محرز فماراح اخذ المشوار يوميا بالقطار عالفاضي ..
(للمعلومية: على الرغم من اني احب الهندسة المعمارية جدا جدا جدا الا اني عمري مافكرت فيها كمجال للمستقبل لأن مجال العمل فيها للمرأة محتكر وصعب ومادري من وين جبت هالاجابة الغبية!!)

هو: :confused:

انا: توي انتبه على الاجابة الغبية

هو: ماهو مثلث اساسيات التصميم الرئيسية ؟

انا: جاوبت على السؤال لأنا درسناه في الكورس

هو: يمسك الملف..وبطريقه عشوائية يفتح صفحه بالنص ويقولي اشرحي لي ياها.. وتكون الصفحه اللي فتحها هي شعار الطلبة المسلمين ..

انا: انبسطت انه طلعت الصفحه هذي لأني اقدر اشرح براحتي في الخطوات كلها موجوده..

هو: مو عاجبه الكلام وخاصة اني متحمسة انه هذا للمسلمين ومدري ايش .. كان طول الوقت جالس ماتكلم ولا كلمه ويطالع بغير جهه ..
(للمعلومية: الجامعه هذي يهودية وانا كان عندي علم بهالشي والمفروض اني ما اتحمس لأي جهه حتى امشي وانجح بعدين اسوي اللي ابيه )
هو: مين هو مصممك المفضل ؟؟

انا:ماعندي مصمم معين في بالي لأني اؤمن انه كل مصمم عنده اعماله الحلوة والسيئة الايجابية والسلبيه وهالشي ينطبق على كل البشر مو بس المصممين يعني اي شخص في اكلون مايخلو من ايجابيات وسلبيات..
:o هذا السؤال ماخطر في بالي وماعندي مصمم معين فالاجابة تصريفه مرتبه..

هو: يناظرني بلؤم.. ويعيد سؤاله بطريقه بطيئة وواضحة.. مين هو مصممك المفضل؟ اصلا بتعرفي اسم اي مصمم؟؟

انا : كأنه صفعني بقووووة ..قلت له باستسلام .. لا ماعندي ولا اعرف اي اسم..

هو: طيب.. بعيد عن التصميم شو هواياتك؟
(لاحظوا السؤال جدا سهل وبسيط بس اجابتي مرة ثانية مدري وش تبي)

انا: هوايتي الرئيسية هي العمل التطوعي (فولينتيرينق)!! استمتع لما اقوم بعمل تطوعي سواء في مدرسة او في مجتمعي او في مدينتي
(هالمعلومة صحيحه وماكذبت بس ماتوصل لدرجة انه هوايتي المفضلة!! يعني كان ممكن اسهل الرد واقول القراءة الرسم الخياطة السباحه اي شي بس اجابتي مدري وش تبي)

هو: ينظر بطرف عينه مستغررررررررب .. ويعيد اجابتي بصوت واطي ويقول.. التطوع!! طيب يارنيم ..شو هو اخر عمل تطوعي قمتِ فيه بالشهر الماضي..

انا: شاركت في مؤتمر اسلامي ضخم صار في تورنتو وحضره حوالي 10000 شخص وكان مؤتمر ناجح وكتبت عنه الصحف والمجلات والتلفزيون ووووو
(تحمست زياده عن اللزوم ومرة ثانية اغلط هالغلط )

هو يقاطعني: بس انا ماسمعت عنه للأسف!

تكلم معي عالسريع عن خبرتي وسولف لي عن اجهزة الجامعه وكيف انها تتبع نظام ماك مو اي بي ام بعدين انهى المقابله وقالي حظ موفق

طلعت من الغرفه
شوي ويغمى علي ... كأني توي اصحى من كابوس لكن تأثير الكابوس مازال مستمر فيني .. وعلى فكرة انا مو الوحيده.. لقيت كل اللي طالعين من الغرف الثانية كذا.. مااحد منا كان يتكلم مع اننا قبل المقابلة كنا نسولف ونتمنى لبعض حظ حلو ..

رجعت البيت وقلت اكيد رسوب مافي امل وش هالخرابيط اللي قلتها مافي قدامي غير قسم الفيجوال اترس في الجامعه نفسها وكمان تحتاج مقابة لكن مقابلتها متأخرة لبعد شهر.. قلت مادام الحين عرفت راح انجح بالمقابله الجايه باذن الله ..

لي عوده باذن المولى..
رنيــم